Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
23.01.2018 12:48
İrəvan teatrında “Ömür qatarı” tamaşasının premyerası olubCəfər Cabbarlı adına İrəvan Dövlət Azərbaycan Dram Teatrı yeni ildə ilk tamaşasını təqdim edib. Səməd Vurğun adına Azərbaycan Dövlət Rus Dram Teatrının səhnəsində qırğız yazıçısı Mar Bayciyevin “Ömür qatarı” əsəri əsasında hazırlanmış tamaşanın premyerası uğurla keçib. Teatrın 136-cı mövsümün anşlaqla keçən ilk premyerasında Qırğızıstanın ölkəmizdəki səfirliyinin nümayəndələri, tanınmış mədəniyyət və incəsənət xadimləri və digər qonaqlar iştirak ediblər. Əsəri Azərbaycan dilinə tanınmış şair-dramaturq Hidayət tərcümə edib. Əsərdə insan taleyi, insani məsələlər ön plana çəkilib. Hadisələr birinci hissədə sərnişin qatarında, vaqonda cərəyan edir. İkinci hissədə isə hadisələr qatardan enmiş səhrada dəmir yolunun üzərində davam edir. Hansı ki, bu qatarda iki gənc evlənməyə, bir qadın isə nə vaxtsa qısa vaxtda sevdiyi oğlanın qəbrini ziyarətə gedir. Tamaşada müxtəlif insan taleləri əks olunur. Səhnə əsəri tamaşaçılar tərəfindən böyük maraqla qarşılanıb. Tamaşanın quruluşçu rejissoru Əməkdar Artist Sərvər Əliyev, quruluşçu rəssamı Vahid Mürsəliyev, musiqi tərtibatçısı Çingiz Xəlilov, rejissor assistenti Tural Xəlilzadədir. Rollarda Əməkdar artistlər Esmiralda Şahbazova, Vaqif Kərimov, aktyorlar Səmayə İsmayılova, Ruhiyyə Eyvazova, Nicat Mirzəzadə, Şəbnəm Cəbrayılova, Tural Xəlilzadə, Elçin Hacıyev və Rövşən Cəfərov çıxış ediblər. ..
23.01.2018 12:30
“Jizel” baleti Vladivostokda Eldar Əliyevin quruluşunda təqdim ediləcəkYanvarın 26-da Sankt-Peterburq Dövlət Akademik Mariya Teatrının Primorsk səhnəsində Adolf Adanın “Jizel” baleti nümayiş etdiriləcək. Səhnə əsərinin quruluşçu baletmeysteri Eldar Əliyevdir. “Jizel” baletinin dünya premyerası 1841-ci ildə Parisdə olub. Əsər Primorsk səhnəsində ilk dəfə 2015-ci ildə nümayiş etdirilib. Bakıda anadan olan E.Əliyev Bakı Xoreoqrafiya Məktəbini bitirib, 1979-1992-ci illərdə Mariya Teatrının aparıcı solisti olub. Sonralar ABŞ-ın “Ballet Internationale” truppasına rəhbərlik edib. Praqa, Seul, Nyu-York və Pekində keçirilən beynəlxalq balet müsabiqələrinin münsiflər heyətinə daxildir. E.Əliyev 2016-cı ildə Rusiya Dövlət Akademik Mariya Teatrının Primorsk səhnəsinin baş baletmeysteri təyin olunub. O, həmçinin Çin Xalq Respublikası Şenyan Dövlət Konservatoriyasının fəxri professorudur. Mariya Teatrının Primorsk səhnəsi uzaq Şərqdə ən müasir və Rusiyanın ən gənc teatrlarından biridir. ..
23.01.2018 12:28
Milli bəstəkarlıq məktəbimizin 110 illiyi qeyd ediləcəkYanvarın 25-də Musiqi Mədəniyyəti Dövlət Muzeyində “Azərbaycanda bəstəkarlıq-110” adlı tədbir keçiriləcək. Muzeyin təşkilatçılığı ilə reallaşacaq tədbirdə ölkəmizdə fəaliyyət göstərən aparıcı sənət ocaqlarının yaradıcı kollektivləri iştirak edəcəklər. “Leyli və Məcnun” operasının səhnəyə qoyulmasından 110 il ötür. Bu məqsədlə tədbirdə bəstəkarlıq məktəbinin keçdiyi yola nəzər salınacaq, Azərbaycan teatr sənətinin incilərindən fraqmentlər nümayiş ediləcək. Tədbir Opera və Balet və Dövlət Musiqili teatrlarının çıxışları ilə davam edəcək. ..
