Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
723

Dövlət Bayrağı Günü münasibətilə regional mədəniyyət idarələrinin təşkilatçılığı ilə tədbirlər keçirilir

Noyabrın 9-u Azərbaycanda Dövlət Bayrağı Günüdür. 2009-cu il noyabrın 17-də Prezident İlham Əliyev “Azərbaycan Respublikasının Dövlət Bayrağı Gününün təsis edilməsi haqqında” Sərəncam imzalayıb. Həmin il dekabrın 4-də isə Milli Məclis noyabrın 9-nu Dövlət Bayrağı Günü kimi rəsmiləşdirib.

Müstəqilliyini bərpa etdikdən sonra Azərbaycanın dövlət bayrağı milli suverenliyin simvolu kimi ölkəmizin bütün vətəndaşları üçün müqəddəs dövlətçilik rəmzlərindən birinə çevrilib. Azərbaycan Xalq Cümhuriyyətinin yadigarı olan bu bayraq xalqımızın azadlıq məfkurəsinə, milli mənəvi dəyərlərə və ümumbəşəri ideallara sadiqliyini nümayiş etdirir.

Bu gün münasibətilə regionlarımızda silsilə tədbirlər keçirilir.

*     *     *

Sumqayıt şəhər İcra hakimiyyətinin dəstəyi, Sumqayıt Regional Mədəniyyət idarəsinin təşkilatçılığı ilə Sumqayıt Dövlət Dram teatrının qarşısında bayram konserti keçirilib. Konsertdə ölkənin xalq və əməkdar artistləri Mübariz Tağıyev, Yusif Mustafayev, Baloğlan Əşrəfov, Nüşabə Ələsgərli və digərlərinin ifasında maraqlı konsert proqramı təqdim olunub.

Sumqayıt şəhər Q.Qarayev adına uşaq musiqi məktəbində keçirilən tədbirdə kamança və fortepiano şöbəsi şagirdlərinin ifasında musiqi nömrələri, xalq çalğı alətləri ansamblı şöbəsi şagirdlərinin ifasında xalq və bəstəkar mahnıları, şagirdlərin ifasında vətənpərvər mahnılar dinlənilib.

S.Vurğun adına Mərkəzi kitabxananın oxu zalında “Zirvələrdə dalğalanan şanlı Bayrağım” adlı ədəbi-bədii gecə keçirilib. Tədbirdə Azərbaycan bayrağına həsr olunmuş məruzələr, biblioqrafik xülasə dinlənilib, şeirlər, mahnılar səslənib. Mərkəzi kitabxanın uşaq şöbəsində, filiallarında və Mərkəzi uşaq kitabxanasında da bayram tədbiri keçirilib. Oxucuların ifasında şerilər və mahnılar dinlənilib.

Nizami Gəncəvi adına Kitabxana Klubda “Dalğalanan ulu bayraq” adlı kompozisiya keçirilib. Azərbaycan Respublikasının Dövlət Himni ilə başlanan tədbirdə kitabxanaçı Səadət Allahverdiyeva Bayraq günü haqqında oxuculara geniş məlumat verib. Kitabxananın oxucularının “Bayraqımız tariximizdir” mövzusunda məruzələri dinləilib. Sonra bayraqa, vətənə həsr olunmuş şeirlərdən ibarət kompozisiya nümayiş olunub. Tədbirdə bayraq gününə həsr olunmuş videoçarx, kitab sərgisi və rəsm dərnəyi şagirdlərinin əl işlərindən ibarət sərgisi təqdim olunub.

Xızı rayon Heydər Əliyev Mərkəzində keçirilən tədbirdə əlamətdar gün münasibətilə məruzələr dinlənilib, məktəblilərin vətənərvərlik mövzusunda hazırladıqlar şeirlər və mahnılar səslənib, bayrağımızın şəninə həsr olunmuş bədii kompazisiyalar nümayiş etdirililib.

Şuşa şəhər Dövlət Rəsm Qalereyasında məcburi köçkün uşaqlarının əl işlərindən ibarət sərgisi nümayiş olunub. Sərgidə 30-dan artıq rəsm əsəri təqdim edilib.

*      *     *

Ağstafa Regional Mədəniyyət İdarəsinin 9 noyabr – Dövlət Bayrağı Günü münasibətilə keçirdiyi silsilə tədbirlər çərçivəsində Qazax rayon mədəniyyət müəssisələri möhtəşəm bayram tədbiri təşkil edib. Tədbirdə çıxış edən regional idarənin rəisi Vüqar Qədirov bu günün əhəmiyyəti barədə məlumat verib. Tədbir Qazax rayon Mədəniyyət Mərkəzinin özfəaliyyət dərnəyinin, rayon 1 və 2 nömrəli uşaq musiqi məktəblərinin hazırladığı konsert proqramı ilə davam edib.

*     *     *

Sabirabadda Dövlət Bayrağı Günü münasibətilə “Bayraq yürüşü” adlı tədbir keçirilib. Tədbirdə Sabirabad rayon Gənclər və İdman İdarəsi, YAP Sabirabad rayon Gənclər Birliyinin üzvləri, habelə rayon Regional Mədəniyyət İdarəsinin kollektivi, Sabirabad “ASAN xidmət” mərkəzinin könüllüləri, ictimaiyyətin nümayəndələri, eləcə də qeyri-hökumət təşkilatlarının təmsilçiləri iştirak ediblər. Gənclər 2 kilometr məsafəni qət edərək rayon ərazisində yerləşən Dövlət Bayrağı Muzeyinə qədər 40 metr uzunluğunda olan üçrəngli bayrağımızı çiyinlərində daşıyıblar. İştirakçılar müxtəlif şüar və yüksək əhval-ruhiyyə ilə şəhər camaatının diqqətini cəlb edib. Yürüş Bayraq Meydanında “Azərbaycan” adlı flaşmob və bayram konserti ilə yekunlaşıb. Yürüşdə 2 mindən çox insan iştirak edib.

*     *     *

Bərdə Regional Mədəniyyət İdarəsinin tabeliyində olan Bərdə və Tərtər rayon, Yevlax və Mingəçevir şəhər Heydər Əliyev Mərkəzlərində Dövlət Bayrağı gününə həsr olunmuş tədbirlər keçirilib. Tədbirlərdə çıxış edənlər iştirakçıları bu əlamətdar gün münasibətilə təbrik edərək, dövlət bayrağının hər bir Azərbaycan vətəndaşının qürur mənbəyi, müstəqil dövlətimizin şərəfi və qüdrətinin rəmzi olduğunu bildiriblər. Sonda Bayraq gününə həsr edilmiş şeirlər səsləndirilib, ədəbi-bədii kompozisiya nümayiş olunub.

*     *     *

Ağdaş rayon Mədəniyyət Mərkəzində Mərkəzi kitabxananın və Mədəniyyət Mərkəzinin birgə təşkilatçılığı ilə “Bayraq mənliyim, bayraq kimliyim” mövzusunda tədbir keçirilib.Tədbirdə ilk öncə Azərbaycan Respublikasının Dövlət Himninin səsləndirilib. Ağdaş rayon MKS-nin əməkdaşı Vüsalə Məmmədova məruzə ilə çıxış edərək öz fikirlərinin bu gün ilə bağlı səsləndirib. Sonra Dövlət Bayrağına həsr olunmuş videoçarx nümayiş olunub.Tədbirin bədii hissəsində Ağdaş rayon Mədəniyyət Mərkəzinin bədii özfəaliyyət kollektivləri üzvlərinin ifa etdikləri Azərbaycana, bayrağımıza həsr olunmuş musiqi nömrələri, Səməd Vurğun adına 1 saylı tam orta məktəbin  şagiridlərinin hazırladıqları “Bayrağımız qürurumuzdur” adlı kompozisiya, Maqsud Şeyxzadə adına THT təmayüllü gimnaziyanın şagirdlərinin ifasında vətənpərvərlik və bayrağa həsr edilmiş şeirlər və “İgidlər” rəqs qrupunun rəqs nömrələri, “Şahinlər” qrupunun vətənə aid hazırladıqları kompozisiya tədbir iştirakçıları tərəfindən alqışlarla qarşılanıb.

