Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
19.07.2018 15:43
Qusarda “Muzey işçilərinin assosiasiyası”nın yaradılmasına dair iclas keçirilmişdirAzərbaycan Respublikası Mədəniyyət Nazirliyinin Mədəniyyətşünaslıq üzrə Elmi-Metodiki Mərkəzi Xaçmaz Regional Mədəniyyət İdarəsi ilə birgə 19 iyul 2018-ci il tarixində Qusar rayon Mərkəzləşdirilmiş Kitabxana Sistemində “Muzey işçilərinin assosiasiyası”nın yaradılmasına dair iclas keçirmişdir. İclasda Bakı şəhəri və regionlardakı tarix-diyarşünaslıq muzeylərinin nümayəndələri iştirak etmişlər. Tədbirdə yaradılacaq assosiasiyanın strukturu, məqsəd və vəzifələri, fəaliyyət formaları və idarə heyətinin üzvlərinin müəyyən olunması istiqamətində müzakirələr aparılmış, verilən təkliflər Nazirliyə təqdim olunmuşdur. Assosiasiyanın yaradılmasında əsas məqsəd muzey işinin inkişafına geniş yardım funksiyalarını həyata keçirmək üçün mədəni, təhsil və elmi istiqamətin, muzey işi sahəsində dövlət siyasətinin həyata keçirilməsi, muzeylərin sosial təyinatının təmin edilməsi, koordinasiya fəaliyyətinin ictimai tələbatının ödənilməsi, habelə onların ümumi əmlak və qeyri-əmlak mənafelərinin qorunması istiqamətində fəaliyyətin  əlaqələndirilməsidir. Tədbir çərçivəsində Mərkəz tərəfindən hazırlanan muzey işinə aid metodiki vəsaitlərin təqdimatı olmuşdur. Mərkəzin Muzey işi sektorunun müdiri Pakizə Almazova “Muzeylərdə marketinq işinin təşkili”, metodist Sevinc Qasımova “Muzey işində informasiya texnologiyaları: virtual eksponatlar, internet kataloqlar”, İnnovativ layihələr sektorunun müdiri Aygün Balabəyova “Məhdud fiziki imkanlı şəxslərin sosial mədəni həyata adaptasiyasında muzey və muzey tipli müəssisələrin rolu” adlı metodiki tövsiyələri təqdim etmişlər. ..
19.07.2018 11:52
Sumqayıt Regional Mədəniyyət idarəsinin tabe müəssisələrində silsilə tədbirlər keçirilirSumqayıt şəhər  Mərkəzi Uşaq Kitabxanasının əməkdaşları kitabxanada təşkil edilmiş “yay məktəbi“nin fəal üzvlərinin iştirakı ilə 40 saylı xüsusi təyinatlı nitqi qüsurlu “Lisan” Körpələr evi-uşaq bağçasında səhərcik təşkil ediblər. Tədbiri giriş sözü ilə açan kitabxananın əməkdaşı Leyla Mahmudova balaca fidanları nağıl qəhrəmanları ilə  tanış edib.  Nağıl qəhrəmanlarından “Buratino”, “Maşa” və yay məktəbinin fəal üzvləri özlərini təqdim edərək təmsil etdikləri nağıllardan parçalar nəql edib, şeirlər söyləyiblər. “Yay məktəbinin” fəal üzvü Aytac Vəlizadənin ifasında  pianoda Qara Qarayevin “Altı uşaq pyesi”i,  Mircəfər Zəkizadə, Məryəm Əsədzadə və Aytac Vəlizadənin ifasında “O olmasın, bu olsun” operettasından parça balacalar tərəfindən maraqla qarşılanıb.  Kitabxananın əməkdaşı Leyla Mahmudovanın ifasında  “Qoğal” rus nağılı və V.Suteyevin “Kim “myau” dedi” nağılı əsasında hazırladığı kukla tamaşası nümayiş etdirilib. Nağıl qəhrəmanları ilə dostlaşmış fidanlar rəqs edib, şeir söyləyib, tapmacaları cavablandırıblar. Sumqayıt şəhər Dənizkənarı Bulvarda əhalinin asudə vaxtlarının səmərəli keçirilməsi məqsədilə Qubadlı rayon Mədəniyyət evi və  Mahmudlu kənd Mədəniyyət evi birgə konsert təşkil edib. Tədbirdə Mədəniyyət evlərinin özfəaliyyət kollektivlərinin ifasında rəngarəng rəqslər, musiqilər, səhnəciklər təqdim olunmuş və tamaşaçılar tərəfindən alqışlarla qarşılanıb. ..
