Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
915

“Mir Mehdi Seyidzadə: biblioqrafiya” kitabının təqdimatı olub

Dekabrın 4-də Azərbaycan Milli Kitabxanasında Mədəniyyət Nazirliyinin dəstəyi və F.Köçərli adına Respublika Uşaq Kitabxanasının təşkilatçılığı ilə “Mir Mehdi Seyidzadə: biblioqrafiya” kitabının və “Mir Mehdi Seyidzadə - 110” elektron məlumat bazasının təqdimatı keçirilib.

Kitab görkəmli şair və dramaturq, Əməkdar incəsənət xadimi Mir Mehdi Seyidzadəyə həsr edilmiş “Uşaq ədəbiyyatı xəzinəsi” seriyasından nəşr olunub.

Tədbirdə Milli Kitabxananın direktoru Kərim Tahirov çıxış edərək görkəmli şairin uşaq dramaturgiyamızın yaranması və inkişafında böyük rol oynadığını, rəngarəng mövzularda poetik əsərlər yazdığını, əsərləri ilə uşaq ədəbiyyatını əhəmiyyətli dərəcədə zənginləşdirdiyini söyləyib.

F.Köçərli adına Respublika Uşaq Kitabxanasının direktoru, Əməkdar mədəniyyət işçisi Şəhla Qəmbərova nəşrin özəlliyindən danışaraq biblioqrafiyada şairin 1925-2017-ci illərdə dərc edilmiş əsərləri və onun haqqında yazılan materialların əks olunduğunu, göstəricinin ədəbiyyatşünas alimlər, tədqiqatçılar, kitabxanaçı-biblioqraflar və geniş oxucu kütləsi üçün nəzərdə tutulduğunu diqqətə çatdırıb. O, kitabxana tərəfindən silsilə şəkildə uşaq ədəbiyyatının görkəmli nümayəndələrindən Firidun bəy Köçərli, İlyas Tapdıq, Abdulla Şaiq, Abbas Səhhət haqqında biblioqrafiyaların hazırlandığını, bu işin davam etdiriləcəyini, bu cür vəsaitlərin uzun axtarışlar nəticəsində meydana gəldiyini qeyd edib.

Mədəniyyət Nazirliyinin şöbə müdiri Aslan Cəfərov Respublika Uşaq Kitabxanasının son illər dinamik fəaliyyətindən danışıb, biblioqrafiya kitabının həsr olunduğu Mir Mehdi Seyidzadənin həyat və fəaliyyəti haqqında ətraflı məlumat verib, vəsaitin ədibin irsinin tədqiqi baxımından əhəmiyyətli olduğunu vurğulayıb.

Kitabın rəyçisi, Əməkdar jurnalist Qafar Əsgərzadə, Əməkdar mədəniyyət işçisi, professor Vaqif Yusifli, şair, pedaqoq Zahid Xəlil, Azərbaycan Yazıçılar Birliyinin üzvü, “Azərbaycan uşaq ədəbiyyatı antologiyası”nın tərtibçisi və redaktoru Qəşəm İsabəyli, Əməkdar mədəniyyət işçisi Azər Hüseynov, S.Mümtaz adına Azərbaycan Respublikasının Dövlət Ədəbiyyat və İncəsənət Arxivinin direktoru Könül Nəsibova və digərləri şairin uşaq psixologiyasını yaxşı bildiyini, balacaların zövqünü oxşayan, uşaqların tərbiyələnməsində mühüm rol oynayan şeirlərin müəllifi olduğunu, şeirlərinə bəstələnmiş mahnıların xalq tərəfindən sevildiyini, həmçinin tərcüməçi kimi fəaliyyətindən bəhs ediblər.

Əməkdar artist Firuz Səxavət şairin qəzəllərini ifa etdikdən sonra 14 bölmədən ibarət hazırlanmış elektron məlumat bazası təqdim olunub.

Kitabın tərtibçilərindən olan kitabxananın şöbə müdiri, Əməkdar mədəniyyət işçisi Nazilə Tahirova Mir Mehdi Seyidzadənin 110 illiyi münasibətilə yazıçının yaradıcılığını tam halda işıqlandırmaq məqsədilə fundamental biblioqrafik vəsaitin tərtib olunduğunu qeyd edib. Göstəricinin 4 hissədən ibarət olduğunu, burada, həmçinin şəxsi arxiv materiallarının da yer aldığını, materialların bölmələr üzrə xronoloji ardıcıllıqla, daxildə isə əlifba sırasına uyğun şəkildə qruplaşdırıldığını söyləyib. O, əlavə olaraq ədibin filmoqrafiyasının, poema, pyes, radiopyes, ssenari, şeir və qəzəllərinin, məqalə, çıxış, xatirə və rəylərinin, tərcümələrinin əlyazmalarının, şairin fonduna daxil olmuş kitab və jurnalların, tərcümə etdiyi kitabların, redaktə etdiyi və üzərində işlədiyi əsərlərin, şairin məktub və təbrik teleqramlarının, ona gələn məktubların, tərcümeyi-hal sənədlərinin, ədəbi xidməti və ictimai fəaliyyətinə dair sənədlərin, yubiley sənədlərinin tam təsvirlərinin qeydə alındığını bildirib.

XƏBƏRLƏR

17.06.2019 13:15
Böyük bəstəkar Arif Məlikovun Fəxri xiyabanda məzarı ziyarət olunub
17.06.2019 12:02
Qobustan Milli Tarix-Bədii Qoruğunda Yoqa və Sağlamlıq Festivalı çərçivəsində tədbir təşkil edilib
15.06.2019 11:25
Tovuzda Milli Qurtuluş günü qeyd olunub
15.06.2019 11:02
“Bölgələrdən bölgələrə” II Yaradıcılıq Festivalının yekun tədbiri keçiriləcək
15.06.2019 10:37
Azərbaycan rəssamlarının əsərlərinin ilk Respublika satış-sərgisi açılıb
15.06.2019 10:26
Xalq artisti Amaliya Pənahovanın xatirəsi anılıb
15.06.2019 10:23
Xalq artisti Bəsti Cəfərovanın 60 illik yubileyi münasibətilə “Qətibə İnanc” tamaşası nümayiş olunub
14.06.2019 16:58
Respublika Gənclər Kitabxanasında “Milli qurtuluş, milli azadlıq” mövzusunda ədəbi-bədii gecə keçirildi
14.06.2019 16:50
Gəncədə muzey işçilərinin peşə səriştələrinin artırılması məqsədilə kurslar təşkil olunub
14.06.2019 14:53
Milli Qurtuluş Günü Sabirabadda təntənəli şəkildə qeyd edildi
14.06.2019 14:35
Xaçmaz Regional Mədəniyyət İdarəsinin tabe müəssisələrində “Milli Qurtuluş Günü” ilə əlaqədar silsilə tədbirlər keçirilib
14.06.2019 14:22
Mərkəzi İncəsənət məktəbində görkəmli musiqiçilərin ustad dərsləri keçirildi
14.06.2019 10:19
Milli Qurtuluş Günü Ağstafada təntənə ilə qeyd olunub
14.06.2019 09:15
Azərbaycanın Birinci vitse-prezidenti Mehriban Əliyeva 2 nömrəli Uşaq İncəsənət Məktəbindəki şəraitlə tanış olub
13.06.2019 18:37
Dünya İrs Komitəsinin sessiyasının Bakıda keçirilməsi ölkəmizə göstərilən yüksək etimadın nümunəsidir
13.06.2019 15:27
Gəncədə 15 İyun – Milli Qurtuluş Günü qeyd olundu
13.06.2019 15:11
Gəncədə “Müstəqillik və vətənpərvərlik ruhunun aşılanmasında kinematoqrafiyanın rolu” mövzusunda debat keçirilib
13.06.2019 10:17
Milli Dram Teatrında Xalq artisti Bəsti Cəfərovanın yubiley gecəsi keçiriləcək
13.06.2019 10:01
Qusarda “Oxu Günü” keçirilib
13.06.2019 09:37
Xalq artisti İlham Namiq Kamalın 70 illik yubileyi qeyd olunub
13.06.2019 09:34
Parisdə UNESCO-nun baş qərargahında Bakı Dövlət Universitetinin 100 illiyi təntənə ilə qeyd olunub
12.06.2019 17:24
“Çölçü” bədii filmi beynəlxalq mükafatlara layiq görülüb
12.06.2019 16:51
Gəncədə “Mədəniyyət həftəsi” çərçivəsində növbəti tədbir keçirilib
12.06.2019 16:01
Kitabxanada Milli Qurtuluş Günü qeyd olunub
12.06.2019 14:27
Bakıda II Dünya Xalqlarının Mədəniyyəti Festivalı keçirilib
12.06.2019 14:22
Sumqayıtın musiqi məktəblərinin hesabat konsertləri keçirilib
12.06.2019 12:05
Dərbənddə “Nəsimi ili-Nəsimi dili” tamaşası təqdim olunub
11.06.2019 17:47
Çingiz Fərzəliyev Rusiya Rəssamlıq Akademiyasının Qızıl medalına layiq görülüb
11.06.2019 17:45
Gəncədə “Mədəniyyət həftəsi” “Dönməz iradə” adlı seminarla başlanıb