Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
15.12.2017 17:35
Xalça Muzeyində “Bir eksponatın tarixi” layihəsi çərçivəsində “Şamaxı” xalçasıAzərbaycan Xalça Muzeyi “Bir eksponatın tarixi” layihəsi çərçivəsində muzeyin kolleksiyasında saxlanılan, Azərbaycan Xalça Muzeyinin tarixində ilk dəfə 2017-ci ildə xarici hərracda Avstriya auksion şirkətindən (AUSTRIA AUCTION COMPANY)  əldə edilmiş XVII əsrin sonu XVIII əsrin əvvəllərinə aid unikal “Şamaxı” xalçası ilə tanış olmağa dəvət edir. Bu xalçanın tarixinə muzeyin direktoru, sənətşünaslıq üzrə fəlsəfə doktoru Şirin Məlikova ilə birgə səyahət etməyə dəvət edir. Mühazirə Azərbaycan dilində aparılacaq. Azərbaycan Xalça Muzeyi  16 dekabr 2017-ci il, saat 14:00 Giriş sərbəstdir. ..
15.12.2017 16:43
Özbəkistanın Respublika sarayı “Türküstan”da keçirilən uşaq xeyriyyə festivalının təşkilatçısı Azərbaycan Mədəniyyət Mərkəzi olmuşdurÖzbəkistandakı Heydər Əliyev adına Azərbaycan Mədəniyyət Mərkəzinin təşəbbüsü və təşkilatçılığı ilə Özbəkistanın Respublika sarayı -Türküstanda uşaq xeyriyyə festivalı keçirilib. Tədbirdə Daşkənd Şəhər Hakimiyyətinin, Özbəkistan Həmkarlar İttifaqının nümayəndələri, Daşkənddəki 15-ə yaxın uşaq evlərinin minə yaxın fiziki qüsurlu və yetim uşaqları iştirak ediblər. Azərbaycan tərəfi builki xeyriyyə festivalında iştirakını Azərbaycan ümummilli lideri Heydər Əliyevin əziz xatirəsinə həsr edib. Tədbirin açılışında iştirakçılar Azərbaycan tərəfinin bu təşəbbüsünü və dəstəyini alqışlayaraq, yüksək qiymətləndiriblər. Xeyriyyə Festivalını giriş sözü ilə açan Daşkənd şəhər hakimiyyətinin köməkçisi  Omon Topilov ənənəvi olaraq hər ilin sonunda Daşkənddə internat evləri üçün keçirilən xeyriyyə festivalının təşkilatçılıq edən Azərbaycan Mədəniyyət Mərkəzinin dəstəyini yüksək qiymətləndirib, təşəbbüsü əsl dost qayğısı və dəstəyi adlandırıb. O, balaca istedadların üzə çıxarılması, onların Özbəkistanın aparıcı səhnəsində konsertlərinin təşkili, habelə uşaq evlərinin hər il vacib ehtiyaclarının ödənilməsini əvəzsiz bir iş olduğunu qeyd etdi və Azərbaycan dövlətinə öz təşəkkürünü bildirdi. Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov Azərbaycan-Özbəkistan dostluğundan danışaraq, bu dostluğun möhkəmlənməsi, xalqlarımız arasında əlaqələrin inkişafında gələcək nəsillər olan uşaqların rolunu qeyd etdi. O, çıxışında Azərbaycan-Özbəkistan dostluğundan danışaraq, Azərbaycan xalqının ümummilli lideri Heydər Əliyev haqqında, onun dostluq əlaqələrimizin inkişafında xidmətini vurğuladı. Daha sonra Festivalda Azərbaycan Mədəniyyət Mərkəzinin hazırladığı konsert təqdim olundu. Mədəniyyət Mərkəzinin nəzdindəki “Azərbaycan qızları” və kiçikyaşlı oğlanlardan ibarət rəqs qrupları milli rəqslərimizi ifa etdilər. Daşkənddəki İnternat evlərinin fiziki qüsurlu uşaqları maraqlı musiqi nömrələri ilə çıxış etdilər. Onlar bir sıra Özbək, Azərbaycan  və dünya musiqilərini və rəqslərini ifa ediblər. Qeyd edək ki, çıxışlar tamaşaçılar tərəfindən maraqla qarşılanıb və təşəbbüs şəhər hakimiyyəti tərəfindən yüksək qiymətləndirilib. Tədbirin sonunda Daşkənddəki 15 uşaq evi və İnternet məktəblərinə Heydər Əliyev adına Azərbaycan Mədəniyyət Mərkəzinin hədiyyələri təqdim olunub. ..
