Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
672

III Respublika Xalq Teatrları Festivalının final mərhələsi keçirilir

23-25 iyun tarixində Bakı şəhərində III Respublika Xalq Teatrları Festivalının final mərhələsi keçirilir. “Azərbaycan Xalq Yaradıcılığının 2019-2023-cü illər üzrə inkişafına dair Strateji Fəaliyyət Planı”na müvafiq olaraq gerçəkləşən festivalın baxış-seçim mərhələsi bu ilin aprelində paytaxtda və respublikanın bölgələri regionları üzrə şəhər və rayonlarda təşkil olunub.

Ölkəmizdə ümumilikdə 37 xalq teatrı kollektivi fəaliyyət göstərir. Onların arasından 13 kollektiv həlledici mərhələyə dəvət qazanıb. Bunlar İsmayıllı, Qəbələ, Beyləqan, Zaqatala, Şabran, Masallı, Şərur, Füzuli, Yevlax, Mərdəkan, Qax, Bərdə, Cəlilabad xalq teatrlarıdır.

İyunun 23-də Rəşid Behbudov adına Azərbaycan Dövlət Mahnı Teatrında doqquz kollektiv hazırladıqları səhnə əsərlərini təqdim etdi. Yekun mərhələdə Mədəniyyət Nazirliyinin müvafiq əmri ilə müəyyən edilmiş münsiflər heyəti tərəfindən mükafatçılar, o cümlədən müxtəlif həvəsləndirici nominasiyalar üzrə qaliblər seçiləcək. Qeyd edək ki, Əməkdar artist, Şuşa Dövlət Musiqili Dram Teatrının baş rejissoru Loğman Kərimovun rəhbərlik etdiyi münsiflər heyətinə Əməkdar artist, aktyor və bədii qiraətçi, Azərbaycan Dövlət Mədəniyyət və İncəsənət Universitetinin dosenti Azad Şükürov, Azərbaycan Dövlət Gənc Tamaşaçılar Teatrının quruluşçu rejissoru Gülnar Hacıyeva, tənqidçi, sənətşünas Atababa İsmayıloğlu və başqaları daxildir. Münsiflərlə bərabər teatrsevərlərin də izlədikləri tamaşalar maraqla qarşılandı.

Final mərhələsinin birinci baxış günü əvvəlcə İsmayıllı rayon Xalq teatrının Qarabağ, vətənpərvərlik, müharibə mövzusunda “Əsgər papağı” (əsərin müəllifi Elnurə Abdullayeva) tamaşası, Qəbələ Xalq teatrının və Beyləqan rayon Xalq teatrının “Göyçək Fatma” Azərbaycan xalq nağılı əsasında fərqli yozumlarda hazırladıqları tamaşaları, Şabran rayon Xalq teatrının təqdimatında Qarabağ xanlığının tarixindən bəhs edən “Hökmdar və qızı” (İlyas Əfəndiyev) tamaşası nümayiş olundu.

Ardınca Zaqatala Xalq teatrının klassik komediya nümunələrimizdən olan “Beş manatlıq gəlin”ə (Məmməd Səid Ordubadi), Masallı rayon Xalq teatrının çağdaş insanın, xüsusən qadınların problemlərini ön plana çıxaran “Qaçqın gəlin” (İbadulla Hüseynzadə) adlı psixoloji-sosial səhnə işi, özünəməxsus ənənələri olan Şərur Xalq teatrının (Naxçıvan Muxtar Respublikası) təqdimatında A.Puşkinin “Motsart və Salyeri” birpərdəli dramı izlənildi.

Füzuli Xalq teatrının “Xocalı harayı” tamaşası bəşər tarixinin ən qanlı hadisələrindən olan, qan yaddaşımıza əbədi həkk edilmiş olan soyqırımından bəhs edirdi. İlk günün sonuncu tamaşası isə Yevlax Xalq teatrının yazıçı Pərvinin birpərdəli pyesi əsasında hazırladığı “Qadınlar” oldu.

Nümayiş olunan səhnə işləri rəngarəngliyi və quruluş həlləri ilə diqqət çəkdi. Hər nümayişin ardınca yaradıcı heyətləri tamaşa salonuna dəvət edən münsiflər heyəti oyun üslubu, səhnə manevrləri, quruluş elementlərindəki müvafiq ştrixlər barədə fikirlərini bildirib, tövsiyələrini verdilər.

