Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
654

ABŞ-da yaşayan soydaşımızla muzeydə musiqili görüş

Azərbaycan Musiqi Mədəniyyəti Dövlət Muzeyinin “Klassik musiqisevərlər klubu” mütəmadi olaraq maraqlı tədbirlərin, sənət görüşlərinin təşəbbüskarı olur.
Avqustun 7-də muzeyin filialı olan Niyazinin ev muzeyində keçirilən növbəti tədbir də yaddaqalan oldu. Görüşün qonağı ABŞ-da yaşayan soydaşımız, tanınmış pianoçu, beynəlxalq müsabiqələr laureatı, sənətşünaslıq üzrə fəlsəfə doktoru, Azərbaycanın Əməkdar artisti Nərgiz Əliyarova idi. Azərbaycan Musiqi Mədəniyyəti Muzeyinin direktoru, Əməkdar mədəniyyət işçisi Alla Bayramova iştirakçıları salamlayaraq söylədi ki, muzeylər üçün yay tətili anlayışı yoxdur.

Elə paytaxt əhalisinin əksəriyyətinin istirahətdə və şəhərdən kənarda olmasına baxmayaraq, maestronun ev-muzeyinə xeyli musiqisevər toplaşmışdı. Alla Bayramova görüşün səbəbkarını toplaşanlara təqdim edərək bildirdi ki, Nərgiz Əliyarova hazırda Nyu-York şəhərində də öz ifaçılıq və pedaqoji fəaliyyətini davam etdirir, Azərbaycan musiqisi və mədəniyyətinin təbliği ilə məşğul olur.
Sonra Nərgiz Əliyarovanın həyat və yaradıcılığını əks etdirən videoçarx nümayiş etdirildi. Musiqi Mədəniyyəti Dövlət Muzeyinin şöbə müdiri Xanım Abdinova çıxış edərək Nərgiz Əliyarovanın həyat və yaradıcılığı barədə danışdı. Onun ilk dəfə 9 yaşında böyük səhnədə çıxış etməsi, ifaçılıq fəaliyyəti ilə yanaşı sənətşünas kimi elmi araşdırmalar aparması, beynəlxalq aləmdə Azərbaycan ifaçılıq məktəbini layiqincə təmsil etməsindən bəhs olundu.
Sonra Nərgiz Əliyarova görüşə görə təşəkkür edərək Niyazi ilə bağlı xatirəsini danışdı. Azərbaycan Dövlət Simfonik Orkestrinin müşayiəti, Niyazinin idarəsi ilə 15 yaşındakı ilk çıxışını hələ də yaradıcılıq karyerasının ən işıqlı məqamı kimi qeyd etdi.
Gözəl pianoçu olmaqla yanaşı, həm də maraqlı həmsöhbət olan Nərgiz Əliyarova ABŞ-dakı fəaliyyətindən də söz açdı: “Nyu-Yorka gedəndən iki ay sonra anladım ki, burada mənə heç kim yol göstərməyəcək və kömək etməyəcək. Hər işi sıfırdan və özüm başlamalıyam. “Milli musiqi və qlobal mədəniyyət” cəmiyyətinin təməli belə qoyuldu. ABŞ-da yaşayan sənətçi dostlarımla birləşib bu işə başladıq.
Bilirsiniz, sıravi amerikalılar Azərbaycanı o qədər də yaxşı tanımırlar və ümumiyyətlə, coğrafiyanı pis bilirlər. Bakı, Xəzər, neft kəlmələri də Azərbaycanı tanıtmağa kifayət etmir. Yalnız Rusiya ilə İran arasında ölkə dedikdə təəssürat yaratmaq olur. Lakin konsertlərimizdə Azərbaycan musiqisini dinlədikdən sonra onlar ölkəmizlə maraqlanmağa başlayırlar. Mən konsertlərdə çıxış edərkən çalışıram ki, ifadan əvvəl tamaşaçılara mütləq Azərbaycan barədə ingilis dilində məlumat verim. Bir sıra tədbirlərimizi keçirməkdə Azərbaycanın Mədəniyyət Nazirliyi və Diasporla iş üzrə Dövlət Komitəsi də bizə dəstək olur və buna görə minnətdaram”.
Nərgiz Əliyarovanın tələbəlik rəfiqələri – musiqişünas Səadət Səfərova, tanınmış pianoçu, Bakı Musiqi Akademiyasının professoru, Xalq artisti Ülviyyə Hacıbəyova isə konservatoriyada təhsil aldıqları, eyni kafedrada çalışdıqları zamanlar, həmin illərlə bağlı maraqlı məqamları və xatirələrini bölüşdülər. Nərgiz xanım da Nyu- Yorkda Bakı, Xəzər üçün, buradakı dostlar çox darıxdığını etiraf etdi: “Darıxsam da, düşünürəm ki, mən orada Azərbaycan üçün daha faydalı işlər görürəm. Bakıda Azərbaycan musiqisini ifa etmək yaxşıdır. Amma Birləşmiş Ştatlarda bizim milli bəstəkarlıq məktəbini tanıtmaq, təbliğ etmək artıq bir missiyadır. Mən orada çoxdan mühacirət etmiş Azərbaycan sənətçiləri ilə ünsiyyət qurmuşam. Onlar haqqında Bakıda nəşr olunan dərgilər üçün yazılar hazırlayır, müsahibələr alıram.
Yaxın zamanlarda cəmiyyətimizin digər ştatlarda şöbələrini yaratmaq fikrindəyik. Sevinirəm ki, bizim konsertlərə gələn, Azərbaycan mədəniyyəti ilə ünsiyyət quran nə qədər insan ölkəmizlə maraqlanır. Təxminən iyirmi nəfər şəxsən mənim özümə Azərbaycana səfər etməyi planlaşdırdığını deyib. Kiçik də olsa, bu, bizim uğurumuzdur”.
Nərgiz xanım söhbətlərin arasında F.Şopenin fortepiano musiqisindən seçmələri və Q.Qarayevin “Yeddi gözəl” baletindən Gözəllər gözəlinin adajiosunu ifa etdi.
Görüşün sonunda Alla Bayramova qonağa Qara Qarayevin Bakı, Moskva və Leninqrad şəhərlərində teatrlarda səhnələşdirilmiş tamaşalara yazdığı musiqilərdən ibarət 2 cildlik not kitabını hədiyyə etdi. Üstəlik, hər kitabdan iki nüsxə verərək, “biri - şəxsən sizin, biri də tələbələrinizin” deyə vurğuladı. Bu hədiyyədən çox məmnun olduğunu deyən Nərgiz Əliyarova da öz disklərini muzeyə bağışladı.

Sonda “Klassik musiqisevərlər klubu”nun üzvləri qonaqla birlikdə xatirə şəkli çəkdirdilər.

XƏBƏRLƏR

15.10.2019 09:07
Musiqili Teatrın yaradıcı kollektivi daha bir beynəlxalq festivalda iştirak edir
14.10.2019 16:21
Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb
14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib
12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi