Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
22.08.2017 14:36
Azərbaycanın turizm imkanlarını özündə əks etdirən videoçarx beynəlxalq səsvermədə iştirak edirBirləşmiş Millətlərin Ümumdünya Turizm Təşkilatının (BMÜTT) rəsmi internet saytında Azərbaycanın turizm imkanlarını özündə əks etdirən videoçarx  beynəlxalq səsvermədə iştirak edir. Bildiririk ki, səsvermədə qalib olan videoçarxa Çin Xalq Respublikasının Chengdu şəhərində keçiriləcək BMÜTT-nin Baş Assambleyasının 22-ci sessiyasında “People's Choice Award” mükafatı veriləcək. Səsvermədə iştiraka dəvət edirik: https://goo.gl/j4rDK2 ..
18.08.2017 17:40
Nazir müavini Nazim Səmədov Expedia şirkətinin nümayəndə heyətini qəbul etmişdir18 avqust 2017-ci il tarixində Azərbaycan Respublikasının Mədəniyyət və Turizm Nazirinin müavini Nazim Səmədov Expedia şirkətinin nümayəndələrini qəbul edib. Ölkəmizdə turizm sahəsində yüksək inkişaf dinamikasını və ölkəmiz dünyada yeni turizm istiqaməti kimi tanınmağa başlaması, beynəlxalq turizm bazarına inteqrasiya olunmasını və bunun nəticəsində xarici qonaqların xüsusən ərəb turistlərinin ölkəmizə səfərlərini nəzərə alaraq  hotel bronlaşması, avia bilet satışı, kruiz gəmilərinin sifarişi, rent a car  və s. xidmətləri göstərən Expedia şirkətinin nümayəndələri ölkəmizlə də əməkdaşlıq etmək niyyətində olduqlarını bildirmişdir. Nazim Səmədov Azərbaycan dövləti turizm sahəsinin inkişafını iqtisadiyyatın qeyri-neft sektoru üzrə prioritet istiqamət elan etməsi, ölkəmizə gələn əcnəbilərə və vətəndaşlığı olmayan şəxslər üçün viza verilməsi prosedurunun sadələşdirilməsi məqsədi ilə yaradılmış Asan Viza Sistemi, eyni zamanda bu sahədə  son illərdə ölkədə turizmin təşviqi ilə bağlı görülən işlər, aparılan islahatlar, qəbul edilən dövlət proqramları, normativ-hüquqi bazanın təkmilləşdirilməsi,  o cümlədən ölkə başçısı tərəfindən təsdiq edilmiş “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi” barəsində məlumat vermişdir. Görüş zamanı qarşılıqlı əməkdaşlıq məsəlləri geniş şəkildə müzakirə olunmuşdur. ..
15.08.2017 16:37
Nazir müavini Nazim Səmədov ilə Koreya Respublikasının nümayəndə heyəti arasında görüş keçirildi2017-ci ilin 15 avqust tarixində mədəniyyət və turizm nazirinin müavini, Azərbaycan Respublikası Hökuməti və Koreya Respublikası Hökuməti arasında iqtisadi əməkdaşlıq üzrə Birgə Komissiyanın üzvü Nazim Səmədov ilə Koreya nümayəndə heyəti arasında görüş keçirildi. Nümayəndə heyətinin tərkibinə Bakıda keçirilən 41-ci Dünya Skaut Konfransında, həmçinin Azərbaycan Respublikası və Koreya Respublikası arasında diplomatik əlaqələrin qurulmasının 25 illiyi münasibətilə təşkil olunacaq tədbirlərdə iştirak məqsədilə ölkəmizdə səfərdə olan Koreya Respublikası Milli Assambleyasının nümayəndələri Lee Ju-young, Kim Seang-tae, Kim Sung-chan, Park Kyung-mee, Milli Assambleyanın Baş direktoru Cho Yong-tak və direktoru Kim Mi-hyun, “Step” fondunun direktoru Do