17.07.2018 15:42
Sumqayıtda açıq səma altında uşaqlar üçün əyləncə saatı təşkil edilibSumqayıt Regional Mədəniyyət İdarəsinin təşəbbüsü ilə yay mövsümü ilə əlaqədar olaraq Sumqayıt şəhər S.Vurğun adına Mərkəzi Kitabxananın uşaq şöbəsi açıq səma altında uşaqlar üçün əyləncə saatı təşkil edib. Uşaqların mütaliəyə marağının artırılması və asudə vaxtının səmərəli təşkili məqsədilə keçirilən tədbirdə oxucular və şəhər sakinləri kitabxana fonduna daxil olan ədəbiyyatlardan ibarət səyyar sərgi ilə yaxından tanış olublar.  Tədbir boyu uşaqlar yaşıllığın qoynunda əyləşərək kitab oxuyub, şeir söyləyib, şahmat, domino və digər əyləncəli oyunlar oynayıblar.  ..
17.07.2018 14:17
Ağstafa regional mərkəzdə səyyar seminar-treninqə bu gün start verildiAzərbaycan Respublikası mədəniyyət nazirinin səyyar yay seminar-treninqlərinin keçirilməsi haqqında müvafiq əmrinin icrası ilə bağlı Respublika Mədəniyyət Müəssisələri İşçilərinin Hazırlıq və İxtisasartırma Mərkəzi Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə birlikdə Ağstafa regional mərkəzində abidə mühafizəçiləri üçün növbəti səyyar seminar-treninqə start verildi. Qeyd edək ki, 17-21 iyul 2018-ci il tarixində Ağstafa regional mərkəz olmaqla Qazax və Tovuz rayonlarını əhatə edən abidə mühafizəçiləri üçün “Tarixi abidələr bu gün və sabah: mühafizə problemləri” mövzusunda təşkil edilmiş səyyar seminar-treninqi Mərkəzin direktoru, fəlsəfə doktoru Ramazan Şabanov açmışdır. Açılışda Ağstafa Regional Mədəniyyət  İdarəsinin rəisi Ramiz Quliyev, rəis müavini Gülgün Kərimov, Azərbaycan Milli Elmlər Akademiyasının Arxeologiya və Etnoqrafiya İnstitutunun  arxeoloqu, Tarix elmləri üzrə fəlsəfə doktoru Xəqani Alməmmədov, Mərkəzin səyyar tədrisin təşkili bölməsinin müdiri Turan Məmmədova və həmin bölmənin metodisti Türkan Həsənova da iştirak etmişdir. 40 saatlıq tədris planı əsasında təşkil olunan seminar-treninqdə əhatə olunan rayonlar üzrə 21 nəfər abidə mühafizəçisi iştirak etmişdir. Treninqdə müzakirə olunan mövzular Mədəniyyət haqqında Azərbaycan Respublikası Qanunundan irəli gələn məsələləri, eyni zamanda “Tarix və Mədəniyyət abidələrinin qorunması haqqında” qanun və bu qanundan irəi gələn vəzifələrin yerinə yetirilməsi, Tarix və mədəniyyət abidələrinin anlayışı və təsnifatı, abidələrin pasportlaşdırılması, siyahıya alınması və s. məsələləri  əhatə etmişdir.   ..
