Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
18.09.2018 17:45
Ağdaşda Üzeyir Hacıbəylinin anadan olmasının 133-cü ildönümünə həsr olunmuş tədbir keçirildi18 Sentyabr 2018-ci il tarixində Ağdaş şəhər Uşaq Musiqi Məktəbində dahi bəstəkar, Azərbaycan professional musiqisinin banisi Üzeyir Hacıbəylinin anadan olmasının 133-cü ildönümünə həsr olunmuş tədbir keçirilmişdir. Tədbiri giriş sözü ilə açan məktəbin direktoru Rafiq İsgəndərov Şərqdə ilk opera, operetta janrının, bənzərsiz musiqi irsinin müəllifi Üzeyir Hacıbəylinin yaradıcılığından söhbət açmış, bəstəkarın ad günü münasibətilə ölkəmizdə,o cümlədən Ağdaş rayonunda  silsilə tədbirlərin keçirildiyini vurğulamışdır. Ağdaş Regional Mədəniyyət İdarəsinin rəisi Tahir Əliyev çıxış edərək Üzeyir Hacıbəyli irsinin təkcə Azərbaycanın deyil, bütün dünyanın nadir incisi olduğunu bildirmiş, dahi bəstəkarın yaradıcılığını Azərbaycan xalqının milli-mənəvi sərvəti adlandırmışdır. O, eyni zamanda bildirmişdir ki, 1995-ci ildə ümummilli lider Heydər Əliyevin müvafiq fərmanı ilə dahi bəstəkarın anadan olmasının 110 illik yubileyi münasibətilə “18 sentyabr - Milli Musiqi Günü“ kimi qeyd olunması qərara alınmışdır. Bununla əlaqədar hər il respublikamızda bir çox konsertlər, tədbirlər, sərgilər, festivallar təşkil olunur. Bu il də Heydər Əliyev Fondunun və Mədəniyyət Nazirliyinin təşkilatçılığı ilə Üzeyir Hacıbəyliyə həsr olunmuş X Beynəlxalq Musiqi Festivalı keçirilir. Tahir Əliyev çıxışının sonunda uşaq musiqi məktəblərinin müəllim və şagird kollektivinə yeni dərs ilində uğurlar arzulamışdır.   Rayon İcra Hakimiyyəti Aparatının əməkdaşı Möhlüd Hacıxanov, Gənclər və İdman İdarəsinin rəisi Azad Gözəlov, Ağdaş rayon Mərkəzi Kitabxanasının direktoru Seyfəddin Feyzullayev öz çıxışlarında konsertdən mənəvi zövq aldıqlarını vurğulamış və belə bir tədbiri hazırladıqları üçün məktəbin kollektivinə öz minnətdarlıqlarını bildirmişlər. Məktəbin qarşısında, açıq səma altında təşkil olunmuş tədbirdə Ağdaş şəhər Uşaq Musiqi Məktəbinin müəllim və şagirdlərinin, xor kollektivinin, Xalq çalğı alətləri ansamblının, eləcə də rayon mədəniyyət işçilərinin ifasında Üzeyir Hacıbəylinin Azərbaycan musiqi mədəniyyətinə bəxş etdiyi dəyərli əsərlər səsləndirilmiş, məhşur “O olmasın bu olsun” əsərindən səhnəcik nümayiş etdirilmişdir. Tədbirdə mədəniyyət işçiləri ilə yanaşı rayon ictimaiyyətinin nümayəndələri, ziyalılar və rayon məktəbliləri iştirak etmişlər. ..