Young-sin və Koreya Respublikasının Azərbaycan Respublikasındakı Səfirliyinin nümayəndələri daxil idi. Görüşdə Azərbaycan Respublikası və Koreya Respublikası arasında ikitərəfli və çoxtərəfli platformalarda mədəniyyət və turizm sahələri üzrə əməkdaşlığın mövcud vəziyyəti və gələcək perspektivlərinə dair fikir mübadiləsi aparıldı. Görüş iştirakçıları hər iki ölkənin zəngin turizm potensialından istifadə edərək qarşılıqlı turist axının, o cümlədən xalqlararası məlumatlılığın və anlaşmanın təşviqi məqsədilə birgə addımlar atılmasının əhəmiyyətini qeyd etdilər. İki ölkə arasında diplomatik əlaqələrin 25 illiyi münasibətilə Nazirliyin təşkilati dəstəyi ilə keçiriləcək tədbirlər, o cümlədən cari ilin 17 sentyabr tarixində Heydər Əliyev Sarayında Azərbaycan və Koreya nümayəndələrinin iştirakı ilə təşkil olunacaq sərgi, taekvando yarışı, milli mətbəxin təqdimatı və musiqili proqram barədə məlumat verildi və Azərbaycan tərəfi sözügedən tədbirlərdə iştiraka dəvət olundu. Həmçinin Koreya tərəfi növbəti Dünya Skaut Konfransının 2023-cü ildə məhz Koreyada keçirilməsi məqsədilə seçimlər zamanı Azərbaycan tərəfindən dəstək göstərilməsini xahiş etdi. ..
15.08.2017 12:24
Nazir müavini Nazim Səmədov İranın nümayəndə heyəti ilə görüşüb2017-ci il 14 avqust tarixində mədəniyyət və turizm nazirinin müavini Nazim Səmədov İranın Turlar və Avtomobil Nəqliyyatı Təşkilatının prezidenti cənab Morteza Hacının başçılıq etdiyi nümayəndə heyəti ilə görüşüb. İranın nümayəndə heyəti İran İslam Respublikasının Azərbaycandakı səfirliyinin ticarət attaşesi Məhəmməd İbrahimi və digər nümayəndələrdən ibarət olmuşdur. Görüş zamanı hər iki ölkədə turizm təqdimatlarının keçirilməsi, turizm sahəsində əməkdaşlığın genişləndirilməsi məqsədilə Bakı və Təbriz arasında avtomobil yarışlarının təşkili, sərhəd keçmə prosedurlarının asanlaşdırılması, sağlamlıq turizmi sahəsində əməkdaşlıq və digər məsələlər müzakirə edilmişdir. Qeyd etmək lazımdır ki, Turlar və Avtomobil Nəqliyyatı Təşkilatı İran İslam Respublikasında avtomobil nəqliyyatı ilə səyahətlərin təşkilinə və nəqliyyat vasitələrinə müvafiq icazələrin rəsmiləşdirilməsinə cavabdeh qurumdur. ..
15.08.2017 11:31
Azərbaycan viza prosedurları sadələşdirilmiş ölkələr arasında ilk beşliyə daxil oldu.Azərbaycan  viza prosedurlarını sadələşdirilmiş ölkələr üzrə birinci yerdədir. Bu məqalə Britaniyanın “Wanderlust” jurnalında qeyd edilmişdir. Jurnalda elektron viza verilməsi sisteminə keçdikdən sonra  Azərbaycanda viza verilməsi vaxtına  və ödənişinə xeyli qənayət edildiyi qeyd edilmişdir. Nəşrdə hökumət tərəfindən görülən tədbirlərdən sonra, vizaların verilməsi prosesi çox asanlaşdırıldığı  və vizanın verilməsi prosesi yalnız bir neçə gün çəkdiyi qeyd edilmişdir. Sadələşdirilmiş viza prosedurları üzrə beşliyə daxil olan ölkələr aşağıdakı  kimidir. I yer - Azərbaycan; II yer - Kamboca; III yer - Şri Lanka; IV yer - Tacikistan; V yer - Vyetnam. ..