11.07.2018 18:45
Sumqayıt Regional Mədəniyyət İdarəsinin müşavirəsi keçirilibSumqayıt şəhər Heydər Əliyev Mərkəzində baş tutan müşavirə altı ayın yekunlarına həsr olunub. Sumqayıt Regional Mədəniyyət İdarəsinin rəisi Mehman Şükürov müşavirəni açaraq Mədəniyyət Nazirliyində aparılan struktur dəyişiklikləri, idarənin tabeliyində olan müəssisələrin fəaliyyəti barədə məlumat vermişdir. “Son vaxtlar qazanılan uğurlar bizdə arxayınlıq hissi yaratmamalı, məsuliyyətimizi artırmalıdır” deyən idarə rəisi müəssisələrdə aşkarlanan problemlərlə bağlı müəssisə rəhbərlərinə öz iradlarını bildirmişdir. Qeyd etmişdir ki, region şəbəkəsinə daxil olan musiqi məktəblərinin müəllimlərindən ibarət xor kollektivləri, ansambllar, orkestrlər  yaradılmalı və təqdimatı keçirilməlidir. Eyni zamanda Mehman Şükürov bütün müəssisələr üzrə regional tədbirlərin, yeni layihələrin həyata keçirilməsinin, mətbuat xidməti ilə əlaqələrin genişləndirilməsinin vacibliyini klub müəssisələri və kitabxana rəhbərlərinin nəzərinə çatdırmışdır. Daha sonra idarənin rəis müavini İlham Əhmədov çıxış edərək hesabat dövrü ərzində region üzrə 250 – dən cox tədbirlərin (konsertlər, anım günləri, sərgilər, şair və yazıçılarla görüşlər və s.) keçirildiyini, regional idarənin  müəllimlərdən ibarət xalq çalğı alətləri orkestri, xor kollektivi,  “Buta” qızlar ansamblı, “Zərif” qızlar ansamblı yaradıldığını bildirmişdir. Hesabat dövründə Azərbaycan Xalq Cumhuriyyətinin 100 illik və ümummilli lider Heydər Əliyevin 95 illik yubileyləri, 8 Mart Beynəlxalq Qadınlar Günü, Novruz bayramı, Silahlı Qüvvələr günü ilə bağlı şəhər və rayonlarımızda, hərbi hissələrdə silsilə tədbirlərin keçirildiyi qeyd edilmişdir. Eyni zamanda Mədəniyyət Nazirliyinin təşəbbüsü ilə “100 illik tariximiz” devizi altında “Bölgələrdən bölgələrə” adlı yaradıcılıq festivalında regional idarənin tabe müəssisələrinin  fəal iştirak etdiyi qeyd olunmuşdur. Sonda idarənin baş məsləhətçiləri və mədəniyyət müəssisələrinin rəhbərləri qeyd olunan problemlərin tez bir zamanda aradan qaldırılacağını, irad və təkliflərin nəzərə alınaraq yeni layihələrin hazırlanacağını bildirmişlər. ..
11.07.2018 12:28
Sumqayıt şəhər Bulvarında “Xəzri” xalq və mahnı rəqs ansamblının hesabat konserti keçirilibSumqayıt Regional Mədəniyyət İdarəsinin təşəbbüsü ilə şəhər əhalisinin mədəni-asudə vaxtının səmərəli keçirilməsi məqsədilə Sumqayıt şəhər bulvarının konsert meydançasında “Dostluq” mədəniyyət evinin  “Xəzri” xalq və mahnı rəqs ansamblı və uşaq və yeniyetmələrdən ibarət “Şahinlər” rəqs kollektivinin hesabat konserti keçirilib. Konsertdə “Azərbaycan suitası”, “Qaytağı”, “Qazaxı”, “Dənizçilər”, “Bakı haqqında rəqs”, “Şənlik suitası”, “Tango”, “İspan”, “Yallı” və s. rəqslər tamaşaçılar qarşısında nümayiş olunub. Konsertdə həmçinin Vüsalə Məmmədova, Aydan Salahova, Şamo Babayev, Vüqar Ulusoy, Vüqar Təmkinin ifa etdikləri şən və oynaq mahnılar tamaşaçılarda xoş ovqat yaradıb. ..