22.01.2018 14:35
“Monotamaşalar paradı” tamaşaçılar tərəfindən böyük maraqla qarşılanıbMaraqlı layihələrlə tamaşaçıların görüşünə gələn Azərbaycan Dövlət Gənc Tamaşaçılar Teatrı bu dəfə də yeni, “Monotamaşalar paradı” adlı teatr bayramı ilə sənətsevərləri sevindirib. Sənət ocağının “Kiçik səhnə”sində yanvarın 9-dan 17-dək “Vurğuna vurğun gəlin”, “İstədiyim kimi yaşamışam”, “Dəlinin qeydləri”, “Cəza”, “Sonluğun sonu”, “İdiot” tamaşaları nümayiş olunub. Tamaşalar janr, mövzu baxımından fərqli olub. Monotamaşalar teatrsevərlər tərəfindən böyük maraqla qarşılanıb. Tamaşaçıların teatrın “Rəy kitabı”na aktyor və rejissorlar haqqında yazdığı xoş fikirlər “Monotamaşalar paradı”nın uğurla yekunlaşdığını təsdiq edir. Qeyd edək ki, monotamaşaların bir neçəsi ölkəmizi artıq dünyanın bir sıra ölkələrdə nüfuzlu beynəlxalq teatr festivallarında uğurla təmsil edib, mükafatlara layiq görülüb. ..
22.01.2018 14:33
“Leyli və Məcnun” 110 ildir səhnədəAzərbaycan Dövlət Akademik Opera və Balet Teatrında Üzeyir Hacıbəylinin “Leyli və Məcnun” operası növbəti dəfə nümayiş edilib. Sözügedən operanın 110 illiyi çərçivəsində təqdim edilən səhnə əsərində Məcnun obrazını Xalq Artisti Məsum İbrahimov, Leyli rolunu isə gənc xanəndə Arzu Əliyeva canlandırıb. Səhnə əsərində Xalq Artisti Sabir Əliyev, Əməkdar artistlər Cahangir Qurbanov, Təyyar Bayramov və teatrın solistləri Afaq Ağayeva, Elnur Zeynalov, Aytən Məhərrəmova, Taleh Yahyayev, Nəzər Bəylərov və Vüqar Əliyev iştirak ediblər. Opera Əməkdar İncəsənət Xadimi Sevil Hacıyeva tərəfindən idarə olunub. Maraqlı, zəngin səhnə dekorasiyası və aktyorların məharətli çıxışı səhnə əsərini daha da baxımlı edib, tamaşa maraqla qarşılanıb. Müsəlman Şərqində ilk opera sayılan “Leyli və Məcnun” ilk dəfə olaraq dahi bəstəkar Üzeyir Hacıbəyli tərəfindən 1908-ci ildə qələmə alınıb. Opera elə həmin ilin yanvarın 12-də ilk dəfə səhnəyə qoyulub. Ölməz bəstəkarın bu ölməz əsəri 110 ildir ki, Opera və Balet Teatrının repertuarındadır. ..
22.01.2018 11:35
Tehran teatrının səhnəsində Azərbaycan tamaşası nümayiş olunubAzərbaycanın Gənc Tamaşaçılar Teatrının kollektivi Tehranda keçirilən Beynəlxalq Fəcr Teatr Festivalına iştirak edir. Yanvarın 21-də teatrın kollektivi İran paytaxtında “Cəza” tamaşasını nümayiş etdirib. Tamaşa çox gənc yaşlarında ailə qurmuş bir qadının taleyindən bəhs edir. Psixoloji oyun dramında rolu Əməkdar Artist Kəmalə Hüseynova ifa edib. Səhnə əsərinin quruluşçu rejissoru Əməkdar İncəsənət Xadimi Mehriban Ələkbərzadə, quruluşçu rəssamı Elşən Sərxanoğludur. Dərin psixoloji yaşantıları əks etdirən mono-tamaşanın musiqi tərtibatı Ağasəlim Feyzullayevə, tryukların quruluşu isə İsa Əsədova məxsusdur. Tamaşa tehranlı tamaşaçıları tərəfindən böyük maraqla qarşılanıb. Qeyd edək ki, yanvarın 18-da başlamış festival yanvarın 29-dək davam edəcək. “Cəza” tamaşasına baxmaq istəyənlərin çoxluğu nəzərə alınaraq səhnə əsəri yanvarın 22-də və 23-də yenidən nümayiş etdiriləcək. ..
22.01.2018 11:27
Yusif Eyvazov Kral Opera Teatrında çıxış edəcəkMartın 25-dən aprelin 10-dək London Kral Opera Teatrında C.Verdinin “Maqbet” operası nümayiş etdiriləcək. Qeyd edək ki, martın 25-də, 28-də, 31-də və aprelin 4-də operada Makdufun partiyasını Azərbaycanın Əməkdar Artisti Yusif Eyvazov (tenor) ifa edəcək. Karyerasına İtaliyanın teatr və konsert zallarında başlamış Y.Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Y.Eyvazovun adı “Dünyanın ən yaxşı tenorları” kitabına daxil edilib. ..
22.01.2018 11:25
Azərbaycan filmi Brüsseldə beynəlxalq festivalda nümayiş olunubBrüssel İncəsənət Sarayında 2017-2018-ci illər üzrə Şərq Tərəfdaşlığı ölkələri ilə mədəni əməkdaşlıq proqramı çərçivəsində “Bridges” film festivalının açılışı olub. Azərbaycanın “Nar bağı” filmi festivalda nümayiş etdirilib. Açılış mərasimində çıxış edən Azərbaycanın Belçikadakı səfiri Fuad İsgəndərov Azərbaycanın film sahəsində əldə etdiyi nailiyyətlərdən və mövcud ənənələrdən söhbət açıb, ailə faciəsindən bəhs edən “Nar bağı” filminin gözəl sənət nümunəsi olduğunu diqqətə çatdırıb. Festival çərçivəsində rejissor və prodüserlərin iştirakı ilə konfrans keçirilib. Ölkəmizi konfransda təmsil edən “Nar bağı” filminin rejissoru İlqar Nəcəf Azərbaycan kinosunun tarixi, milli kinematoqrafiyamızın dirçəlişi və inkişafı barədə danışıb. O, kinematoqrafiyanın imkanlarından istifadə etməklə ailə dəyərlərinin, xüsusilə milli mənəvi dəyərlərin gənclər arasında təbliğinin vacibliyini qeyd edib. Festival çərçivəsində nümayiş olunan “Nar bağı” filmini Avropa İttifaqı qurumlarının nümayəndələri, eləcə də Belçikadan olan çoxsaylı tamaşaçı auditoriyası izləyib. Film tamaşaçıların böyük marağına səbəb olub. Sürəkli tamaşaçı alqışlarının müşayiəti ilə yekunlaşan filmin nümayişindən sonra rejissor İlqar Nəcəf çoxsaylı sualları cavablandırıb. ..
21.01.2018 00:00
Milli Kitabxanada “Teymur Bünyadov-90" adlı kitab sərgisi açılıbYanvarın 21-də M.F.Axundzadə adına Azərbaycan Milli Kitabxanasında görkəmli tarixçi-etnoqraf alim, Əməkdar Elm Xadimi, “Şərəf” ordenli akademik Teymur Bünyadovun anadan olmasının 90 illiyi münasibətilə “Teymur Bünyadov-90“ adlı kitab sərgisi açılıb. Sərgidə akademikin Azərbaycan və rus dillərində çap olunan əsərləri, elmi redaktoru olduğu, “Ön söz” yazdığı, rəy verdiyi kitablar, alim haqqında yazılmış əsərlər və dövri mətbuat materialları yer alıb. ..