Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
777

Daşkənddəki “Məhəllə” televiziya kanalında Azərbaycan mədəniyyətinə dair proqram yayımlanıb

Daşkənddəki “Məhəllə” televiziya kanalının “Xalqlar və mədəniyyətlər” adlı verilişi Heydər Əliyev adına Azərbaycan Mədəniyyət Mərkəzinin fəaliyyətinə (AMM) həsr olunub. Verilişdə ölkəmizin zəngin mədəniyyətinə, incəsənətinə, mətbəxinə və adət-ənənələrinə geniş yer verilib.

Dünya xalqlarının tarixi və mədəniyyəti seriyasından hazırlanan verilişdə AMM-nin direktoru Samir Abbasov mərkəzin fəaliyyəti, iki xalq arasında dostluq əlaqələrinin inkişafı istiqamətində həyata keçirilən layihələr, milli mədəniyyətimiz, habelə ölkəmizin son illərdə əldə etdiyi uğurlar haqqında məlumat verib.

Verilişdə “Azərbaycan dövlətçiliyi tarixi” muzeyi, ölkəmizin tarixini ən qədim dövrdən müasir dövrə qədər əhatə edən eksponatlar, xəritələr, tarixi abidələrin maketləri, milli musiqi alətlərimız haqqında geniş məlumatlar da öz əksini tapıb.

Proqramda xalça sənətinə xüsusi yer verilib. Belə ki, mərkəzin “Odlar yurdunun naxışları” adlı xalça muzeyində sərgilənən qədim Qarabağ, Şirvan, Quba, Naxçıvan, İrəvan və s. xalçaları haqqında geniş məlumat verilib. Qeyd olunub ki, xalçaçılıq Azərbaycanda firavanlıq simvolu və ən qədim sənət sahələrindən biridir.

Verilişdə Azərbaycan milli rəqs sənəti haqqında geniş söhbət açılıb, onların yaranmasının, formalaşmasının uzun əsrlərboyu davam etdiyi qeyd olunub, mərkəzin nəzdindəki “Azərbaycan qızları” rəqs ansamblının ifasında “Uzundərə”, “Mirzəyi”, “Xançobanı”, “Nəlbəki” və s. milli rəqslərimiz nümayiş etdirilib. Azərbaycanın Əməkdar artisti Kökəb Əliyeva milli rəqslərimiz haqqında danışıb.

Proqramda Mədəniyyət Mərkəzinin foyesində yaradılan “Azərbaycan milli libasları” stendi də göstərilib, xalqımızın geyim mədəniyyəti haqqında məlumat verilib.

Mərkəzin əməkdaşı Salama Fətəliyeva Azərbaycan xalqının adət-ənənələri, Novruz bayramı zamanı icra edilən ayinlər, bayram süfrəsinin hazırlanması, Azərbaycanda keçirilən toy şənlikləri zamanı icra olunan qədim və zəngin adətlər barədə geniş məlumat verib.

Verilişdə Azərbaycan xalqının çay mədəniyyətinə, çay dəstgahına xüsusi bölmə ayrılıb. Azərbaycanda illər boyu özünəməxsus çay mədəniyyətinin formalaşdığını qeyd edən aparıcı Mədəniyyət Mərkəzində hazırlanan çay süfrəsini nümayiş etdirib.

Azərbaycan çayının dəmlənməsi qaydaları, armudu stəkanlara süzülən çayın qonaqlara müxtəlif şirniyyat və mürəbbələrlə təqdim edilməsi nümayiş olunub.

Milli mədəniyyətimizin ayrılmaz hissəsi olan mətbəx mədəniyyəti, onun tarixi, adətləri, süfrə psixologiyası ekran işində xüsusi yer tutub.

Azərbaycan milli mətbəxinin ən qədim, zəngin, dadlı mətbəxlərdən biri olduğunu qeyd edən müəllif mətbəximizə aid 2 mindən çox xörək növünün olduğunu bildirib.

Mərkəzin mətbəxində milli yemək növlərindən danışılıb, ən çox sevilən, bayramlarda, şənliklərdə, gündəlik həyatda tez-tez hazırlanan yarpaq dolmasının bişirilmə texnologiyası göstərilib.

XƏBƏRLƏR

23.10.2019 14:56
“Uşaq kitab karvanı – bölgələrdə” layihəsi çərçivəsində bölgələrdə səyyar kitab sərgiləri təşkil olunur
23.10.2019 14:36
Azərbaycan Milli İncəsənət Muzeyində yeni layihənin təqdimatı olacaq
23.10.2019 09:39
“Gələcəyin konsepsiyalarında mədəniyyət amili” mövzusunda beynəlxalq elmi-praktiki konfrans keçirilib
23.10.2019 08:55
Xalça Muzeyində Xalq rəssamı Bədurə Əfqanlının retrospektiv sərgisi açılıb
22.10.2019 17:20
Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin fəaliyyətinin təkmilləşdirilməsi haqqında Azərbaycan Respublikası Prezidentinin Fərmanı
22.10.2019 17:10
Tarix-mədəniyyət qoruqlarının yaradılması haqqında Azərbaycan Respublikası Prezidentinin Sərəncamı
22.10.2019 14:55
Azərbaycan Teatr Xadimləri İttifaqının XIV konfransı keçirilib
22.10.2019 10:43
Füzuli Dövlət Dram Teatrının baş rejissoru Mədəniyyət Nazirliyi tərəfindən mükafatlandırılıb
21.10.2019 12:09
Azərbaycanın Dövlət Müstəqilliyi Günü Gürcüstanda qeyd olunub
21.10.2019 10:50
“Daha çox caz, daha çox intellekt” şüarı ilə Bakıda növbəti Beynəlxalq Caz Festivalı keçirilir
21.10.2019 09:47
İncəsənət əsərlərinin növbəti auksionu keçiriləcəkdir
21.10.2019 09:25
Xalq rəssamı Bədurə Əfqanlının həyat və yaradıcılığına həsr olunmuş sərgi açılacaq
21.10.2019 09:21
“Mən ağacam” tamaşası maraqla qarşılanıb
21.10.2019 09:15
Akademik Musiqili Teatr növbəti beynəlxalq festivala hazırlaşır
21.10.2019 08:55
Astarada Nəsiminin 650 illik yubileyi qeyd olunub
18.10.2019 17:22
Bakı şəhərində “Ustad dərslər” layihəsi həyata keçirilib
18.10.2019 17:20
Azərbaycanın Dövlət Müstəqilliyi Günü münasibətilə Daşkənddə sərgi açılıb
18.10.2019 16:31
Nizami Gəncəvinin “Yeddi gözəl” əsəri Daşkənddə özbək dilində işıq üzü görüb
18.10.2019 14:21
Yaradıcı əməyə verilən qiymət
18.10.2019 12:49
Almaniyada İmaddədin Nəsiminin 650 illiyi ilə bağlı tədbir keçirilib
18.10.2019 10:28
Azərbaycan Respublikasının Mədəniyyət naziri və nazir müavini bölgələrdə vətəndaşları qəbul edəcək
18.10.2019 09:42
ICOM Azərbaycan Milli Komitəsinin yeni sədri seçilib
18.10.2019 09:19
Azərbaycan Milli Kitabxanası ilə Berlin Universiteti arasında əməkdaşlıq haqqında Memorandum imzalanıb