Ucar rayon Mərkəzi Kitabxanasında “Üç rəngli bayrağınla məsud yaşa” başlığı altında tədbir keçirilib. Tədbirə  Mərkəzi kitabxananın şöbə müdiri Aynur Əliyeva məruzə ilə çıxış edib. Tədbirdə iştirak edən Uvar şəhər 4 saylı məktəbin şagirdlərinin ifasında kompozisiya təqdim olunub.Tədbirdə həmçinin Azərbaycanın Dövlət Bayrağı haqqında maraqlı videoçarx nümayiş etdirilib.

Zərdab rayon Tarix-Diyarşünaslıq muzeyinin əməkdaşlarının birgə təşkilatçılığı ilə noyabr ayının 6-da Zərdab şəhər 1 saylı məktəb liseyində 9 noyabr Bayraq Günü münasibəti ilə “Bayrağımız eşidən səsimiz, duyulan nəfəsimizdir” adlı tədbir keçirilib. Tədbirdə muzeyin əməkdaşları Şəlalə Əliyeva və Ziyalə Əliyeva çıxış edərək məktəblilərə bayraq haqqında ətraflı məlumat veriblər. 1 saylı məktəb liseyinin şagirdləri Dövlət Himnini oxuyublar və qürur mənbəyimiz olan bayraq haqqında şerlər söyləyiblər.

Göyçay rayon  Mərkəzi Kitabxanasında Bayraq günü ilə əlaqədar “Mənim Varlığımın Cilası Bayraq” adlı tədbir keçirilib. Azərbaycan Respublikasının Dövlət Himni ilə başlayan tədbirdə Göyçay rayon 1 saylı məktəbin kollektivi ilə yanaşı Göyçay Rayon Tarix-Diyarşünaslıq Muzeyinin əməkdaşları iştirak ediblər. Tədbiri giriş sözü ilə açan Göyçay Rayon MKS-nin direktoru Rövşən Balayeva Azərbaycan tarixində mühüm rol oynayan bu gün məlumat verib.  Sonra 1 saylı məktəbin şagirdlərinin ifasında bayrağımız haqqında şeirlər və mahnılar səsləndirilib.  Tədbirin sonunda “Mənim Varlığımın Cilası Bayraq” adlı sərgiyə baxış keçirilib.

*      *      *

İsmayıllı Regional Mədəniyyət İdarəsinin tabeliyində fəaliyyət göstərən mədəniyyət müəssisələrində Bayraq Günü ilə əlaqədar silsilə tədbirlər həyata keçməkdədir. İdarəsinin  tabeliyində fəaliyyət göstərən Qəbələ, İsmayıllı, Ağsu, Qobustan, Şamaxı Tarix-Diyarşünaslıq Muzeylərində, Heydər Əliyev Mərkəzi, Mərkəzi bir sıra tədbirlər keçirilib. Məktəblilərin muzeylərə ekskursiyaları təşkil olunmuş, Mərkəzlərdə  məktəblilərin bədii-ədəbi kompozisiyaları həyata keçirilmişdir. Mərkəzi Kitabxanalarda  uşaqlar üçün bədii qiraət saatları təşkil edilmiş, klub və digər müəssisələrdə konsert proqramlarıtəqdim edilmişdir.

*     *     * 

Xaçmaz Heydər Əliyev Mərkəzində 9 Noyabr Azərbaycan Respublikasının Dövlət Bayrağı Gününə həsr olunmuş "Ucalardan uca bayraq" mövzusunda dəyirmi masa, Xaçmaz rayon Mərkəzi  Kitabxanasının oxu zalında Azərbaycan Respublikasının Dövlət Bayrağı Gününə həsr edilmiş “Bayrağımız and yerimizdir” adlı tədbir keçirilmişdir.

Quba Heydər Əliyev Mərkəzində  əlaqədar gənclərin, ictimaiyyət nümayəndələrinin və tarixçilərin iştirakı ilə “Azərbaycan bayrağı” mövzusunda seminar, Quba rayon Mərkəzi kitabxanasında “Üçrəngli bayrağımız qürur mənbəyimizdir” adlı tədbir keçirilib.

Qusar rayon Heydər Əliyev Mərkəzində Dövlət Bayrağı Günü münasibətilə "Bir kərə yüksələn bayraq bir daha enməz" mövzusunda rayon gənclərinin iştirakı ilə tədbir keçirilmişdir. Həmçinin 9 noyabr Dövlət Bayrağı günü münasibətilə Qusar Dövlət Rəsm Qalereyasında  məktəblilərin əl işlərindən ibarət sərgi nümayiş olunur.