15.12.2017 16:21
Qara Qarayev adına Mərkəzi İncəsənət Məktəbinin yaranmasının 80 illiyinə həsr olunmuş Klassik və Folklorun Gənc İfaçılarının "WORLD HARMONY" adlı I Beynəlxalq Müsabiqəsinin açılış mərasimi keçiriləcək16 dekabr 2017-ci il tarixində saat 10:00-da Qara Qarayev adına Mərkəzi İncəsənət  Məktəbinin  Böyük  zalında Qara  Qarayev adına Mərkəzi İncəsənət Məktəbi Gürcüstanın Gürcü Folkloru və Klassik Musiqisinin İnkişafı birliyi “Harmoniya“ ilə birgə Qara Qarayev adına Mərkəzi İncəsənət Məktəbinin yaranmasının 80 illiyinə həsr olunmuş Klassik və Folklorun Gənc İfaçılarının “WORLD HARMONY“ adlı I Beynəlxalq  Müsabiqəsinin açılış mərasimi keçiriləcək. Açılış mərasimində Mədəniyyət və Turizm Nazirliyindən nümayəndə heyəti, ölkənin tanınmış  musiqiçiləri, ziyalıları iştirak edəcək.   Müsabiqənin münsiflər heyətinə Xalq Artisti Fidan Hacıyeva, Əməkdar Artist  Əziz  Qarayusifli, professor, əməkdar müəllim Nəzakət Rimazi, professor, əməkdar müəllim  Hökümə  Əliyeva, Əməkdar Artist, AMK-nın dosenti Elşən Mansurov, professor Tsino Bicikaşvili, professor Tamar  Sarvazaşvili, əməkdar müəllim  Ümid  İbrahimov daxildir. Müsabiqəyə ümumilikdə  275  ifaçı  qatılıb. Fortepiano  ixtisası  üzrə  32, vokal  şöbəsi  üzrə 28, orkestr alətləri  şöbəsi  üzrə 30,  xalq  çalğı  alətləri şöbəsi üzrə 29  ifaçı  çıxış  edəcəkdir. Digər ifaçılar fortepiano ansamblı, xalq çalğı alətləri ansamblı ,skripka ansamblı, rəqs və xor  kollektivinə  daxildir. Müsabiqənin bağlanışı, iştrakçıların mükafatlandırılması və qala konsert 19.12.2017-ci il  tarixində saat 12:00-də  Rəşid  Behbudov adına Mahnı Teatrında baş tutacaq. Onu da qeyd edək ki, müsabiqə çərçivəsində 18.12.2017-ci  il tarixində  saat  15:00-da  Qara  Qarayev adına Mərkəzi İncəsənət Məktəbinin  kiçik  zalında  Gürcüstandan  dəvət  olunmuş  Tbilisi Dövlət Konservatoriya-sının vokal müəllimi, professor Tamar Sarvazişvilinin ustad  dərsləri keçiriləcək. ..
15.12.2017 16:19
“Prehistoric Rock Art Trails” mədəni marşrutunun Yeni il təbrikində Qobustan təsvirləri öz əksini tapmışdırAzərbaycan Respublikası Mədəniyyət və Turizm Nazirliyi 2016-cı ildən “Prehistoric Rock Art Trails” (PRAT-CARP) mədəni marşrutunun tamhüquqlu üzvüdür. “Prehistoric Rock Art Trails” mədəni marşrutu Avropa Şurasının Mədəni Marşrutlar haqqında qətnaməsini əsas tutaraq Avropanın qayaüstü incəsənət abidələrinin birgə mədəni marşrutlarını yaratmaq, administrativ və mədəni fəaliyyətini təşviq etmək məqsədilə yaradılmışdır. Hazırda bu mədəni marşrutda Azərbaycan, İspaniya, Fransa, İtaliya, Norveç, İsveç, Portuqaliya, İrlandiya və Gürcüstandan 100-dən çox qayaüstü incəsənət abidəsi təmsil olunur. Qobustan Qayaüstü İncəsənəti bu marşrutda Azərbaycanı təmsil edən abidələrdən biridir. “Prehistoric Rock Art Trails” mədəni marşrutunun qarşıdan gələn 2018-ci ilin təbrik açıqcasında Qobustan qayaüstü təsvirlərinin qeydiyyatı üçün təşkil olunmuş gecə ekspedisiyası zamanı çəkilmiş fotoşəkildən istifadə edilmişdir. Bu açıqca təşkilatın bütün internet resursları vasitəsilə yayımlanmışdır. Açıqcada üzərində “2018 Avropa Mədəni İrs ili” -nin loqosu da öz əksini tapmışdır. ..
15.12.2017 16:11
“Qətibə İnanc” tamaşasının premyerası keçirilibDekabrın 14-də Akademik Milli Dram Teatrında “Qətibə İnanc” tamaşasının premyerası keçirilib. İki hissəli səhnə əsəri görkəmli Azərbaycan yazıçısı Məmməd Səid Ordubadinin “Qılınc və qələm” romanının motivləri əsasında Çingiz  Ələsgərli tərəfindən yeni səhnə versiyasında işlənib. Tamaşanın quruluşçu rejissoru xalq artisti Mərahim Fərzəlibəyov, quruluşçu rəssamı əməkdar mədəniyyət işçisi İlham Elxanoğlu, musiqi tərtibatçısı Kamil İsmayılov, rejissor assistenti Vüqar Məmmədovdur. Səhnə əsərində xalq artisti Bəsti Cəfərova (Qətibə İnanc), əməkdar artist Sabir Məmmədov (Nizami), aktyorlar Rövşən Kərimduxt (Hüsaməddin), Rüstəm Rüstəmov (Qızıl Arslan), İlyas Əhmədov (Fəxrəddin), əməkdar artist Kazım Abdullayev (Toğrul), aktrisalar Şəhla İsmayılova (Səba), Fidan Cəfərova (Gənc Qətibə), aktyor Elnur Qədirov (Qutluğ), əməkdar artistlər Mirzə Ağabəyli və Elxan Quliyev (Vəzir), aktyor Cümşüd Zeynalov (Zindan keşikçisi), əməkdar artistlər Məzahir Cəlilov (Qazı) və Əlvida Cəfərov (Saray əyanı) iştirak edirlər. Tamaşa Gəncə hakimi Əmir İnancın qızı Qətibə İnancın Şeyx Nizamiyə olan cavabsız məhəbbətinə həsr olunub. Şeyx tərəfindən məhəbbəti rədd ediləndən sonra Qətibə İnancda hamıya qarşı nifrət yaranır. Bu nifrətinə görə Qətibə sevmədən Məhəmməd Cahan Pəhləvana ərə gedir, ondan Qutluğ adlı oğlu olur. Qeyd edək ki, ilk dəfə 1977-ci ildə görkəmli rejissor Tofiq Kazımov “Qılınc və qələm” əsərini tamaşaya qoyulub. ..