11.08.2017 17:05
Azərbaycan və Türkiyə arasında turizm əlaqələrinin genişləndirilməsi daim diqqət mərkəzindədirCari ilin 10 avqust tarixində Azərbaycan mədəniyyət və turizm nazirinin müavini Nazim Səmədovun iştirakı ilə Türkiyənin Mehmanxana Menecerləri Assosiasiyasının prezidenti Ali Can Aksunun başçılıq etdiyi nümayəndə heyəti, eləcə də Türkiyə və Azərbaycan İş Adamları və Sənayeçilər İctimai Birliyinin idarə heyətinin sədri Ali İhsan Genç, Türkiyə Respublikasının Azərbaycandakı Səfirliyinin mədəniyyət və tanıtma müşaviri Dr. İrfan Çifçi arasında görüş keçirildi. Məhsuldar keçən görüşdə Türkiyə və Azərbaycan arasındakı turizm sahəsində əməkdaşlığın genişləndirilməsi, qardaş Türkiyənin turizm sahəsində əldə etdiyi zəngin təcrübəsinin bölüşməsi mövzuları yer aldı. Nazir müavini Azərbaycan Azərbaycanda turizmin mövcud inkişaf perspektivləri barədə məlumat verdi. Türkiyənin Mehmanxana Menecerləri Assosasiyasının prezidenti Ali Can Aksu fəaliyyətləri haqqında bilgi verdi, qonaqpərvərlik biznesi sahəsində əldə etdikləri təcrübənin Azərbaycan turizm sahəsində çalışan iş adamları ilə bölüşməyə hər zaman hazır olduğunu bildirdi. Mehmanxana biznesinin Azərbaycanda inkişaf perspektivləri, qonaqpərvərlik sahəsində təlimlərin keçirilməsi, mehmanxana menecerlərinin təcrübə mübadiləsinə cəlb olunması və qonaqpərvərlik sahəsinə investisiyanın eləcə də 2-3 ulduzlu mehmanxana brendlərinin Azərbaycana cəlb olunması istiqamətində fikir mübadiləsi aparıldı. Görüşün nəticəsində Mədəniyyət və Turizm Nazirliyi  və Assosiasiya arasındakı birgə fəaliyyət planının hazırlanmasına dair razılıq əldə olundu. ..
01.08.2017 13:53
Cari ilin birinci yarısında Azərbaycana gələn əcnəbilər tərəfindən həyata keçirilən nağdsız ödənişlərin həcmi artmışdırSon dövrlər qeyr-neft sektorunun inkişafı çərçivəsində turizmə yönəlmiş məqsədyönlü tədbirlər nəticəsində bu sahənin intensiv inkişafı üçün geniş imkanlar yaranmışdır. Həyata keçirilən tədbirlər nəticəsində ölkəmizdə turizmin müxtəlif növləri inkişaf etmiş, həmçinin Azərbaycana gələn əcnəbilərin sayında və uyğun olaraq onların nağdsız ödənişlərinin həcmində  artım müşahidə olunmuşdur. Mərkəzi Bankın məlumatına əsasən, 2017-ci ilin ilk altı ayı ərzində Azərbaycana gələn xarici vətəndaşların bank kartları üzrə əməliyyatları ötən ilin müvafiq dövrü ilə müqayisədə 93% artaraq 507 450 635 manat təşkil etmişdir. Qeyd edirik ki, 2016-cı ilin birinci yarısında Azərbaycana gələn xarici vətəndaşların bank kartları üzrə əməliyyatları 263 427 544 manat, il ərzində isə 602 288 119 manat olmuşdur. Məlumat üçün bildiririk ki, yuxarıda qeyd olunan məbləği ölkəmizə gələn əcnəbilərin Azərbaycanda bank kartları vasitəsilə etdiyi ödənişlər təşkil edir, onların səfərdən qabaq və ölkə daxilində nağd ödənişləri bu məbləğə daxil deyildir. Həmçinin qeyd edirik ki, Dünya Səyahət və Turizm Şurasının (WTTC) məlumatına əsasən Azərbaycan üzrə 2016-cı ildə turizm xidmətlərinin ixracının ümumi dövriyyəsi 2,8 milyard ABŞ dolları olmuşdur. ..
