Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
814

Mərkəzi Zabitlər Evində “Güclü dövlətin güclü ordusu olmalıdır” adlı sərgi-müsabiqənin finalı keçirilib

24 iyun 2019-cu il tarixində Azərbaycan Respublikası Silahlı Qüvvələr Gününə həsr olunmuş “Güclü dövlətin güclü ordusu olmalıdır” adlı respublika uşaq incəsənət məktəblərinin şagirdləri arasında plakat üslublu əsərlərdən ibarət sərgi-müsabiqənin final mərhələsi keçirildi. 

Azərbaycan Respublikası Müdafiə Nazirliyi və Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin birgə təşkilatçılığı ilə keçiriliş final mərhələsi H.Aslanov adına Mərkəzi Zabitlər Evində baş tutdu. Finalda ölkəmizin şəhər və rayonlarından 167 nəfər şagird 258 əsərlə təmsil olunurdu.

Sərginin final tədbirində Müdafiə Nazirliyinin İdeoloji İş və Mənəvi Psixoloji Təminat İdarəsinin rəisi, Şəxsi Heyət Baş İdarəsinin rəis müavini, general-mayor Rasim Əliyev, Bakı Yunus Əmrə İnstitutunun direktoru Cihan Özdəmir, Xalq rəssamı Ağəli İbrahimov, Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev və mərkəzin əməkdaşları çıxış etdilər.

Çıxış edənlər qeyd etdilər ki, belə tədbirlərin keçirilməsində əsas məqsəd respublikanın uşaq incəsənət məktəbləri şagirdlərinin, həmçinin Müdafiə Nazirliyinin əməkdaşlarının uşaqlarının yaratdığı rəsm əsərlərində dövlətçiliyin mühüm atributu olan milli ordunun güc və qüdrətini təcəssüm etdirmək, öz doğma, müstəqil vətəninə məhəbbət aşılamaqdır. Çıxış edən gənclərin vətənpərvərlik ruhunda tərbiyə olunması, istedadlı uşaq, yeniyetmə və gənclərin aşkara çıxarılması, dəstəklənməsi, ölkəmizdə təsviri sənətin inkişaf etdirilməsi və təbliğ olunması da sərgi-müsabiqənin hədəfləri arasında yer aldığını vurğuladılar.

Daha sonra tədbir bədii hissə ilə davam etdi. Müdafiə Nazirliyinin Xalq çalğı alətləri kvarteti və Bakı şəhər M.Maqomayev adına 26 nömrəli Uşaq Musiqi Məktəbinin şagirdləri musiqi nömrələrindən ibarət konsert proqramı ilə çıxış etdilər. Sonda qaliblərin təltifetmə mərasimi keçirildi. Üç nominasiya üzrə birinciliyi Elşad Ağayev, Sehri Zeynalabdinova və Aylin Manafova qazandılar.

Qeyd edək ki, H.Aslanov adına Mərkəzi Zabitlər Evi və Mədəniyyət üzrə Elmi-Metodiki və İxtisasartırma Mərkəzi arasında bu kimi tədbirlərin gələcəkdə də keçirilməsi ilə bağlı razılıq əldə olunub.

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı