Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
601

İtaliyada İkinci Azərbaycan Film Festivalı başlayıb

İyunun 20-də Romanın “Villa Borghese” parkındakı tarixi “Casa del Cinema” kino evində İtaliyada İkinci Azərbaycan Film Festivalının rəsmi açılışı olub.

Heydər Əliyev Fondu, Azərbaycan Respublikasının İtaliyadakı səfirliyi, Azərbaycan Respublikası Mədəniyyət Nazirliyi, Roma şəhər Meriyası, “Casa del Cinema”, “Zetema”, “RAI Cinema” kimi qurumların təşkilatçılığı ilə keçirilən festivalın media tərəfdaşları “Askanews” xəbər agentliyi, AZƏRTAC, AzTV, və “AzerbaijanNews” xəbər portalıdır.

Festivalın rəsmi açılışında İtaliyanın dövlət rəsmiləri, parlament üzvləri, mədəniyyət, incəsənət aləminin tanınmış nümayəndələri, ölkədə akkreditə olunan diplomatik korpusun, kütləvi informasiya vasitələrinin təmsilçiləri, kinosevərlər iştirak ediblər.

"Casa del Cinema" kino evinin “Teatro all’aperto Ettore Scola” açıq səma altında teatrında keçirilən rəsmi açılışda qonaqları salamlayan Azərbaycanın İtaliyadakı səfiri Məmməd Əhmədzadə ölkəmizin kino sənəti tarixindən danışıb, 2017-ci ildə İtaliyada Birinci Azərbaycan Kino Festivalının uğurunu nəzərə alaraq, festivalın yenidən keçirilməsi barədə qərar verildiyini deyib, festivalın keçirilməsinə göstərdiyi dəstəyə görə bütün təşkilatçılara və media tərəfdaşlara təşəkkürünü bildirib.

Tarixi dostluğa və möhkəm əsaslara söykənən Azərbaycan-İtaliya münasibətlərinin strateji tərəfdaşlıq səviyyəsinə yüksəldiyini, mədəniyyət sahəsinin əməkdaşlığımızda xüsusi yerinin olduğunu, bu kimi mədəni tədbirlərin xalqlarımızı bir-birinə daha sıx bağladığını deyən diplomat Azərbaycan mədəniyyətinin İtaliyada tanınmasında və iki ölkə arasında mədəni mübadilələrdə Heydər Əliyev Fondunun əhəmiyyətli rolundan danışıb, festivalın uğurla keçəcəyindən və İtaliyada ölkəmizin tarixi, mədəniyyəti, həqiqətlərinin çatıdırlmasına əlavə töhfə verəcəyindən əmin olduğunu bildirib.

İtaliya Parlamentində Azərbaycanla Parlamentlərarası Dostluq Assosiasiyasının sədri deputat Rossana Boldi Azərbaycanın zəngin mədəni ənənələrə malik olduğunu, ölkəmizdəki multikultural mühitin dünya üçün nümunə olduğunu bildirib. İtaliya və Azərbaycan arasında yaxın tərəfdaşlıq əlaqələrinin mövcudluğunu deyən deputat, mədəniyyət sahəsinin əlaqələrdəki əhəmiyyətindən danışıb və festival çərçivəsində nümayiş etdiriləcək filmlərin italyanların Azərbaycanı daha yaxından tanımasına xidmət edəcəyini deyib.

Roma şəhər Meriyasının mədəni fəaliyyətə məsul qurumu olan “Zetema”nın nümayəndəsi Patrizia Bracci Azərbaycanın Romada belə bir tədbir təşkil etdiyinə görə təşəkkür edib, 2017-ci ildə uğurla keçirilmiş Birinci Film Festivalı çərçivəsində təqdim olunmuş filmlər vasitəsilə italyanların Azərbaycanın zəngin mədəniyyəti və kino sənəti ilə ilk dəfə tanış olduğunu, İkinci Film Festivalının da uğurla keçəcəyinə əminliyini bildirib. Roma şəhərinin və “Casa del Cinema” kino evinin Azərbaycan mədəniyyətinin təqdim edilməsinə hər zaman şad olduğunu və bu xüsusda gələcəkdə digər təşəbbüsləri də dəstəkləməyə hazır olduğunu bildirib.

Festivalın rəsmi açılışından sonra Azərbaycan kinematoqrafiyasının incilərindən olan “Arşın mal alan” (1945-ci il istehsalı) filmi nümayiş olunub.