15.12.2017 16:01
Azərbaycan Dövlət Musiqili Teatrının direktoru 36-cı Beynəlxalq Fəcr festivalının münsiflər heyətindəAzərbaycan Dövlət Musiqili Teatrının direktoru, Əməkdar incəsənət xadimi, sənətşünaslıq üzrə fəlsəfə doktoru, dosent Əliqismət Lalayev İran İslam Respublikasında keçiriləcək 36-cı Beynəlxalq Fəcr Teatr festivalına dəvət olunub. Tanınmış rejissor və teatr xadimi dünyanın onlarla ölkəsinin təmsil olunduğu bu nüfuzlu festivalda ekspert kimi iştirak edəcək. Bu məqsədlə Ə. Lalayev 21 yanvar – 1 fevral 2018-ci il tarixlərində İran İslam Respublikasının Dramatik İncəsənət Mərkəzinin rəsmi dəvəti ilə qonşu ölkəyə səfər edəcək. Artıq bir neçə dəfədir ki, dünyanın müxtəlif teatr və musiqili festivallarında münsif kimi iştirak edən Əliqismət Lalayev bu sənət yarışmasını teatr sahəsində ən maraqlı yarışmalardan biri kimi qiymətləndirir. “Düşünürəm ki, bu dəvət dünyaca məşhur Beynəlxalq Fəcr Teatr festivalının təçşkilatçıları tərəfindən Azərbaycan teatrına göstərilən etimaddır, ümumilikdə teatr sənətimizə sevginin, rəğbətin təzahürüdür. Bundan öncəki - 35-ci Beynəlxalq Fəcr Teatr festivalında bizim Musiqili Teatr da iştirak edirdi. Dünyanın təqribən 20 ölkəsinin təmsil olunduğu bu nüfuzlu sənət yarışmasında kollektivimiz dahi Üzeyir Hacıbəylinin məşhur “Ər və arvad” iki hissəli musiqili komediyasını təqdim etdi. Tamaşanın nümayişi anşlaqa səbəb olub. Səhnə əsəri festival təşkilatçıları və Təbrizli tamaşaçılar tərəfindən rəğbətlə qarşılandı. Məhz bunun nəticəsi olaraq təbrizlilərin xahişi ilə festival proqramından əlavə “Ər və arvad” tamaşasını ikinci dəfə göstərdik. Kollektivimizin üç üzvü bu möhtəşəm festivalın mükafatını qazandı. Mükafatlar təqdim olunarkən bütün zal onları ayaq üstə qarşıladı, sürəkli şəkildə alqışladı. Bu, bütövlükdə Azərbaycan mədəniyyətinə olan böyük marağın və sevginin göstəricisi idi. Hesab edirəm ki, İran İslam Respublikasının Dramatik İncəsənət Mərkəzi məhz o uğurlu çıxışın və ölkəmizin adına qazanılan qalibiyyətin nəticəsi olaraq bu dəfə məni belə bir nüfuzlu festivala ekspert qismində dəvət edib. Çaqlışacağam ki, bu dəfə də Azərbaycanı layiqincə təmsil edim”, - deyə Dövlət Musiqili Teatrının direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev söyləyib. ..
15.12.2017 15:11
“Bakıxanovlar şöhrət zirvəsində” kitabı nəşr olunubMədəniyyət və Turizm Nazirliyinin dəstəyi ilə “Bakıxanovlar şöhrət zirvəsində” kitabının nəşri başa çatdırılıb. Kitab maarifçi, alim və şair Abbasqulu Ağa Bakıxanov, Xalq artisti, tarzən Əhməd Bakıxanov və Xalq artisti, bəstəkar Tofiq Bakıxanovun həyat və yaradıcılığına həsr olunub. Kitab “Renessans-A” nəşriyyatında yüksək poliqrafik keyfiyyətlə çap edilib. Mədəniyyət və Turizm Nazirliyinin tabeçiliyində olan kütləvi kitabxanalara və müvafiq sayda aidiyyəti qurumlara paylanılacaq.   ..
15.12.2017 15:09
“Nar bağı” bədii filminin qadın rol ifaçısı Antakya Beynəlxalq Film Festivalının “Ən yaxşı aktrisa” nominasiyasının qalibi olmuşdur“Nar bağı” bədii filminin qadın rol ifaçısı İlahə Həsənova Türkiyədə keçirilən 5-ci Antakya Beynəlxalq Film Festivalının “Ən yaxşı aktrisa” nominasiyasının qalibi olmuşdur. Mədəniyyət və Turizm Nazirliyinin sifarişi ilə “Azərbaycanfilm” kinostudiyası və “Buta film” kino şirkəti tərəfindən birgə istehsal edilən “Nar bağı” filminin quruluşçu rejissoru İlqar Nəcəf, filmin ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir. Rolları Qurban İsmayılov, İlahə Həsənova, Səmimi Fərhad, Həsən Ağayev, Rövşən Kərimduxt və digərləri canlandırıblar. “Üçüncü günün adamı” bədii filminin baş rol ifaçısı Hikmət Rəhimov Türkiyədə keçirilən 5-ci Antakya Beynəlxalq Film Festivalının “Ən yaxşı aktyor” nominasiyasının qalibi olmuşdur. “Azərbaycanfilm” kinostudiyası tərəfindən Babək Şirinsifətin rejissorluğu ilə çəkilən “Üçüncü günün adamı” filminin ssenari müəllifi Maqsud Qarayşa, quruluşçu operatoru Rafiq Quliyev, quruluşçu rəssamları Rafiq Nəsirov, Arif Niftiyev, bəstəkarı Firudin Allahverdi, icraçı prodüserləri Tərlan Babayev, Arif Səfərov, prodüseri Müşfiq Hətəmovdur. Filmdə rolları Hikmət Rəhimov, Rasim Cəfərov, Kamran Ağabalayev, Nicat Həbibov, Vidadi Əliyev, Mehriban Zəki, Mətanət Abbasova, Xalidə Quliyeva, Zarina Qurbanova, Məmməd Səfa, Kamran Yunis və Ayşad Məmmədov canlandırıblar. ..
15.12.2017 14:16
Gənc Tamaşaçılar Teatrında həftəsonu 8 tamaşa nümayiş olunacaq...       Hər həftə olduğu kimi bu həftə də ADGTT daimi tamaşaçıları və şəhərimizin qonaqları, eləcə də kiçik yaşlı tamaşaçılar üçün maraqlı repertuar tərtib etmişdir.        Teatr dekabr ayının 15-də saat 14:00-da böyük mütəfəkkir M.F.Axundzadənin “Hekayəti-Xırs quldurbasan”, saat 19:00-da isə türk dünyasının ortaq qəhrəmanı “Koroğlu” dastanı əsasında hazırlanmış “Eşq-i Nigar” tamaşalarını nümayiş etdirəcəkdir.         Dekabrın 16-da axşam saat 19:00-da L.Nurenin “Mən gəldim qızlar”, 17-də isə saat 19:00-da D.Fo, P.Filipponun “İtalyansayağı xoşbəxtlik” komediyasını təqdim edəcəkdir.        Heç şübhəsiz ki, teatr daimi və sevimli kiçik yaşlı tamaşaçılarını da hər zaman olduğu kimi diqqətdən kənarda qoymayıb.         Belə ki, kollektiv dekabrın 16-da saat 12:00-14:00 –də olmaqla C.Rodarinin “Çipollino”, dekabrın 17-də isə C.Sviftin “Qulliver cırtdanlar ölkəsində” adlı yeni tamaşaları ilə balaca dostlarını sevindirəcəkdir.        Tamaşalarda rolları teatrın istedadlı aktyorları əməkdar Artistlər Kəmalə Hüseynova, Leyli Vəliyeva, Nübar Novruzova, Qurban İsmayılov, Vahid Əliyev, Nofəl Vəliyev, aktyorlar Günel Məmmədova, Səbinə Məmmədova, Elşən Hacıbabayev, Anar Seyfullayev, Elnur Hüseynov, Müşfiq Əliyev, Aygün Fətullayeva, Xəyalə Meydanova və başqaları ifa edəcəklər.       Azərbaycan Dövlət Gənc Tamaşaçılar Teatrı xalqımızı 31 Dekabr Dünya Azərbaycanlılarının Həmrəylik Günü və Yeni -2018-ci il münasibəti ilə ürəkdən təbrik edir və uğurlu günlər arzulayır.        Tamaşalara biletləri bütün mərkəzləşdirilmiş kassalardan və ASAN xidmət mərkəzlərindən və filiallarından əldə edə bilərsiniz. ..