Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1979

Almaniyada İmaddədin Nəsiminin 650 illiyi ilə bağlı tədbir keçirilib

Azərbaycan dünyanın ən nüfuzlu kitab sərgisi olan 71-ci Frankfurt Beynəlxalq Kitab Sərgisində milli stendlə iştirakını davam etdirir.

Ölkəmizin zəngin mədəniyyətinin, sürətli inkişafının və eyni zamanda Qarabağ həqiqətlərinin təbliğ olunduğu milli stenddə gün ərzində Şərq-Qərb nəşriyyatı ilə Türkiyə, İngiltərə, Macarıstan, Qazaxıstan, Ukrayna, Çin və digər dövlətlərin bir çox nəşriyyat və kitab işi ilə məşğul olan şirkətləri arasında çoxsaylı işgüzar görüşlər keçirilir.

17 oktyabr 2019-cu il tarixində sərgi çərçivəsində Azərbaycan Respublikası Prezidentinin “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” 2018-ci il 15 noyabr tarixli Sərəncamının icrası ilə əlaqədar Azərbaycan Respublikasının Mədəniyyət Nazirliyi, Azərbaycanın Respublikasının Almaniyadakı Səfirliyi və Avropa Mədəniyyətlərarası Əməkdaşlıq Forumunun birgə təşkilatçılığı ilə milli pavilyonda “Məndə sığar iki cahan-mən bu cahana sığmazam” adlı ədəbi-bədii tədbir baş tutub.

Tədbirin aparıcısı - Avropa Mədəniyyətlərarası Əməkdaşlıq Formunun sədri, Alman-Azərbaycan Formunun Mədəniyyət şöbəsinin rəhbəri Samirə Patzer-İsmailova qonaqları salamladıqdan sonra çıxış üçün sözü Azərbaycan Respublikasının Mədəniyyət nazirinin birinci müavini Vaqif Əliyevə verdi. Vaqif Əliyev öz çıxışında Nəsimi şəxsiyyətinin, yaradıcılığının ölkənin daxilində və xaricində təbliğinin vacibliyindən, “Nəsimi ili” çərçivəsində keçirilən çoxsaylı tədbirlərdən bəhs etdi. O bildirdi ki, Nəsimi irsinin Azərbaycan xalqının mənəviyyat xəzinəsində layiqli yerini tutması ötən əsrin 70-ci illərində öz geniş fəaliyyəti sayəsində tarixi-mədəni dəyərlərimizə münasibətdə əsaslı dönüş yaratmış ümummilli lider Heydər Əliyevin adı ilə bilavasitə bağlıdır. Ulu öndərin təşəbbüsü ilə Azərbaycan ədəbiyyatının görkəmli nümayəndələrindən ilk dəfə məhz Nəsiminin 600 illik yubileyi YUNESKO-nun tədbirləri siyahısına daxil edilib və 1973-cü ildə beynəlxalq miqyasda qeyd olunub. Həmçinin Azərbaycan ədəbiyyatı və incəsənətində Nəsiminin yaddaqalan obrazı yaradılıb, Bakının mərkəzində şairin əzəmətli heykəli ucaldılıb. Nəsimi irsinə bu qayğı Azərbaycan Respublikasının Prezidenti cənab İlham Əliyev tərəfindən də davam etdirilib. Cənab Prezidentin “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” 15 noyabr 2018-ci il tarixli və “Azərbaycan Respublikasında 2019-cu ilin “Nəsimi ili” elan edilməsi haqqında” 11 yanvar 2019-cu il tarixli sərəncamlarına əsasən bu il Azərbaycanda, hətta onun hüdudlarından kənarda da Nəsiminin 650 illik yubileyi təntənəli şəkildə qeyd edilməkdədir, onun zəngin irsi bir az da dərindən araşdırılaraq, dünyada təbliğ olunur, gələcək nəsillərə çatdırılır.

Ardınca Azərbaycan Milli Kitabxanasının direktoru Kərim Tahirov, Alman-Azərbaycan Forumunun sədr müavini Helqa Daub, Berlin Humbold Universitetinin Azərbaycan tarixi kafedrasının rəhbəri professor Eva Maria Aux, Almaniyada Nəsimi yaradıcılığının tədqiqatçısı Dr. Mixael Hess, alman şairi Raynxard Moritsen, Alman - Azərbaycan Ziyalılar Birliyinin sədri Dr. Naibə Şirinova və yazıçı Orxan Aras çıxış etdilər.

Tədbirin sonunda İmaddədin Nəsimi ilə bağlı cari ildə nəşr olunan kitablar qonaqlara təqdim edildi.

Qeyd edək ki, 71-ci Frankfurt Beynəlxalq Kitab Sərgisi oktyabrın 20-dək davam edəcək.

XƏBƏRLƏR

04.12.2020 15:12
Anar Kərimov Venesuelanın Azərbaycandakı səfiri ilə görüşüb
03.12.2020 18:08
Vətən müharibəsində Qələbəyə həsr olunmuş yeni musiqi əsərləri yaranacaq
02.12.2020 11:10
UNESCO-ya müraciət etmiş rusiyalı mədəniyyət xadimlərinə məktub göndərilib
02.12.2020 10:57
Azərbaycan Respublikası Prezidentinin “Bakı Prosesi” qlobal təşəbbüsünün 12 ili tamam olur
01.12.2020 17:41
Fransa Respublikasının mükafatlarını almış Azərbaycanın elm və mədəniyyət xadimləri Fransanın qərəzli mövqeyinə etiraz ediblər
01.12.2020 15:02
Azərbaycanla Özbəkistan arasında film sənayesində əməkdaşlıq müzakirə olunub
01.12.2020 09:54
Ermənistan tərəfindən Azərbaycanın mədəni irsinin məhv edilməsinə yönəlmiş əməllər ümumbəşər mədəniyyətinə qarşı təcavüz kimi qiymətləndirilməlidir
27.11.2020 11:47
Azərbaycan ilə Meksika arasında mədəniyyət sahəsində əməkdaşlıq məsələləri müzakirə edilib
27.11.2020 11:06
Anar Kərimov ICESCO-nun “Bəşər sivilizasiyasının qurulmasında və sülh dəyərlərinin yayılmasında İslam incəsənətinin rolu” mövzusunda beynəlxalq onlayn vebinarda çıxış edib
25.11.2020 16:41
Müvəqqəti komendantlıqlar üzrə Mədəniyyət Nazirliyinin fəaliyyəti ilə bağlı Koordinasiya qrupunun iclası keçirildi
25.11.2020 10:09
Əjdər Qüdrət oğlu Həmidov
25.11.2020 09:54
Azərbaycan Respublikasının işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahının yaradılması haqqında Azərbaycan Respublikası Prezidentinin Sərəncamı
24.11.2020 17:53
Anar Kərimov ilə BMT-nin Sivilizasiyalar Alyansı üzrə ali nümayəndəsi Migel Angel Moratinos arasında onlayn görüş keçirildi
24.11.2020 12:45
Harvard İncəsənət Muzeyləri ilə əməkdaşlıq davam edir
23.11.2020 18:05
UNESCO və ISESCO-ya işğaldan azad olunmuş ərazilərdə aparılan ilkin monitorinqin nəticələri təqdim edilib
23.11.2020 16:48
V Buktreyler Festivalı qaliblərinin mükafatlandırılması mərasimi keçirildi
23.11.2020 15:44
Mədəniyyət Nazirliyi Fransanın tanınmış mədəniyyət xadimlərini dürüst olmağa və qərəzsiz mövqe tutmağa çağırır
23.11.2020 14:50
“Qarabağ mədəniyyətimizin beşiyi” layihəsinin növbəti təqdimatı Üzeyir Hacıbəylinin Şuşadakı ev-muzeyinə həsr edilib
23.11.2020 10:11
Anar Kərimov AZƏRTAC-a müsahibə verib
20.11.2020 15:32
Mədəniyyət Nazirliyində Yunus Əmrə İnstitutunun rəhbəri ilə görüş keçirildi
20.11.2020 12:22
Anar Kərimov ICESCO-nun baş direktoru ilə onlayn görüş keçirdi
19.11.2020 14:31
Azərbaycan Respublikasının Mədəniyyət Nazirliyi Metropolitan İncəsənət Muzeyinin qərəzli mövqeyinə etiraz edir
19.11.2020 11:10
Anar Kərimov İsrailin Azərbaycandakı səfiri ilə görüşdü
19.11.2020 11:05
MDB iştirakçı dövlətlərinin Mədəni əməkdaşlıq üzrə Şurasının iclası keçirilib
18.11.2020 18:23
Mədəniyyət Nazirliyi “Xristian irsimizi tanıyaq” layihəsini təqdim edir
18.11.2020 14:16
Mədəniyyət Strategiyasının hazırlanması ilə bağlı ictimai rəy sorğusu keçirilir
16.11.2020 15:02
Azərbaycanın xalça sənətinin UNESCO-nun Qeyri-maddi mədəni irs siyahısına salınmasının 10 illiyi münasibətilə tədbir keçirildi
13.11.2020 18:28
İşğaldan azad olunmuş ərazilərdə tarix və mədəniyyət obyektləri üzrə monitorinqlərin ilkin nəticələri açıqlandı