İyunun 22-dək davam edəcək İtaliyada İkinci Azərbaycan Film Festivalı çərçivəsində, Heydər Əliyev Fondunun dəstəyi ilə çəkilmiş, baş prodüseri Bakı Media Mərkəzinin prezidenti Arzu Əliyeva olan “Son iclas” bədii-sənədli filmi, “Nar Bağı”, “Üçüncü Günün Adamı”, “Təhminə” kimi bədii filmlər nümayiş etdiriləcək.

Festival İtaliya mətbuatının böyük marağına səbəb olub və festivalın başlanmasından bir neçə gün öncə çoxsaylı kütləvi informasiya vasitələrində, o cümlədən “İl Messaggero”, “Askanews”, “Romatoday”, “Agenzia Nova”, “Fashion News Magazine”, “Funweek”, “Agenzia Stampa Italia”, “Estate Romana”, “Notizie Yahoo”, “Notizie Tiscali”, “Giornale Diplmatico”, “Notizie Geopolitiche”, “Consul Press”, “Artista News” və sair kimi populyar qəzet, xəbər agentlikləri və portallarda yazılar dərc olunub.

Festival, eyni zamanda, xüsusi olaraq yaradılmış https://www.facebook.com/cinemaazerbaigiano/

facebook səhifəsi üzərindən də təbliğ olunur.

XƏBƏRLƏR

13.12.2019 14:42
Regionlarda ustad dərsləri davam edir
13.12.2019 10:52
Mədəniyyət Nazirliyi “Gələcək nəsillərə yatırım” mövzusunda 4-cü Ümumdünya Turizm və Mədəniyyət Konfransında təmsil olunur
13.12.2019 08:59
“Doğma diyar” adlı respublika uşaq rəsm müsabiqəsinə qeydiyyat başa çatıb
12.12.2019 17:50
Sumqayıtın mədəniyyət müəssisələrində ulu öndər Heydər Əliyevin anım günü ilə bağlı tədbirlər keçirilib
12.12.2019 17:38
Daşkənddə Ulu öndər Heydər Əliyevin xatirəsi anılıb
12.12.2019 17:36
Xaçmazda “Yaradıcı sənaye və regional inkişaf perspektivləri” mövzusunda görüş keçirilib
12.12.2019 15:53
Ümummilli Liderimiz Heydər Əliyev Azərbaycan mədəniyyətinin və incəsənətinin böyük himayədarı idi
12.12.2019 09:24
Muğam Mərkəzində görkəmli xanəndə Hacıbaba Hüseynovun xatirəsi anılıb
12.12.2019 09:19
"Mirvarid Dilbazi Məclisi"nin növbəti tədbiri Əminə Dilbazinin 100 illiyinə həsr olunacaq
11.12.2019 17:55
Mədəni İrsin Qorunması, İnkişafı və Bərpası üzrə Dövlət Xidməti yeni loqotipinin hazırlanması ilə bağlı müsabiqə elan edir
11.12.2019 17:32
Özbəkistanda “Mən mülki-cahan, cahan mənəm mən!” adlı konsert keçirilib
11.12.2019 16:59
Milli Kitabxanada ulu öndər Heydər Əliyevin xatirəsi yad olundu
11.12.2019 11:55
Xalq teatrlarına dair yeni metodiki vəsaitlər işıq üzü görüb
11.12.2019 11:08
“ÇÖLÇÜ” filminin yeni uğuru
11.12.2019 09:00
Bakıda keçirilən III Eksperimental Teatr Festivalı başa çatıb
11.12.2019 08:54
Kukla Teatrında “O qadın” tamaşası nümayiş olunub
10.12.2019 17:34
“Estrada sənəti” sinfinin inkişafı müzakirə olunub
10.12.2019 17:09
Xalq artisti, kinorejissor Yalçın Əfəndiyev son mənzilə yola salındı
10.12.2019 16:32
"Mən ağacam" tamaşası növbəti dəfə "Yuğ"un səhnəsində
10.12.2019 14:03
"Paris Notr-Dama ithaf" tamaşası növbəti dəfə nümayiş ediləcək
10.12.2019 11:48
Görkəmli kinorejissor, Azərbaycan Respublikasının Xalq artisti, Əməkdar incəsənət xadimi, professor Yalçın Heydər oğlu Əfəndiyev vəfat etmişdir
10.12.2019 11:12
“Haqq mənəm” tamaşası yenidən teatrsevərlərin görüşünə gəlib
10.12.2019 11:05
“Xalça diyarına səyahət” festivalı keçirilmişdir