Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1696

“Alüminium” biennalesi ölkəmizdə müasir incəsənətin inkişafına töhfə verir

Xəbər verdiyimiz kimi, Mədəniyyət Nazirliyi və Azərbaycan Rəssamlar İttifaqının təşkilatçılığı ilə Bakıda “Alüminium” VI Beynəlxalq Müasir İncəsənət Biennalesi keçirilir.

Noyabrın 21-də Muzey Mərkəzində ənənəvi incəsənət layihəsinə həsr olunan mətbuat konfransı təşkil edildi.

Azərbaycan Dövlət Rəsm Qalereyasının direktoru Qalib Qasımov çıxış edərək biennale haqqında məlumat verdi. Bildirdi ki, layihənin məqsədi Azərbaycan Respublikasının Mədəniyyət Konsepsiyasına uyğun olaraq ölkəmizdə müasir incəsənətin inkişafını təbliğ etmək və rəssamların yaradıcılığının dəstəkləməkdir. Biennale çərçivəsində rəngkarlıq, qrafika, heykəltəraşlıq, instalyasiya, videoart, fotoəsərlər, habelə Azərbaycan, Almaniya, Portuqaliya, Rusiya və Gürcüstan rəssamlarının performansları nümayiş olunacaq.

Direktor diqqətə çatdırdı ki, noyabrın 25-dək davam edəcək builki sərgidə 17 ölkədən 40-dan çox rəssam və 30-dək Azərbaycan rəssamı iştirakı edir. Təşkil olunacaq sərgi-tədbirlər xarici və yerli sənət adamlarının təcrübə mübadiləsi aparmasına və qarşılıqlı əməkdaşlığına vəsilə olacaq. Həmçinin biennalle çərçivəsində UNESKO-nun patronajlığı ilə keçirilmiş Birinci Antarktida Biennalesi (2017) haqqında film təqdim ediləcək, “Müasir incəsənət bu gün: nailiyyətlər, problemlər və perspektivlər” mövzusunda konfrans keçiriləcək.

Biennalenin kuratoru Dilarə Vahabova belə tədbirin Bakıda təşkil olunmasının əhəmiyyətini yüksək qiymətləndirdi. Dedi ki, tədbir çərçivəsində paytaxtın bir mədəniyyət ocaqlarında, o cümlədən V.Səmədova adına sərgi salonu, İçərişəhərdəki Müasir İncəsənət Mərkəzi və “Qala” Dövlət Tarix-Etnoqrafiya Qoruğunda sərgilər təşkil olacaq. Qalada təşkil edilən layihə təqdimatları öz orijinallığı ilə seçiləcək. Abşeronun qədim kəndlərindən olan Qala öz etnoqrafik zənginliyi ilə seçilir və bu məkan hər zaman yaradıcı insanların diqqətini cəlb edir.

2003-cü ildən etibarən ənənəvi olaraq Bakıda keçirilən biennaledə dünyanın müxtəlif ölkələrindən olan rəssamlar, sənətşünaslar, kuratorların iştirak etdiyini deyən D.Vahabova budəfəki sərgilər, ekspozisiyalar içərisində performansların çox olacağını diqqətə çatdırdı. Kurator daha sonra layihədə iştirak edən müəllifləri təqdim etdi və onların layihələri haqqında məlumat verdi.

İçərişəhər Muzey Mərkəzinin direktoru Əminə Məlikova çıxış edərək İçərişəhərdə təşkil ediləcək sərgilər haqqında söz açdı. Bildirdi ki, qədim Şirvanşahlar sarayında təşkil edilən təqdimatlar ziyarətçilər tərəfindən böyük maraqla qarşılanır. Bu heç də təsadüfi deyil. Çünki 2018-ci ilin statistik rəqəmlərinə görə, muzey yarım milyona yaxın ziyarətçi qəbul edib. Biennalenin layihə təqdimatlarının qədim şəhərdə keçirilməsi tariximizin təbliği baxımından böyük əhəmiyyət kəsb edir.

Sonda media nümayəndələrinin sualları cavablandırıldı.

XƏBƏRLƏR

06.08.2020 15:47
Mədəniyyət Nazirliyinin ictimaiyyətə müraciəti
06.08.2020 15:33
Qubada “Xalçaçılığın təbliği, mədəni və maddi irsinin qorunması” mövzusunda təlimlər keçirilib
06.08.2020 10:47
Vyana şəhərində keçirilən festivalda “Min bir gecə“ baleti nümayiş olunub
05.08.2020 17:51
Tbilisidə “Era Teatrı”nın yeni ofisinin açılışı olub
05.08.2020 15:59
Şamaxıda Antik dövrə aid nekropol aşkar olunub
05.08.2020 14:23
Gənclər Kitabxanası Milli Qəhrəman Mübariz İbrahimov haqqında virtual kitab sərgisi hazırlayıb
05.08.2020 10:28
“Hər kitab bir dünyadır” layihəsi davam edir
04.08.2020 16:56
III ANİMAFİLM-in MÜSABİQƏ İŞTİRAKÇILARI BƏLLİ OLDU
04.08.2020 09:39
Arif Məlikovun əsəri ABŞ-da festivalda səslənib
02.08.2020 10:37
Avqustun 2-si Azərbaycan Kinosu Günüdür
30.07.2020 17:15
Mədəniyyət Nazirliyi Qurban bayramı münasibətilə mədəniyyət ictimaiyyətini təbrik edib
30.07.2020 14:41
Mədəniyyət Nazirliyi ölkəmizin kino ictimaiyyətini təbrik edib
30.07.2020 12:32
“Xəzərin dalğaları” adlı Beynəlxalq Sulu Boya Festivalına 500-dən çox sənət əsəri göndərilib
30.07.2020 12:31
Respublika Gənclər Kitabxanası yeni aksiyaya start verib
29.07.2020 13:58
“Sevilənlər, sevənlər” rubrikasının növbəti uğurlu görüşü
28.07.2020 16:50
Azərbaycan musiqisi naminə birləşən peşəkarlar
28.07.2020 09:50
Xəzər rayon Mərkəzi Kitabxanası onlayn tədbirlərini davam etdirir
27.07.2020 16:49
Qısa Filmlər Festivalına filmlərin qəbulu başlayıb
27.07.2020 16:45
Azərbaycan yazıçısı “2015-2019-cu illərin ən yaxşı yazıçısı” adına layiq görülüb
27.07.2020 15:46
Gənclər Kitabxanası Antarktida haqqında biblioqrafik icmal hazırlayıb
27.07.2020 10:53
Milli Kitabxana not məcmuələrinin onlayn kitabxanasını oxuculara təqdim edib
27.07.2020 09:49
Mədəniyyət işçiləri üçün açıq təlimlər davam edir
24.07.2020 15:50
Mədəniyyət Nazirliyi və Dövlət Rəsm Qalereyası yeni layihəyə start verir
24.07.2020 14:42
Azərbaycan istehsalı olan film Avropanın ən önəmli festivalının əsas müsabiqəsinə seçilib