11.07.2018 12:20
Salyanda yeni “DAMA” art-studiyası yaradıldıBiləsuvar Regional Mədəniyyət İdarəsinin tabeliyində olan Salyan rayon Mədəniyyət Mərkəzinin “Güzgü” miniatür xalq teatrı və “Hünər” sirk-estrada xalq kollektivinin bazasında yeni “DAMA” art-studiyası yaradılıb. Studiyaya rayon mədəniyyət işçiləri ilə bərabər yerli həvəskar aktyorlar da cəlb olunub. “DAMA” art-studiyası ilkin fəaliyyətinə müasir həyatımızı əhatə edən müxtəlif satirik, düşündürücü səhnəciklər, eləcə də mono və qısa tamaşalarla başlayacaq. Art-studiyanın yaradılmasının əsas məqsədi rayonda və ətraf ərazilərdə mədəniyyət və incəsənət sahəsini daha da təkmilləşdirmək, əhalinin asudə vaxtlarını səmərəli təşkil etmək, həmçinin kreativ, yaradıcı gəncləri bir araya toplamaqdır. Salyan rayon Mədəniyyət Mərkəzində bu münasibətlə keçirilən toplantıda Biləsuvar Regional Mədəniyyət İdarəsinin rəisi Elçin Hüseynov “DAMA” art-studiyasının kollektivinə uğurlar arzulayıb, əlindən gələn köməkliyi əsirgəməyəcəyini vurğulayıb, gənclərə bu yolda dəyərli məsləhətlərini verib. O bildirib ki, Salyanda uzun zaman teatr, səhnə ənənəsi olub. Bu gün həmin ənənə gənclər tərəfindən davam etdirilməlidir. Qeyd edək ki, “DAMA” art-studiyasının ilk səhnə nümayişləri sentyabr ayına nəzərdə tutulub. Art-studiyanın Azərbaycan Dövlət Mədəniyyət və İncəsənət Universiteti, Salyan Dövlət Kukla Teatrı və başqa Dövlət Teatrları ilə iş birliyi olacağı da diqqətə çatdırılıb. ..
10.07.2018 14:36
Şəmkir regional mərkəzdə səyyar seminar-treninqə start verildiAzərbaycan Respublikası Mədəniyyət Nazirinin Səyyar yay seminar- treninqlərinin keçirilməsi haqqında müvafiq əmrinin icrası ilə bağlı Respublika Mədəniyyət Müəssisələri İşçilərinin Hazırlıq və İxtisasartırma Mərkəzi Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə birlikdə Şəmkir regional mədəniyyət idarəsində abidə mühafizəçiləri üçün növbəti səyyar seminar-treninqə start verildi. Qeyd edək ki, 10 iyul-14 iyul 2018-cı il tarixində Şəmkir regional mərkəz olmaqla  Göygöl, Gədəbəy və Daşkəsən rayonlarını əhatə edən Abidə mühafizələri üçün “Tarixi abidələr bu gün və sabah: mühafizə problemləri” mövzusunda təşkil edilmiş səyyar seminar-treninq bu gün saat 12-də öz işinə başladı. Treninq Mərkəzin direktoru Ramazan Şabanov tərəfindən açıq elan edildi. Açılışda Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin əməkdaşı Arif Əliyev, Şəmkir Regional Mədəniyyət  İdarəsinin məsləhətçisi Sənan Məmmədli, Mərkəzin səyyar tədrisin təşkili bölməsinin müdiri Turan Məmmədova və həmin bölmənin metodisti Türkan Həsənova da iştirak edir. 40 saatlıq tədris planı əsasında təşkil olunan seminar-treninqdə əhatə olunan rayonlar üzrə 31 nəfər abidə mühafizəçisi  iştirak edir. Treninqdə müzakirə olunan mövzular Mədəniyyət haqqında Azərbaycan Respublikası Qanunundan irəli gələn məsələləri, eyni zamanda “Tarix və Mədəniyyət abidələrinin qorunması haqqında” qanun və bu qanundan irəli gələn vəzifələrin yerinə yetirilməsi ,Tarix və mədəniyyət abidələrinin anlayışı və təsnifatı, Abidələrin pasportlaşdırılması, siyahıya alınması və s. məsələləri  əhatə edir. Treninqə mütəxəssis-müəllim olaraq Azərbaycan Milli Elmlər Akademiyasının Arxeologiya və Etnoqrafiya İnstitutunun arxeoloqu, Tarix elmləri üzrə fəlsəfə doktoru Xəqani Alməmmədov da cəlb olunmuşdur. ..