Şabran rayon Heydər Əliyev Mərkəzində "Bayraq Günü" münasibətilə "101 yaşlı Bayrağımız", Şabran Tarix Diyarşünaslıq Muzeyində isə "Bayraqlar Arasında Dalğalanan Bayrağım" adı dəyirmi masa təşkil edilmişdir..

Siyəzən rayon  Mərkəzi Kitabxanasında“Dövlət Bayrağı Günü” ilə əlaqədar dəyirmi masa keçirilmiş və “Bayraq Bayramınız Mübarək” adlı sərgi təşkil olunub.

Keçirilən tədbirlərdə “Azərbaycan bayrağı mövzusunda mühazirələr oxunmuş, dövlət bayrağının tarixi haqqında geniş məlumat verilmişdir.

XƏBƏRLƏR

13.12.2019 14:42
Regionlarda ustad dərsləri davam edir
13.12.2019 10:52
Mədəniyyət Nazirliyi “Gələcək nəsillərə yatırım” mövzusunda 4-cü Ümumdünya Turizm və Mədəniyyət Konfransında təmsil olunur
13.12.2019 08:59
“Doğma diyar” adlı respublika uşaq rəsm müsabiqəsinə qeydiyyat başa çatıb
12.12.2019 17:50
Sumqayıtın mədəniyyət müəssisələrində ulu öndər Heydər Əliyevin anım günü ilə bağlı tədbirlər keçirilib
12.12.2019 17:38
Daşkənddə Ulu öndər Heydər Əliyevin xatirəsi anılıb
12.12.2019 17:36
Xaçmazda “Yaradıcı sənaye və regional inkişaf perspektivləri” mövzusunda görüş keçirilib
12.12.2019 15:53
Ümummilli Liderimiz Heydər Əliyev Azərbaycan mədəniyyətinin və incəsənətinin böyük himayədarı idi
12.12.2019 09:24
Muğam Mərkəzində görkəmli xanəndə Hacıbaba Hüseynovun xatirəsi anılıb
12.12.2019 09:19
"Mirvarid Dilbazi Məclisi"nin növbəti tədbiri Əminə Dilbazinin 100 illiyinə həsr olunacaq
11.12.2019 17:55
Mədəni İrsin Qorunması, İnkişafı və Bərpası üzrə Dövlət Xidməti yeni loqotipinin hazırlanması ilə bağlı müsabiqə elan edir
11.12.2019 17:32
Özbəkistanda “Mən mülki-cahan, cahan mənəm mən!” adlı konsert keçirilib
11.12.2019 16:59
Milli Kitabxanada ulu öndər Heydər Əliyevin xatirəsi yad olundu
11.12.2019 11:55
Xalq teatrlarına dair yeni metodiki vəsaitlər işıq üzü görüb
11.12.2019 11:08
“ÇÖLÇÜ” filminin yeni uğuru
11.12.2019 09:00
Bakıda keçirilən III Eksperimental Teatr Festivalı başa çatıb
11.12.2019 08:54
Kukla Teatrında “O qadın” tamaşası nümayiş olunub
10.12.2019 17:34
“Estrada sənəti” sinfinin inkişafı müzakirə olunub
10.12.2019 17:09
Xalq artisti, kinorejissor Yalçın Əfəndiyev son mənzilə yola salındı
10.12.2019 16:32
"Mən ağacam" tamaşası növbəti dəfə "Yuğ"un səhnəsində
10.12.2019 14:03
"Paris Notr-Dama ithaf" tamaşası növbəti dəfə nümayiş ediləcək
10.12.2019 11:48
Görkəmli kinorejissor, Azərbaycan Respublikasının Xalq artisti, Əməkdar incəsənət xadimi, professor Yalçın Heydər oğlu Əfəndiyev vəfat etmişdir
10.12.2019 11:12
“Haqq mənəm” tamaşası yenidən teatrsevərlərin görüşünə gəlib
10.12.2019 11:05
“Xalça diyarına səyahət” festivalı keçirilmişdir