18.09.2018 15:35
Lənkəran teatrı yeni mövsümə Biləsuvarda başlayayıbLənkəran Dövlət Dram Teatrı özünün yeni mövsümünə ilk dəfə olaraq doğma  səhnədən kənarda-Biləsuvarda start verib. Sentyabrın 18-də Biləsuvar Rayon Mədəniyyət Mərkəzində çoxsaylı sənətsevərlərin iştirakı ilə keçən açılış mərasimində teatrın direktoru Tofiq Heydərov çıxış edərək kollektivin ötən mövsümdə qazandığı nailiyyətlərdən, cari-128-ci mövsümdə qarşıda duran vəzifələrindən danışıb. Qeyd olunub ki, ötən mövsüm yaradıcı kollektiv üçün ümumilikdə uğurlu keçib. Belə ki, 2017-ci ilin dekabr ayının 1-dən 6-dək teatr İran İslam Respublikasının Həmədan şəhərində keçirilən 24-cü Beynəlxalq Uşaq və Gənclər Teatr Festivalında gənc yazıçı Pərvin Nurəliyevanın “Dəcəl keçi” tamaşası ilə çıxış edərək, bu mötəbər sənət yarışmasında diplomla mükafatlandırılıb. Truppanın Lerik və Astara rayonlarında səfərləri də böyük maraqla qarşılanıb.  Bildirilib ki ötən mövsümdə teatrda yeni - “Danabaş kəndinin məktəbi”, “Şaxta baba və pərilər”, “Korlar”, “Qaraca qız və xallı ifritə” tamaşaları təhvil verilib. Kollktivin həyatında daha bir əlamətdar hadisə Azərbaycan Respublikasının Prezidenti İlham Əliyevin 27 may 2018-ci il tarixli Sərəncamı ilə teatrın aktyoru Niftulla Əsgərovun “Əməkdar artist” fəxri ada layiq görülməsi olub. Hazırda teatrın rejissorları Adil Zeynalovun və Emil Əskərovun paralel olaraq iki səhnə əsərinin (başqırd dramaturqları Süleyman və Həmdiyə Lətipovların “Evlən, oğul, evlən!...” və Əjdər Olun “Meşəbəyinin dostları”) məşqlərini apardığını qeyd edən teatrın direktoru yeni mövsümdə sənətsevərlərə daha bir neçə maraqlı tamaşanın təqdim olunacağını, kollektivin həmçinin beynəlxalq teatr festivallarına və qastrol səfərlərinə qatılacağını söyləyib. Tədbirdə Biləsuvar Regional Mədəniyyət İdarəsinin rəisi Elçin Hüseynov çıxış edərək teatrın kollektivinə yaradıcılıq uğurları diləyib. Açılış mərasimindən sonra yazıçı Hafiz Mirzənin “Moskvalı gəlin” tamaşası sənətsevərlərə təqdim olunub. Nataşa adlı bir rus qızının sərgüzəştlərindən bəhs edən bu səhnə əsərinin quruluşçu rejissoru Əməkdar artist Adil Zeynalov, quruluşçu rəssamı Məzaim Qurbanov, musiqi tərtibatçısı Fərahim Fərəcovdur. Rolları Əməkdar artistlər Sucəddin Mirzəyev və Adil Zeynalov, aktyorlardan Qızılgül Quliyeva, Allahverən Babayev,  Səyad Əliyev, Şəbnəm Hüseynova, Ülkər Quliyeva, Nizami Qurbanov və digərləri ifa ediblər.   ..
18.09.2018 14:12
Sumqayıt Regional Mədəniyyət idarəsinin tabe müəssisələrində Milli musiqi günü münasibətilə silsilə tədbirlər keçirilibSumqayıt şəhər Q.Qarayev adına Uşaq Musiqi məktəbində keçirilən tədbirdə məktəbin fortepiano, violin, xalq çalğı alətləri şöbəsinin şagird və müəllimləri musiqi nümunələri ifa ediblər. Tədbirdə Ü.Hacıbəyli və onun davamçıları olan bəstəkarların da əsərləri səslənib. Ə.Bakıxanov adına uşaq incəsənət məktəbində keçirilən tədbirdə Bilik günü və Milli musiqi günü münasibətilə məktəbin direktoru Vaqif Süleymanov muellim və şagird kollektivini təbrik edib, xoş arzularını çatdırıb. Daha sonra Milli usiqimin tarixi, dahi bəstəkar Üzeyir Hacıbəylinin həyatı və fəaliyyəti haqqında geniş məlumat verilib, əsərləri ifa olunub.  F.Amirov adina uşaq musiqi məktəbində keçirilən tədbirdə milli musiqimizin tarixindən bəhs edilib, dahi bəstəkar Ü.Hacıbəyli haqqinda geniş məlumat verilib, əsərlərindən parçalar ifa edilib.   S.Vurğun adına Mərkəzi Kitabxananın İncəsənət şöbəsində “Azərbaycan musiqisi və musiqiçiləri” adlı viktorina keçirilib.Tədbirdə dahi bəstəkar Üzeyir Hacıbəylinin həyatı, fəaliyyəti, yaradıcılığı haqqında geniş məlumat verilib. Daha sonra Üzeyir Hacıbəylinin həyat və fəaliyyətini özündə əks etdirən sualları “Dügah”, “Humayun”, “Rast” komandalarının üzvləri böyük fəallıqla cavablandırıblar. Tədbirdə həmçinin Sumqayıt Musiqi Kollecinin tələbələrinin ifasında xalq musiqisindən nümunələr səslənib. Sonda Sumqayıt MKS-in Ehtiyat Fondun Təşkili və İstifadəsi şöbəsinin müdiri Nafilə Nəsirova tədbir iştirakçılarını “Musiqinin ad günü” adlı sərgi ilə tanış edib. S.Vurğun adına Mərkəzi kitabxana S.Rüstəmov adına Uşaq incəsənət məktəbində “Milli Musiqinin bayramı” adlı səyyar sərgi təşkil edib. Sərgidə kitabxananın fondunda olan musiqiyə dair ədəbiyyatlar, disklər eyni zamanda azərbaycan və dünya ədəbiyyatını özündə əks etdirən kitablar nümayiş etdirilib. Sərgi musiqi məktəbinin kollektivi və şagirdləri tərəfindən böyük marağla qarşılanıb.   ..