Qeyd edək ki, III Respublika Xalq Teatrları Festivalının final mərhələsinin ikinci günü – iyunun 24-də daha 4 kollektiv – Mərdəkan, Qax, Bərdə və Cəlilabad xalq teatrları öz tamaşalarını təqdim edir. Səhnə əsərləri Dövlət Gənc Tamaşaçılar Teatrı səhnəsində nümayiş olunur. Saat 17-də Gənc Tamaşaçılar Teatrında festival qaliblərinin mükafatlandırma mərasimi keçiriləcək.

İyunun 25-də isə Muzey Mərkəzində festival çərçivəsində I Respublika Xalq Teatrları Konfransı keçiriləcək.

 

XƏBƏRLƏR

09.11.2019 11:21
Filarmoniyada Yalçın Adıgözəlovun 60 illiyinə həsr olunmuş konsert keçirilib
09.11.2019 11:12
Azərbaycan Milli Xalça Muzeyinin fiziki imkanları məhdud şəxslərə uyğunlaşdırılmış ikinci mərtəbəsinin açılışı olub
09.11.2019 10:55
Şirvan aşıqları Beynəlxalq Muğam Mərkəzində geniş konsert proqramı ilə çıxış ediblər
08.11.2019 17:04
Azərbaycan və Özbəkistan ədəbi əlaqələrinə dair beynəlxalq konfrans keçirilib
08.11.2019 16:45
Mərkəzi İncəsənət məktəbində “BAYRAĞIMIZ- QÜRURUMUZDUR!” adlı tədbir keçirildi
08.11.2019 16:20
Dövlət Bayrağı Günü münasibətilə regional mədəniyyət idarələrinin təşkilatçılığı ilə tədbirlər keçirilir
08.11.2019 16:02
Mədəniyyətin müxtəlif ixtisaslarını əhatə edən kurs proqramları hazırlanıb
08.11.2019 15:58
Milli Kitabxanada Bayraq Gününə həsr olunmuş kitab sərgisi açılıb
08.11.2019 15:56
Dünya şöhrətli belçikalı violin ifaçısı Maykl Qutman Bakıda çıxış edəcək
08.11.2019 14:11
Azərbaycan Dövlət Akademik Opera və Balet Teatrında “Vaqif” operası nümayiş edilib
08.11.2019 10:20
Ağcabədi rayonunda “Xarı Bülbül” festivalı keçirildi
08.11.2019 09:54
Hər bir millətin bayrağı onun milli kimliyinin ifadəsidir
08.11.2019 09:52
Saatlıda Nəsiminin 650 illiyinə həsr olunmuş tədbir keçirilib
08.11.2019 09:17
Milli Azərbaycan Tarixi Muzeyində “Qarabağ xanı Mehdiqulu xanın bayrağı” kitabının təqdimatı keçirilib
08.11.2019 09:05
Görkəmli bəstəkar Tofiq Quliyevin xatirəsi yad olunub
07.11.2019 16:57
Rəssam Mixail Şemyakin Azərbaycan Rəssamlıq Akademiyasında ustad dərsi verib
07.11.2019 16:06
Paytaxtımızda incəsənət əsərlərinin növbəti auksionu keçirildi
07.11.2019 14:31
Mədəniyyət naziri tanınmış rusiyalı rəssamla görüşüb
07.11.2019 14:25
Özbəkistanda “Əbədi dostluğumuz” adlı sərgi açılıb
07.11.2019 13:00
Milli Kitabxanada Bakı Dövlət Universitetinin 100 illiyi qeyd olunub
07.11.2019 10:20
Milli Məclisin komitələrində gələn ilin dövlət büdcəsinin müzakirəsi davam edir
07.11.2019 09:13
Azərbaycan Tibb Universitetinin “Çinar” qızlar ansamblının 60 illiyi qeyd olunub
07.11.2019 09:06
Bakıda X Beynəlxalq Qısa Filmlər Festivalının açılış mərasimi keçirilib
07.11.2019 09:03
“Xocavənd rayonunun memarlıq abidələri” sənədli filmi təqdim olunub
06.11.2019 19:06
Çingiz Fərzəliyevin “Zamanın pillələri ilə” adlı fərdi sərgisi açılıb
06.11.2019 15:28
Özbəkistanda Azərbaycan mədəniyyəti və ədəbiyyatı günlərinin açılışı olub
06.11.2019 15:24
Almaniyanın “SWR2“ kanalı caz ifaçısı Əzizə Mustafazadən müsahibə götürüb