09.07.2018 18:08
Bərdə Regional Mədəniyyət İdarəsində müşavirə keçirilib9 iyul 2018-ci il tarixində Bərdə Regional Mədəniyyət İdarəsində regional idarənin rəisi İlyas Hacıyevin sədrliyi ilə müşavirə keçirilib. Regional idarənin aparat işçiləri, baş mühasibi, Bərdə, Tərtər rayon, Yevlax və Mingəçevir şəhər üzrə nümayəndələr, Bərdə rayon  MKS-nin direktoru və digər rəhbər işçiləri iştirak etdiyi müşavirədə Mədəniyyət Nazirliyində aparılmış struktur islahatlarından və  6 iyun 2018-ci il tarixdə Mirzə Fətəli Axundzadə adına Azərbaycan Milli Kitabxanasında baş keçirilən regional mədəniyyət idarələrinin fəaliyyətinə həsr olunmuş müşavirədən söz açılıb. Çıxış edən regional idarənin rəisi İlyas Hacıyev ölkə başçısının 6 iyun 2018-ci il tarixdə imzaladığı Mədəniyyət Nazirliyinin fəaliyyətinin təmin edilməsi ilə bağlı Fərman barədə danışıb və yeni strukturun tətbiqilə bağlı müşavirə iştirakçılarını məlumatlandırıb. Daha sonra regional idarənin rəisi qarşıda duran vəzifələrdən, regional idarələr və mədəniyyət müəssisələri arasında qarşılıqlı təcrübə mübadilədən,  nəzərdə tutulan layihələrdən və regional idarənin də yüksək səviyyədə iştirak etdiyi Mədəniyyət Nazirliyinin təşəbbüsü ilə keçirilən Azərbaycan Xalq Cümhuriyyətinin 100 illiyinə həsr olunmuş “100 illik tariximiz” başlıqlı “Bölgələrdən bölgələrə” Yaradıcılıq Festivalında iştirak, o cümlədən təşkilati işlər barədə tapşırıqlarını verib. Qeyd olunanlarla yanaşı regional idarənin rəisi elektron xidmətlərlə işin düzgün səviyyədə qurulması, ehtiyyat kadr və pullu xidmətlərlə keçidlə bağlı göstərişlərini də çatdırıb. O, həmçinin, qeyd edib ki, “Mədəniyyət sahədə çalışan şəxslər təşəbbüskarlıq və potensial imkanlarlarını yüksək səviyyədə üzə çıxarmalıdırlar və məqsəd mədəniyyətimizin davamlı inkişaf etdirilməsi, bu sahədə dövlət siyasətinin dəstəklənməsi və bacarıqlı ehtiyyat kadrların hazırlanmasıdır”. İdarəçiliklə bağlı bütün parametlərə toxunan idarə rəisi səmərəliliyin artırılması barədə bəzi tövsiyyələrini də müşavirə iştirakçılarının diqqətinə çatdırıb. Bütün bunlarla yanaşı regional idarənin rəisi İlyas Hacıyev regional idarələrin mətbuatla iş istiqamətində fəaliyyətindən danışıb və  bildirib ki, “Regional idarələrin keçirdiyi tədbirlərin yerli mətbuatda, televiziyalarda geniş işıqlandırılması olduqca vacibdir bu baxımdan KİV-lərlə geniş əlaqələr qurulmalıdır”. ..