18.09.2018 00:00
Sabirabadda “100 illik tariximiz” mövzusunda tədbir keçirilmişdir28 may 1918-ci il tarixində Azərbaycan xalqının həyatında misilsiz hadisə baş vermiş, müsəlman Şərqində ilk parlamentli respublika olan Azərbaycan Xalq Cümhuriyyəti qurulmuşdur. Cəmi iki ilə yaxın yaşamış Azərbaycan Xalq Cümhuriyyəti zəngin dövlət quruculuğu təcrübəsi ilə milli dövlətçilik tarixində silinməz izlər qoymuş, xalqın qəlbində azadlıq və istiqlal duyğularını gücləndirməklə respublikanın gələcək müstəqilliyi üçün etibarlı zəmin hazırlamışdır.                                      2018-ci ildə Azərbaycan Xalq Cümhuriyyətinin yaranmasının 100-cü ildönümü tamam olur. Bu əlamətdar hadisənin dövlət səviyyəsində layiqincə qeyd edilməsi məqsədilə silsilə tədbirlər keçirilir.                                                           Sabirabad rayon Mədəniyyət Mərkəzində Azərbaycan Xalq Cümhuriyyətinin yaranmasının 100-cü ildönümü ilə əlaqədar “100 illik tariximiz” mövzusunda tədbir keçirilmişdir. Tədbiri giriş sözü ilə açan Sabirabad Regional Mədəniyyət İdarəsinin əməkdaşı Telman Əzimov müsəlman Şərqində yaradılmış ilk demokratik parlamentli respublika haqqında söz açmışdır.                                                                         Digər çıxış edənlər Xalq Cümhuriyyətinin tarixindən söz açıblar. Cümhuriyyətin mövcud olduğu qısa müddətdə xalqımızın mədəni inkişafına elm, təhsil sahəsinin tərəqqisinə böyük töhfələr verdiyini qeyd ediblər. ..
18.09.2018 00:00
Abşeronda “Milli Musiqi günü” qeyd olunubSumqayıt Regional Mədəniyyət İdarəsinin şəbəkəsinə daxil olan Abşeron rayon Xırdalan şəhər Onbirillik Musiqi Məktəbində “18 sentyabr - Milli Musiqi Günü” münasibətilə tədbir keçirilib. Məktəbin direktoru, Əməkdar müəllim İkram Manafov tədbiri giriş sözü ilə açaraq “Milli Musiqi Günü” və eyni zamanda yeni dərs ilinin başlanması münasibətilə tədbir iştirakçılarını təbrik edib.  O, bu günün dahi bəstəkar Üzeyir Hacıbəylinin adı ilə bağlı olduğunu söyləyib. Görkəmli bəstəkarın zəngin həyat və yaradıcılığından danışmaqla yanaşı, onun Azərbaycan musiqisinin inkişafındakı xidmətlərini xüsusi qeyd edib. Daha sonra məktəbin tədris işləri üzrə direktor müavini Nəzakət Vəliyeva çıxış edərək Üzeyir Hacıbəylinin milli musiqi xəzinəmizə verdiyi çoxsaylı töhfələrdən danışıb. Daha sonra məktəbin xalq çalğı alətləri, xanəndəlik və vokal şöbəsi müəllim və şagirdlərinin ifasında musiqi nömrələri ifa olunub,  bəstəkarın “Leyli və Məcnun”, “Arşın mal alan” , “O olmasın, bu olsun” opera və operettalarından səhnəciklər təqdim olunub. ..
13.09.2018 10:30
Qusar Dövlət Ləzgi Dram Teatrının yeni mövsümü Qusar Dövlət Ləzgi Dram Teatrı yeni teatr mövsümünü sentyabrın 15-də Mirzəli Rüstəmovun “Səfərbəyin toyu“ əsəri ilə açacaq. Teatrdan bildirilib ki, sentyabrın sonrakı günləri teatrın kollektivi maraqlı səhnə əsərlərini tamaşaçılarına nümayiş etdirəcək. Azərbaycan Xalq nağılı olan “Göyçək Fatimə“, İsi Məlikzadənin “Hərənin öz ulduzu“ əsəri də tamaçılara təqdim olunacaq. Adı çəkilən əsərlərin məşqləri gedir.   ..
