Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
616

“Azərbaycan milli nəfəs alətlərinin təbliği və tədqiqi” mövzusunda elmi-praktik konfrans keçirilib

Beynəlxalq Muğam Mərkəzində milli nəfəs alətləri festivalı keçirilib. Festival Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi (MEMİM), AMEA-nın Folklor İnstitutu, Beynəlxalq Muğam Mərkəzi və Milli Konservatoriyanın təşkilatçılığı ilə reallaşıb. Festival “Mədəniyyət” kanalının layihəsi əsasında gerçəkləşib.

Festival çərçivəsində Beynəlxalq Muğam Mərkəzində “Azərbaycan milli nəfəs alətlərinin təbliği və tədqiqi” mövzusunda elmi-praktik konfrans keçirilib.

Konfransın açılış mərasimində çıxış edən Beynəlxalq Muğam Mərkəzinin direktoru, Xalq artisti Murad Hüseynov qeyd edib ki, milli musiqi alətləri nümunələrinin UNESKO-nun siyahısına salınması, xarici ölkələrdə keçirilən festival və müsabiqələrdə bu alətlərin ifa edilməsi ümumilikdə dövlətin bu irsə diqqət və qayğısının göstəricisidir. Qeyd edib ki, Heydər Əliyev Fondunun prezidenti Mehriban xanım Əliyevanın milli musiqi irsimizin tanıdılmasında mühüm xidmətləri var. Fondun təşəbbüsü ilə beynəlxalq səviyyədə həyata keçirilən layihələr musiqimizin inkişafı və təbliği yolunda böyük əhəmiyyətə malikdir.

“Mədəniyyət” kanalının direktoru, Əməkdar artist Ramil Qasımov çıxış edərək bildirib ki, milli çalğı alətləri musiqi mədəniyyətimizin mühüm göstəricilərindən biridir. Bu günə kimi milli nəfəs alətlərinin tədqiqatı sahəsində mühüm işlər görülüb, musiqi tarixinin qədim və maraqlı səhifələri aşkara çıxarılıb. Bu çalğı alətlərini yaşatmaq, onları insanlara sevdirmək, gələcək nəsillərə çatdırmaq vacibdir. “Mədəniyyət” kanalı milli musiqimizin təbliğatını diqqətdə saxlayır və bu layihə də görülən işlərin davamıdır.

Azərbaycan Milli Konservatoriyasının rektoru, Xalq artisti Siyavuş Kərimi vurğulayıb ki, Azərbaycan musiqi mədəniyyəti çox zəngin tarixə malikdir. Sovet dövründə milli nəfəs alətlərimiz kölgədə qalsa da, bu gün bu sahədə böyük işlər görülür. Konservatoriyada milli nəfəs alətlərinin tədrisi diqqətdə saxlanılır. Hazırda bu sahədə peşəkar ifaçılar yetişir.

MEMİM-in direktoru Asif Usubəliyev festivalın əhəmiyyətini yüksək qiymətləndirib. Bildirib ki, milli nəfəs alətlərinin tədrisi ilə bağlı yeni metodlar müəyyən edilməli, bu alətlərin gənclər arasında populyarlaşdırılmasına nail olunmalıdır. Bu sahənin mənbəşünaslığı ilə məşğul olaraq daha geniş təbliğatına ehtiyac var.

Daha sonra mövzu üzrə məruzələr dinlənilib. Sənətşünaslıq üzrə fəlsəfə doktoru, Əməkdar incəsənət xadimi Sürəyya Ağayeva “Orta əsr musiqisində milli nəfəs alətlərinin tədqiqi”, professor Abbasqulu Nəcəfzadə “Milli nəfəs alətlərinin inkişaf və perspektivləri”, AMK-nın baş müəllimi Mahirə Ələkbərqızı “Milli nəfəs alətlərinin ustadları”, sənətşünaslıq üzrə fəlsəfə doktoru Rauf Bəhmənli “Milli nəfəs alətlərində xalq rəqslərimizin ifa xüsusiyyətləri”, sənətşünaslıq üzrə fəlsəfə doktoru İlham Nəcəfov “Azərbaycan milli nəfəs alətlərinin ali təhsil ocaqlarında tədrisi” mövzusunda məruzə edilər.

XƏBƏRLƏR

14.11.2019 14:28
Mərkəzi İncəsənət məktəbində “Uşaqlar gələcəyimizdir!” adlı tədbir keçirilib
14.11.2019 09:09
Polşanın Lodz şəhərində Azərbaycan cizgi filmləri nümayiş olunub
14.11.2019 09:07
“Haqq mənəm” tamaşasının premyerası olacaq
13.11.2019 16:52
Prezident İlham Əliyev İranın Mədəniyyət və İslami Əlaqələr Təşkilatının sədrinin başçılıq etdiyi nümayəndə heyətini qəbul edib
13.11.2019 15:33
Mədəniyyət sahəsinin könüllüləri sırasına Azərbaycan Turizm və Menecment Universiteti də qoşulub
13.11.2019 15:29
Özbəkistanın Urgənc şəhərində Azərbaycan milli rəqslərinin təqdimatı keçirilib
13.11.2019 12:25
Milli Kitabxanada əlillər gününə aid sərgi açılıb
13.11.2019 11:22
Bakıda tanınmış bolqarıstanlı fotoqrafın sərgisi açılıb
13.11.2019 10:04
Azərbaycan komandası “Liqa smexa” mövsümünün ən yaxşı nömrəsinə görə kubok qazanıb
13.11.2019 09:03
Bakıda “Muzeylər, tekstil kolleksiyaları və qarşılıqlı əməkdaşlıq perspektivləri” mövzusunda konfrans təşkil ediləcək
12.11.2019 15:35
Bakıda VI “Alüminium” Beynəlxalq Müasir İncəsənət Biennalesi keçiriləcəkdir
12.11.2019 14:13
UNESKO-nun 40-cı Baş Konfransı işə başlayıb
12.11.2019 09:24
Almatıda Azərbaycan mədəniyyəti və ənənələri günü keçirilib
12.11.2019 09:21
Qədim Xivə şəhərində Azərbaycan-Özbəkistan dostluğuna həsr olunan tədbir keçirilib
12.11.2019 09:12
Musiqili Teatrda mövsümün ilk premyerası – “Paris Notr-Dama ithaf”
12.11.2019 09:08
Azərbaycan-Özbəkistan dostluğuna aid sənədli film nümayiş etdirilib
12.11.2019 09:05
“Müəmmalı bir qətlin üç versiyası” növbəti dəfə “Yuğ” Teatrında
12.11.2019 09:02
“Müqəddəs Azərbaycan bayrağı” adlı musiqili ədəbi-bədii gecə təşkil edilib