Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
303

Qəbələ festivalında Azərbaycanın xalq mahnıları, muğam və təsnifləri səsləndirilib

XI Qəbələ Beynəlxalq Musiqi Festivalının proqramı zəngin və rəngarəngdir. Əvvəlki festivallarda olduğu kimi, bu il də tamaşaçılar muğam ifaçılarının çıxışını böyük səbirsizliklə gözləyirdilər.

Festivalın dördüncü günündə – avqustun 3-də axşam saat 21:00-da Mədəniyyət Mərkəzində tamaşaçılara “Naz-nazı” muğam qrupunun konserti təqdim olunub.

Konsertin əvvəlində məlumat verilib ki, “Naz-nazı” muğam qrupu 2010-cu ildə tanınmış tarzən, Azərbaycan Milli Konservatoriyasının kafedra müdiri, Əməkdar incəsənət xadimi Malik Mansurovun rəhbərliyi ilə yaradılıb. Qrupun üzvləri Milli Konservatoriyanın müəllim və tələbələridir. “Naz-nazı” muğam qrupu Azərbaycan, Rusiya, Qazaxıstan, Türkiyə və digər ölkələrdə keçirilən beynəlxalq tədbirlərin iştirakçısı, həmçinin nüfuzlu beynəlxalq müsabiqələrin qalibidir. Muğam qrupu həm instrumental, həm də vokal bölmələri üzrə çıxışlar edir. Qrupun repertuarında Azərbaycan muğam və xalq mahnıları, həmçinin Malik Mansurov tərəfindən işlənən muğam kompozisiyaları yer alır.

Konsertdə instrumental qrupun ifasında “Şur”, tarzən Nurlan Cəbizadənin ifa etdiyi “Çahargah” kompozisiyaları, xanəndələr Pərviz Qasımovun və Gülnar Qüdrətlinin ifasında “Mirzə Hüseyn” segahı, “Şahnaz” muğamı, “Mahur” təsnifləri və “Qarabağ şikəstəsi” tamaşaçılar tərəfindən alqışlarla qarşılanıb.

İstedadlı gənc muğam ifaçılarını tarda Malik Mansurov, bəm tarda Behrad Bonyadi, kamançada Sevinc Mirzəli, udda Bayram Üzeyirov, qanunda Aynur İsgəndərova, nağarada Ramin Abdullayev, bəm nağarada Şəmsəddin Zərbəliyev müşayiət ediblər.

Festivalın proqramına uyğun olaraq, avqustun 4-də Heydər Əliyev Konqres Mərkəzində kamera konserti, axşam saat 21:00-da isə Mədəniyyət Mərkəzində “Kiyev virtuozları” simfonik orkestrinin çıxışı olacaq.

XƏBƏRLƏR

19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb