Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
809

Moskvada təhsil alan azərbaycanlı tələbələrin sənət hesabatı

İyunun 24-də Azərbaycan Dövlət Akademik Milli Dram Teatrında Moskvadakı B.Şukin adına Teatr İnstitutunda təhsil alan azərbaycanlı tələbələrin hesabat çıxışları başlandı.

Teatr sahəsi üzrə gənc istedadların dəstəklənməsi, kadr hazırlığı və əlavə təhsil sisteminin təkmilləşdirilməsi, bu sahədə xarici ölkələrlə müştərək layihələrin keçirilməsi üçün Azərbaycan Respublikası Prezidentinin müvafiq sərəncamı ilə təsdiq olunmuş “Azərbaycan teatrı 2009-2019-cu illərdə” Dövlət Proqramına uyğun olaraq Mədəniyyət və Turizm Nazirliyi və Rusiyanın Y.Vaxtanqov adına  Dövlət Akademik Teatrının nəzdində B.Şukin adına Teatr İnstitutu arasında əməkdaşlıq müqaviləsi imzalanıb. Həmin sənədə əsasən 2016-cı ildə B.Şukin adına Teatr İnstitutunda azərbaycanlı tələbələr üçün xüsusi aktyor-rejissor kursu yaradılıb. Azərbaycana gələn pedaqoji qrup istedadlı gənclərdən ibarət heyəti toplayaraq onlara incəsənətin müxtəlif istiqamətləri, xüsusilə də teatr sənətinin çoxşaxəli istiqamətlərini tədris ediblər. Tədris prosesi zamanı tələbələrimizin ifasında bir neçə tamaşa səhnələşdirilib. İndi isə azərbaycanlı tələbələr sənət hesabatı üçün doğma şəhərdədirlər.

İyunun 24-də ilk olaraq tələbələrimiz bir növ sinif konsertini təqdim etdilər. Mədəniyyət naziri Əbülfəs Qarayev, nazirin birinci müavini Vaqif Əliyev, mədəniyyət və incəsənət xadimlərinin iştirak etdiyi konsertdən öncə səhnəyə çıxan Akademik Milli Dram Teatrının bədii rəhbəri və direktoru, Xalq artisti Azər Paşa Nemət və Boris Şukin adına Teatr İnstitutunun Rejissorluq kafedrasının müdiri, professor, Rusiyanın Xalq artisti Mixail Borisov gənclərə uğurlar arzuladılar.

Teatrda gənclərə daim yol açıldığını, istedadlara meydan verildiyini diqqətə çatdıran Azər Paşa Nemət ölkə başçısının sərəncamı ilə imzalanan proqramdan irəli gələn məsələlərin sistemli şəkildə öz həllini tapdığını dedi. Azərbaycanlı tələbələrin Moskvada və Rusiyanın bir sıra incəsənət profilli təhsil ocaqlarında təhsil almasının da həmin proqrama uyğun olduğunu deyən Xalq artisti seçilən tələbələrin Şukin adına Teatr İnstitutunda 3-cü kursu uğurla başa vurduqlarını bildirdi. Vurğulandı ki, bugünkü konsert və sonrakı günlərdə nümayiş olunacaq iki tamaşa onların öz vətənlərində sənət hesabatıdır. Milli Dram Teatrının rəhbəri gənclərə uğurlar arzuladı.

Yüksək qonaqpərvərlik və xoş münasibətə görə azərbaycanlı həmkarlarına təşəkkürünü bildirən professor Mixail Borisov da üç il öncəyə qayıdaraq başladıqları yaradıcılıq yolu və bu müddət ərzində tələbələrlə aparılan işdən danışdı. 100 ildən artıq tarixə malik Şukin adına Teatr İnstitutunun dünya teatr məktəbləri arasında öncül yerdə olduğunu deyən qonaq ümidvar olduğunu bildirdi ki, Rusiyanın ən tanınmış teatr xadimlərindən, məşhur pedaqoqlardan dərs alan azərbaycanlı tələbələr səhnədə öz sözünü deyərək populyarlıq qazanacaqlar. Bu sahədə əməkdaşlığa görə Heydər Əliyev Fonduna, Mədəniyyət Nazirliyinə təşəkkür edən Mixail Borisov tələbələrinin doğma səhnədə, həmvətənləri qarşısında çıxışa həyəcanla hazırlaşdıqlarını vurğuladı, tamaşaçılardan da gəncləri diqqətlə izləməyi və ola biləcək hər hansı qüsuru belə görməzdən gələrək alqışlamağı xahiş etdi.

Sonra tkonsert başlandı. İkihissəli konsertdə tələbələr Ramail Bayramov, Abdulla İsmayılov, Bəhruz Əliyev, Mikayıl Əliyev və başqaları müxtəlif səhnəciklər, tamaşalardan hissələr, mahnı və romansların pantomima nümayişi və s. təqdim etdilər. Tələbələrin ifaları tamaşaçılar tərəfindən maraqla qarşılandı. Ramail Bayramovun “Sarı gəlin”, Abdulla İsmayılovun mono ifaları xüsusilə alqışa səbəb oldu. 

Onu da qeyd edək ki, azərbaycanlı tələbələr 25-27 iyun tarixlərində (saat 19.00)  Akademik Milli Dram Teatrının səhnəsində “Qafqaz təbaşir dairəsi” və “Ezop” tamaşalarını da təqdim edəcəklər.

XƏBƏRLƏR

09.12.2019 16:43
Daşkənddə İmadəddin Nəsiminin 650 illiyinə həsr olunmuş poeziya axşamı təşkil edilib
09.12.2019 16:19
Ölkəmiz UNESKO-da təşkil edilən beynəlxalq konfransda təmsil olunub
09.12.2019 16:07
“Kreativ Azərbaycan” portalının təqdimatı və “Yaradıcı sənayelər: dayanıqlı inkişaf və məşğulluq üçün yeni imkanlar” mövzusunda nazirlər paneli keçirildi
06.12.2019 17:20
Nəsimi ruhuna ehtiram, ekoloji tarazlığa töhfə
06.12.2019 16:42
Azərbaycan Könüllülərinin II Həmrəylik Forumu keçirilib
06.12.2019 16:03
Nizami Gəncəvinin türk dilində nəşr olunan "Xəmsə"sinin təqdimatı keçirildi
06.12.2019 15:23
Sumqayıtda yubiley tədbiri keçirilib
06.12.2019 15:10
“Kreativ Azərbaycan” portalının təqdimatı və “Yaradıcı sənayelər: dayanıqlı inkişaf və məşğulluq üçün yeni imkanlar” mövzusunda nazirlər paneli keçiriləcəkdir
06.12.2019 14:53
Bursada qarşılıqlı əməkdaşlıq məsələləri müzakirə olunub
06.12.2019 10:49
Musiqili Teatrda “Nəsimi” kompozisiyası təqdim olunub
06.12.2019 10:29
Qusarda “Multikulturalizm Azərbaycanda həyat tərzidir” adlı tədbir keçirilib
06.12.2019 10:07
Özbəkistanlı qonaqların Lənkərana səfəri başlayıb
06.12.2019 09:17
Bakıda "Nəsimi 650: haqqın carçısı" mövzusunda beynəlxalq elmi-praktik konfrans keçirilib
06.12.2019 09:01
Filarmoniyada növbəti xeyriyyə konserti təşkil olunub
06.12.2019 08:53
Lilldə “Transsiberien” festivalı Qara Qarayevin əsərinin ifası ilə başlayacaq
05.12.2019 17:19
Əlibaba Məmmədovun 90 illiyinin qeyd edilməsi haqqında Azərbaycan Respublikası Prezidentinin Sərəncamı
05.12.2019 16:29
MDB ölkələrinin mediası Bakıda keçirilən “Sərhədsiz incəsənət” beynəlxalq seminarından yazıb
05.12.2019 14:27
Daşkənddə “Mən əbədiyyət üfüqlərində doğan eşq günəşiyəm” adlı tədbir keçirilib
05.12.2019 12:05
“Culture Guide” mədəniyyət bələdçisinin dekabr sayı çapdan çıxıb
05.12.2019 11:37
“ŞAİRƏ İTHAF” adlı açıq respublika rəsm müsabiqəsinin vaxtı 2020-ci il aprel ayının 1-dək uzadılmışdır
05.12.2019 10:57
Azərbaycan Respublikasının Mədəniyyət naziri və nazir müavinləri bölgələrdə vətəndaşları qəbul edəcək
05.12.2019 10:19
“Yeddi nar çubuğu” səhnəyə gəlir
05.12.2019 09:14
UNESKO üzrə Azərbaycan Milli Komissiyasının 25 illiyi ilə əlaqədar Dövlət İdarəçilik Akademiyasında dəyirmi masa keçirilib
05.12.2019 09:10
Mədəniyyətin səyyar təlimləri uğurla başa çatıb
05.12.2019 09:06
“Muğam dünyasına səyahət” layihəsi çərçivəsində növbəti konsert
04.12.2019 18:36
Nazir Əbülfəs Qarayev Bəhreyn Krallığının nümayəndə heyətini qəbul edib
04.12.2019 18:15
Musiqi Mədəniyyəti Dövlət Muzeyində Xalq artisti Əminə Dilbazinin xatirəsi yad olunub
04.12.2019 18:12
Xətai Sənət Mərkəzində uşaq və yeniyetmələr üçün elan edilən rəsm müsabiqəsi davam edir
04.12.2019 17:39
Azərbaycan Milli Elmlər Akademiyası Milli Azərbaycan Tarixi Muzeyinin 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
04.12.2019 16:30
Mədəniyyət naziri Latviya, İordaniya və İndoneziyanın ölkəmizdəki səfirləri ilə görüşüb
04.12.2019 16:07
Birinci vitse-prezident Mehriban Əliyeva Xalq artisti Əlibaba Məmmədovun evində qonaq olub
04.12.2019 14:23
Xocalı şəhər 1 nömrəli Uşaq Musiqi Məktəbinin 30 illiyi qeyd edildi