Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
250

Qobustan qoruğunda "Avropa İrs Günləri" qeyd olunub

Sentyabrın 19-da Mədəniyyət Nazirliyi yanında Mədəni İrisin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən qoruqlarda "Avropa İrs Günləri" layihəsinə həsr olunmuş tədbirin ilk günü keçirilib.

Layihə çərçivəsində qoruqlarda “açıq qapı” günü təşkil olunub.

Qobustan Milli Tarix-Bədii Qoruğunda keçirilən mərasimdə çıxış edən qoruğun direktoru Vüqar İsayev tədbir haqqında geniş məlumat verib. Bildirib ki, Avropa Şurasının və Avropa İttifaqının birgə layihəsi olan Avropa İrs Günləri hər ilin sentyabr ayının sonlarında qeyd olunur. Rəsmi açılışlar, maarifləndirici kampaniyalar, “açıq qapı” günləri, folklor gecələri və etnoqrafik şənliklər formasında keçirilən tədbirlər Avropa sakinlərinin iştirak etdiyi ən irimiqyaslı mədəniyyət hadisəsi hesab olunur. Layihənin əsas məqsədi yerli və əcnəbi ziyarətçilərin mədəni irs obyektlərinə sərbəst girişini təmin etmək, tarix və mədəniyyət abidələrinin qorunması məsələlərinə geniş ictimaiyyətin diqqətini cəlb etmək və milli mədəni irsi təbliğ etməkdir.

Hər il Qobustana marağın daha da artdığını deyən Vüqar İsayev vurğulayıb ki, qoruğa gələn turistlərin sayı ilbəil artmaqdadır. Onun sözlərinə görə, qoruğa ən çox Asiya ölkələrindən üz tuturlar: “Ziyarətçilərin sayını artırmaq üçün qoruqda daim tədbirlər təşkil olunur. Qobustan daima özünün təbliğatını aparır. Həmin tanıtım yönümlü işlərdən də biri, bu ilin oktyabrın 9-da UNESCO-nun təsis etdiyi qayaüstü təsvirlər günündə baş tutacaq. Portuqaliyanın Foskua qoruğunda Qobustanın sərgisi təşkil olunacaq”.

Tədbirdə çıxış edən Maltanın UNESCO üzrə Milli Komissiyasının sədri Raymond Bondin Azərbaycan mədəni irs nümunələri haqqında dərin təəssürata malik olduğunu vurğulayıb. Qeyd edib ki,  Azərbaycanda UNESCO-nun Dünya Mədəni İrs Siyahısına salınması vacib olan xeyli sayda abidələr var.

Tədbirdə məşhur opera müğənnisi Placido Dominqo tərəfindən başladılan və Bethovenin müəllifi olduğu Avropa Birliyinin himninin mədəni irs abidələrində ifa olunması məqsədini daşıyan hərəkata uyğun olaraq Beynəlxalq Muğam Mərkəzi ilə birlikdə “Buta” instrumental ansamblı tərəfindən orijinal və yeni versiyada təqdim olunub.

Sonra uşaqlar üçün rəssamlıq üzrə təşkil olunan ustad dərsləri Xalq rəssamı Arif Hüseynovun təqdimatında keçirildi. İştirakçılara sertifikatlar təqdim edilib.

Xüsusi qayğıya ehtiyacı olan fiziki məhdudiyyətli yaradıcı uşaq və gənclərin əl işlərindən ibarət sərgi – satış təşkil olunub.

Sonda “Kadr arxasında Qobustan” adlı mini-tur keçirilib. “Kadr arxasında Qobustan” turları ilə ziyarətçilər Qobustanın ekskursiya marşrutlarından kənarda- “kadr arxasında” qalan, “Axırıncı aşırım”, “Yeddi oğul istərəm”, “Dədə Qorqud”, “Qanlı zəmi” və digər onlarla məşhur filmlərin çəkildiyi məkanlar və ərazidə yerləşən abidələrlə tanış ola bilərlər. Yeni turların məqsədi filmlərin çəkildiyi məkanlara səfərlər təşkil etməklə həmin məkanları və ərazidə yerləşən abidələri ictimaiyyətə fərqli formada təqdim etməkdir.

Qeyd edək ki, hər il ölkəmizin müxtəlif regionlarında keçirilən tədbirlər bu il Qobustan Milli Tarix-Bədii Qoruğu, “Keşikçidağ” Dövlət Tarix-Mədəniyyət Qoruğu, “Avey” Dövlət Tarix-Mədəniyyət Qoruğu, Gəncə Dövlət Tarix-Mədəniyyət Qoruğu, Qəbələ Dövlət Tarix-Bədii Qoruğu, Zaqatala Tarix-Mədəniyyət Qoruğu və Quba şəhərində “Soyqırım memorial kompleksi”nidə də geniş qeyd olunur.

XƏBƏRLƏR

14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib
12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi
10.10.2019 09:14
XI Beynəlxalq Uşaq Muğam Festivalının qalibləri mükafatlandırılıb
09.10.2019 18:06
Mədəniyyət kanalı ilə əməkdaşlıq çərçivəsində yeni layihə