Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
773

Qara Qarayevin ev-muzeyində Xalq artisti Firəngiz Əlizadə ilə görüş təşkil edilib

Yanvarın 15-də Azərbaycan Musiqi Mədəniyyəti Dövlət Muzeyinin filialı olan Qara Qarayevin ev-muzeyində Azərbaycan Bəstəkarlar İttifaqının sədri, Xalq artisti Firəngiz Əlizadə ilə görüş keçirilib.

Tədbir Musiqi Mədəniyyəti Dövlət Muzeyinin təşkilatçılığı ilə “Bəstəkarlarla görüş” layihəsi çərçivəsində reallaşıb.

Tədbirdə Musiqi Mədəniyyəti Dövlət Muzeyinin direktoru, Əməkdar mədəniyyət işçisi Alla Bayramova çıxış edərək Firəngiz Əlizadənin Azərbaycan mədəniyyətinə verdiyi dəyərli töhfələrdən söhbət açıb. Bildirib ki, o, bəstəkar, pianoçu, dirijor, musiqişünas, pedaqoq, ictimai xadim kimi beynəlxalq aləmdə böyük nüfuz qazanıb, yaradıcılığı ilə milli mədəniyyətimizi ölkəmizdən kənarda da parlaq şəkildə təmsil edir. Onun böyük mənəvi və əxlaqi keyfiyyətləri özündə təcəssüm etdirən əsərləri mötəbər konsert səhnələrində böyük triumfla səslənir, dünyanın adlı-sanlı ifaçılarının repertuarını bəzəyir.

Firəngiz xanımın yaradıcılığı barədə bu və digər məlumatlar görüş iştirakçıları tərəfindən maraqla qarşılanıb. Qeyd edilib ki, onun “İntizar”, “Sənin adın Dənizdir”, “Ağ atlı oğlan” operaları, “Boş Beşik” və “Stadt Graniza” baletləri, “Habilsayağı”, “Muğamsayağı”, “Oazis”, “Dərviş”, “Abşeron” və müxtəlif ifaçılıq tərkibi üçün instrumental əsərləri, violonçel və orkestr üçün konsertləri, böyük simfonik orkestr üçün "İthaf" və digər əsərləri dünya miqyasında tanınır.

Mədəniyyət naziri Əbülfəs Qarayevin tövsiyəsi ilə bu ildən başlayaraq muzeydə görkəmli bəstəkarlarla silsilə xarakterli görüşlər keçiriləcəyini söyləyən A.Bayramova deyib: “Artıq üç aydan bir qədər çox müddət ərzində fəaliyyət göstərən muzeydə bu silsilədən ilk görüşü Qara Qarayev bəstəkarlıq məktəbinin yetirməsi və layiqli davamçısı, Xalq artisti Firəngiz Əlizadə ilə keçirməyə qərara aldıq”.

Sonra söz qonağa verilib. Keçdiyi ömür yolundan, yaradıcılıq planlarından danışan F.Əlizadə onun həyatında müəllimi, görkəmli bəstəkar Qara Qarayevin mühüm rol oynadığını söyləyib. O deyib: “Qara Qarayevin gənclik illərini keçirdiyi bu ev müqəddəs bir məkandır. Burada böyük bəstəkar sənətə doğru uzanan yolda ilk addımlarını atıb. Belə böyük bir bəstəkardan dərs aldıqları üçün fəxr edən tələbələri, ondan yalnız bəstəkarlıq deyil, mənəviyyat dərsi də alıblar. Qara Qarayev çox təvazökar, ziyalı insan idi. Ölkəmizi dünya miqyasında şərəflə təmsil edən dahi bəstəkar öz tələbələrinin xatirəsində həmişə yaşayacaq”.

Sonra bəstəkarın videoçarx vasitəsilə “Nasimi Passion” əsəri təqdim edilib.

 

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı