Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
233

MuzTV Azərbaycan kanalı peyk yayımına başlayır

Ölkəmizdə ilk musiqi internet televiziyası olan MuzTV Azərbaycan kanalı peyk yayımına başlayır. Fevralın 12-də bu münasibətilə Müslüm Maqomayev adına Azərbaycan Dövlət Akademik Filarmoniyasında tədbir keçirildi. Tədbirdə rəsmi şəxslər, Milli Məclisin deputatları, mədəniyyət və incəsənət xadimləri, media təmsilçiləri iştirak edirdilər.

Proqramın aparıcısı – Əməkdar artist Murad Dadaşov kanalın fəaliyyəti haqqında məlumat verdi. Bildirdi ki, Azərbaycan incəsənətinin, musiqimizin təbliği sahəsində yeni imkanlar açan MuzTV 2012-ci il mayın 11-dən 2017-ci il oktyabrın 20-dək www.muztv.az saytı vasitəsilə yayımlanıb. İnternet televiziyası yayıma başladığı ilk gündən tamaşaçıya dünya və Azərbaycan musiqisinin incilərini təqdim edir. Özünəməxsus layihələrin, eksklüziv kliplərin, filmlərin, ayrı-ayrı proqramların canlı internet yayımları və canlı reportajlar kanalın əsas prioritetidir. Televiziya musiqi ilə bağlı informasiya bloku, eksklüziv xəbərlər və proqramlar hazırlayır və yayır. MuzTV Azərbaycan estradasının, milli musiqimizin klassik ənənəsinin və müasir inkişafının təqdimatçısı kimi çıxış edən televiziyadır.

Vurğulandı ki, televiziyanın yaradılmasında əsas məqsəd milli musiqi sənətini təbliğ etmək, insanın ruhunu qidalandıran musiqini ölməz mənəvi dəyər kimi çoxmilyonlu tamaşaçıya çatdırmaqdır: "MuzTV-nin məqsədlərindən biri də xalq musiqisinin öyrənilməsi və təbliğ olunması ilə bağlı ardıcıl layihələr hazırlamaq, xalq musiqisinin bazası əsasında yaradılan peşəkar milli musiqimizlə tamaşaçıları tanış etmək, Azərbaycanın zəngin və özünəməxsus muğam sənətini daha geniş auditoriyaya çatdırmaqdır".

Mərasimdə çıxış edən Milli Məclisin Mədəniyyət komitəsinin sədri, akademik Rafael Hüseynov Azərbaycan mədəni həyatında son dərəcə əlamətdar hadisə baş verdiyini dedi: "Müslüm Maqomayevin adını daşıyan bu möhtəşəm salon hər zaman belə əlamətdar hadisələrə şahidlik edib. Radio, televiziya XX əsrdə Azərbaycan mədəniyyətinin, incəsənətinin inkişafında mühüm rol oynayıb. Televiziyamızın ən ümdə vəzifəsi mədəniyyətimizi, incəsənətimizi yaşatmaq, maarifçiliyi yaymaqdır. MuzTV də Azərbaycan incəsənətinin təbliği üçün yeni imkanlar açacaq. Muğamlarımızın, xalq mahnılarımızın qorunması və təbliği, ayrı-ayrı musiqi proqramlarının canlı yayımı yeni televiziyanın hədəfindədir. Kanal tamaşaçının zövqünü oxşamaqla yanaşı, həm də yeni layihələri, proqramları və verilişləri ilə geniş auditoriyanın diqqət mərkəzində olacaq. Ümidvaram ki, telekanal bütün imkanlardan istifadə edərək Azərbaycan mədəniyyətinin təbliğinə layiqli töhfələr verəcək".

Yaradıcı heyətə bir sıra tövsiyələr verən Milli Məclisin komitə sədri vurğuladı ki, bu kanalda Azərbaycan və dünya musiqi korifeyləri haqqında sənədli filmlər hazırlanmalı, insanların zövqünü oxşayan rəngarəng musiqilərə üstünlük verilməlidir.

Milli Məclisin deputatı Jalə Əliyeva informasiya məkanının geniş olduğu bir dövrdə tamaşaçı cəlb etmək üçün böyük məsuliyyət və peşəkarlıq tələb olunduğunu dedi. Bildirdi ki, bu gün Azərbaycan mədəniyyətinin, musiqisinin təbliği istiqamətində dövlətimiz böyük işlər görür. Azərbaycanın Birinci vitse-prezidenti Mehriban xanım Əliyevanın bu istiqamətdə fəaliyyəti, onun təşəbbüsü və rəhbərliyi ilə həyata keçirilən layihələr xüsusilə qeyd olunmalıdır.

Milli Məclisin deputatı Novruz Aslan qeyd etdi ki, ölkəmizdə artıq peyk yayımına başlayan musiqi kanalının fəaliyyət göstərməsi və musiqimizi təbliğ etməsi olduqca sevindiricidir: “MuzTV-nin peyk yayımına başlaması böyük uğurdur. İnanıram ki, telekanal Azərbaycan musiqisinin təbliği istiqamətində mühüm işlər görəcək”.

Cəfər Cabbarlı adına “Azərbaycanfilm” kinostudiyasının direktoru Müşfiq Hətəmov belə bir televiziyanın açılmasını mədəni zövqümüzün formalaşması baxımından mühüm hadisə kimi qiymətləndirdi. O, “Azərbaycanfilm” kinostudiyasının arxivində olan ən yaxşı musiqi nömrələrini MuzTV-yə təqdim etməyə hazır olduqlarını bildirdi: “Ümid edirəm ki, əməkdaşlığımız musiqimizin inkişafına gözəl töhfələr verəcək”.

Telekanalın direktoru Elnur Kələntərov bildirdi ki, MuzTV kabel televiziyaları vasitəsilə hər bir ailənin qonağıdır. O, son illər Azərbaycanda mədəniyyətin, incəsənətin inkişafı və təbliği istiqamətində görülən işlərdən danışdı, bu istiqamətdə Heydər Əliyev Fondunun reallaşdırdığı layihələri xüsusi vurğuladı. Bütün iştirakçılara minnətdarlığını bildirən E.Kələntərov onlara bəslənən  ümidləri doğrultacaqlarına əminliyini ifadə etdi.

Sonra tədbir geniş konsert proqramı ilə davam etdi.

XƏBƏRLƏR

21.02.2018 12:26
Sumqayıt şəhər Poeziya evində millət vəkili Flora Qasımova ilə görüş keçirilib
20.02.2018 12:46
Mədəniyyət və turizm naziri Əbülfəs Qarayev Böyük Britaniyanın Koventri şəhərində səfərdədir
19.02.2018 17:51
Rusiyanın Nijni Novqorod şəhərində Qara Qarayevin 100 illiyi münasibətilə konsert keçirilib
19.02.2018 16:10
Şəkidə Bəxtiyar Vahabzadənin vəfatının 9-cu ildönümü ilə əlaqədar “Hara gedir sabahımız” adlı dəyirmi masa keçirildi
19.02.2018 16:06
"Misir dunya uşaqların gözü ilə" adlı beynəlxalq rəsm müsabiqəsində ölkəmizi təmsil edən şagirdlər mükafata layiq görüldü
19.02.2018 16:01
Azərbaycan-Özbəkistan dostluğuna həsr olunmuş “Əzəli dostluq riştələri” adlı sənədli film hazırlanıb
19.02.2018 15:59
Elza İbrahimovanın anadan olmasının 80 illik yubileyinə həsr olunmuş tədbir keçirildi
19.02.2018 15:15
“Yurdumuza Bahar Gəlir” adlı respublika uşaq rəsm müsabiqəsi
19.02.2018 15:13
“Şəhid Şəhər” adlı respublika uşaq rəsm müsabiqəsi elan edilmişdir
19.02.2018 12:36
“Testene Art Baku” II Beynəlxalq İncəsənət festival-müsabiqəsi keçiriləcək
19.02.2018 12:31
Azərbaycan Aşıqlar Birliyinin Bakı Beynəlxalq Muğam Mərkəzi ilə birlikdə “Aşıq musiqisi axşamları” layihəsi çərçivəsində növbəti tədbir keçirilmişdir
16.02.2018 18:15
Azərbaycan Dövlət Kukla Teatrı premyeraya hazırlaşır
16.02.2018 15:50
Gənc Tamaşaçılar Teatrında həftəsonu maraqlı repertuar
16.02.2018 12:45
İslam Əməkdaşlıq Təşkilatının (İƏT) İqtisadi və Ticarət Əməkdaşlığı Daimi Komitəsinin (COMCEC) Turizm üzrə İşçi Qrupunun 11-ci görüşü keçirilmişdir
15.02.2018 18:19
Qəbələ rayonunda “Fəaliyyətin yeni formatları” adlı təlim təşkil olunmuşdur
15.02.2018 18:17
Azərbaycan nümayəndə heyəti Türkiyə mədəniyyət və turizm nazirinin müavini Hüseyin Yayman tərəfindən qəbul edilmişdir
15.02.2018 18:05
Azərbaycan Xalça Muzeyində “Xalçalar və əfsanələr. Çin təqvimi üzrə Yeni il” sərgisi açıldı
15.02.2018 16:07
Lüks turizm peşəkarlarının növbəti görüşü
15.02.2018 12:42
Ankarada TÜRKSOY tərəfindən elan olunmuş “Qara Qarayev ili”nin açılış mərasimi olmuşdur
14.02.2018 18:02
“Hərəyə bir kitab” adlı tədbir keçirildi
14.02.2018 12:50
Turizm biznesi peşəkarları üçün “B2B Luxury & MICE Workshop” adlı ənənəvi illik tədbir keçiriləcək
13.02.2018 18:39
Mədəniyyət və turizm naziri Əbülfəs Qarayev Almaniyanın “Wieseconsult” şirkətinin rəhbəri Xayno Vize ilə görüşüb