25.07.2017 11:27
ATMU tələbələri Türkiyədə ”Mədəni körpülər” yay məktəbində olublar     Azərbaycan Turizm və Menecment Universitetinin “Turizm və qonaqpərvərlik” ixtisası üzrə təhsil alan tələbələrindən 2 nəfəri  03-17 iyul 2017-ci il tarixlərində Türkiyə Respublikasının Ərzurum şəhərindəki Atatürk Universitetinin təşkilatçılığı ilə qardaş ölkədə - “ Mədəni körpülər” adlı yay məktəbində olublar. Adıçəkilən yay məktəbində dünyanın 25- dən çox ölkəsinin təmsilçi-tələbələrinə turizm, marketinq, menecment, sosiologiya və mədəniyyətşünaslığa dair seminarlar keçirilib. Universitetdən verilən məlumata görə son 7 il ərzində  ATMU tələbələrindən 14 nəfəri yay məktəbinin fəaliyyətindən faydalana bilib.  Proqram çərçivəsində ”Mədəni körpülər” in iştirakçıları üçün Türkiyə Respublikasının müxtəlif şəhərlərinə tanışlıq - səfər turları təşkil olunub.   ..
21.07.2017 15:56
ATMU-da Elmi Şuranın tədris ili üzrə yekun iclası keçirilib Azərbaycan Turizm və Menecment Universitetində (ATMU) Elmi Şuranın “2016/2017-ci tədris ilinin yekunlarına və yeni- 2017/2018-ci tədris ilinə hazırlığın vəziyyəti”nə həsr edilən yekun iclası olub. ATMU-da rektor səlahiyyətlərini icra edən s.ü.f.d., dos. Eldar Aslanov iclasın gündəliyindəki aktual məruzələr üzrə struktur rəhbərlərinin hesabat-çıxışları ilə bərabər, cari məsələlərin də  nəzərdə tutulduğunu deyib. “Azərbaycan Respublikasında ixtisaslaşmış turizm sənayesinin inkişafına dair Strateji Yol Xəritəsi“ndə ixtisaslı və keyfiyyətli mütəxəssis ordusu formalaşdırmaq tələbini strateji hədəf kimi dəyərləndirən ATMU kollektivini daha çevik və səmərəli fəaliyyət göstərməyə çağırıb. Rektor əvəzi qeyd edib ki, son illər qeyri-neft sektorunun prioritet istiqamətlərindən olan turizm sənayesində uğurla həyata keçirilən məqsədyönlü tədbirlər nəticəsində Azərbaycanda bu sahənin inkişafı üçün münbit şərait yaradılıb və milli turizm kompleksinin rəqabətə davamlılığı nəzərəçarpacaq dərəcədə yüksəldilib. Prezident İlham Əliyevin “Azərbaycan Respublikasında turizmin inkişafı ilə bağlı əlavə tədbirlər haqqında” 2016-cı il 1 sentyabr, Nazirlər Kabinetinin 2016-cı il 9 sentyabr tarixli sərəncamlarının müvafiq bəndlərində turizm və rekreasiya zonalarında Azərbaycan Turizm və Menecment Universitetinin (ATMU) nəzdində turizm üzrə ilk peşə-ixtisas təhsili müəssisələri (peşə məktəbləri və peşə liseyləri) yaradılması məqsədilə müvafiq torpaq sahəsinin və əmlakının ayrılması üzrə tədbirlərin görülməsi nəzərdə tutulub. Məhz həmin sərəncamların icrasına uyğun olaraq “Şahdağ” Turizm Mərkəzi” Qapalı Səhmdar Cəmiyyətinin ərazisində fəaliyyət göstərən, dövlətə məxsus “Zirvə” otelinin bazasında ATMU-nun nəzdində yaradılan Şahdağ Regional Turizm Peşə Məktəbinə 2017/2018-ci tədris ili üzrə ilk şagird qəbulu prosesinə başlanılıb. Şahdağ RTPM-də mehmanxana qeydiyyatçısı, ofisiant-barmen, dağ-xizək turizm növü üzrə təlimatçı, qənnadçı-şirniyyatçı və təmizlik departamentinin işçisi ixtisasları üzrə 250 şagird təhsil alacaq. E.Aslanov daha sonra bildirib ki,2011/2012-ci tədris ilindən ATMU-da doktorant/dissertant hazırlığına başlanılıb. Bu müddət ərzində ümumilikdə 53 nəfər doktarant-dissertantdan 5 nəfəri elmi işini uğurla müdafiə edib. “Biznes idarəçiliyi” fakültəsinin dekan müavini Anar Mirzəyev isə turizmin iqtisadi roluna həsr edilmiş elmi işinin uğurlu müdafiəsinə görə Ali Attestasiya Komissiyasının (AAK)  müvafiq qərarı ilə iqtisad elmləri üzrə fəlsəfə doktoru alimlik dərəcəsi diplomunu alan ATMU-nun ilk doktarantı olub. Universitetin daha 8 nəfər doktarant-dissertantı elmi müzakirələrdən uğurla keçərək, müdafiəyə buraxılıblar.  Həmçinin bu günlərdə ATMU-nun üç alimi dosent adını alıb və bu barədə müvafiq sənəd onlara AAK tərəfindən təqdim olunub.        ATMU-nun İnkişaf üzrə prorektoru, professor İranə Əliyeva,“Keyfiyyət təminatı“ şöbəsinin müdiri Nərminə Abdullayeva, “Beynəlxalq əlaqələr” şöbəsinin müdiri Orxan Musa və müvafiq struktur rəhbərləri “2016-2017-ci tədris ilinin yekunları və yeni tədris ilinə hazırlığın vəziyyəti” ilə bağlı çıxışlarında qeyd ediblər ki, universitetdə yekun dövlət imtahanı, buraxılış işlərinin və magistrlik dissertasiyalarının müdafiəsi uğurla başa çatdırılıb. 2010 –cu ildən 2017-ci ilədək universiteti 2 min 111 nəfər, onlardan 143 nəfəri magistr pilləsini bitirib. Cari ildə bu ali təhsil müəssisəsində 11 ixtisas üzrə 297 nəfər bakalavr pilləsinin məzunu adını qazanıb. Onlardan 43 nəfəri buraxılış işi müdafiə edib. Təhsili başa vuran 333  nəfərdən 36-ı magistr pilləsi üzrə, o cümlədən son10 il ərzində171 nəfər məzun həm milli, həm də Azərbaycan-Avstriya Turizm Proqramı (AATP) çərçivəsində ikili diploma sahiblənib. Bu ilki məzunlarımızdan bakalavr pilləsini bitirən 297 nəfərdən 74-ü Avropanın, Amerikanın,Türkiyənin və ölkəmizin nüfuzlu universitetlərində müvafiq ixtisaslar üzrə magistr pilləsində təhsil alacaqlar. Bu günlərdə ATMU-ya qəbul olunan 83 nəfər magistr qeydiyyatdan keçib. ATMU Elmi Şurasının yekun iclasında “2016-2017-ci tədris ilinin yekunları və 2017-2018-ci yeni tədris ilinə hazırlığın vəziyyəti” qənaətbəxş hesab edildi.Qərara alındı ki, müəllimlərin qiymətləndirmə bacarığı yüksəldilsin. Cari ilin avqust ayı ərzində fənn müəllimlərinin təkmilləşdirilməsi ilə bağlı müvafiq fakültə dekanları tərəfindən tədbirlər planı işlənib hazırlansın. O cümlədən Elmi Şuranın tədris ili üzrə yekun iclasında “Azərbaycan Turizm və Menecment Universiteti tələbələrinin təhsil almaq üçün xarici ölkələrə göndərilməsi və xarici ölkə vətəndaşlarının Azərbaycan Turizm və Menecment Universitetində təhsil almaları haqqında” Əsasnamə təsdiq edildi və müvafiq qəbul komissiyasının tərkibi təsdiqləndi. ..