07.09.2018 09:09
Tərtər şəhər Heydər Əliyev adına Mədəniyyət və İstirahət parkında konsert proqramı təşkil olunubBərdə Regional Mədəniyyət İdarəsinin Tərtər rayon nümayəndəliyində rayon Mədəniyyət Mərkəzi və Uşaq musiqi məktəbi tərəfindən Tərtər şəhər Heydər Əliyev adına Mədəniyyət və İstirahət parkında konsert proqramı təşkil olunub. Konsert proqramında son dövrlərdə parkın yenidən qurulması, eyni zamanda qəbul imtahanlarında məzunların yüksək nəticələr əldə etməsindən söz açılıb. Tələbə adını qazanmış məzunlara nəğmə dolu təbriklər çatdırılıb. Tədbirdə Rayon İcra Hakimiyyəti, hüquq mühafizə orqanları, təhsil, səhiyyə, mədəniyyət işçiləri, o cümlədən rayon ictimaiyyəti iştirak edib. Konsert proqramı tamaşaçılar tərəfindən böyük maraqla qarşılanıb və alqışlarla müşayiət olunub.    ..
06.09.2018 14:45
Hacıqabul rayon Heydər Əliyev Mərkəzində “Yay məktəbi”nin yekun tədbiri keçirildi Uşaqların ictimai fəallığının artırılması, habelə asudə vaxtlarının səmərəli təşkili məqsədilə Hacıqabul rayon Heydər Əliyev Mərkəzində “Uşaqların sevinci bizim sevincimizdir” devizi altında 2 avqust 2018-ci il tarixində açıq elan edilmiş “Yay məktəbi” bu gün sona çatdı.   Sözügedən layihə uşaqların şəxsi inkişafına, sosiallaşmalarına stimul verilməsi, həyata fərqli baxış və liderlik bacarıqlarının inkişaf etdirilmələrinə şərait yaradılması məqsədi daşıyır.  Həmçinin uşaqlar arasında əməkdaşlıq əlaqələrinin güclənməsinə, sosial inteqrasiyanın həyata keçirilməsinə, uşaqların zərərli vərdişlərdən uzaq olmasına və yeni dostlar qazanmasına imkan yaradır. 5 sentyabr 2018-ci il tarixində “Yay məktəbi”nin yekun tədbiri keçirildi. Tədbirdə Heydər Əliyev Mərkəzinin əməkdaşı Bahar Abasova uşaqlara yay məktəbi çərçivəsində qazanılan biliklərin əhəmiyyətindən bəhs etdi. Həmçinin tədbir zamanı uşaqlarla sual-cavab formasında müzakirələr, söhbətlər aparıldı. Mərkəzin əməkdaşları uşaqlara yeni dərs ilində uğurlar arzu etdilər. Tədbirin sonunda “Yay məktəbi“nin iştirakçıları Heydər Əliyev Mərkəzinin kollektivi ilə xatirə şəkli çəkdirdi.     ..
03.09.2018 16:21
Balakəndə Aşıq Şəmşirin 125 illik yubileyinə həsr olunmuş tədbir keçirilmişdirBalakən rayon MKS-də Aşıq Şəmşirin anadan olmasının 125 illiyi ilə əlaqədar tədbir keçirilmişdir. 2018-ci ildə Azərbaycan aşıq yaradıcılığının böyük nümayəndəsi, Əməkdar incəsənət xadimi Aşıq Şəmşirin (Şəmşir Qurban oğlu Qocayevin) anadan olmasının 125 illiyinin qeyd edilməsi ilə əlaqədar Azərbaycan Respublikası Prezidenti müvafiq Sərəncam imzalayıb. Bununla əlaqədar olaraq Balakən rayon MKS-nin şöbə və filiallarında silsilə tədbirlər keçirilmişdir. Belə ki, 3 sentyabr 2018-ci il tarixində Balakən rayon Mərkəzi Kitabxanasında  Aşıq Şəmşirin 125 illik yubileyi ilə əlaqədar “Soruşuram o dağlardan boran səni üşüdürmü?” adlı ədəbi-bədii gecə keçirilmişdir. Tədbiri giriş sözü ilə MKS-in direktor müavini M.Cuxova açaraq, aşığın həyat və yaradıcılığına nəzər salmış və onun Azərbaycan şifahi xalq ədəbiyyatının inkişafı istiqamətində gördüyü əvəzsiz işlərdən danışmışdır.              Tədbirdə “Çeşmə” ədəbi birliyinin Balakən rayonu üzrə nümayəndələri N.Vahid, Ə.Xəlilova, MKS-in filial müdirləri, Balakın rayon Heydər Əliyev Mərkəzinin mütəxəssisləri, fəal oxucular və başqaları iştirak edirdilər. Sonda Aşıq Şəmşirin həyat və yaradıcılığından ibarət sərgi və filmə baxış keçirildi. ..