Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1034

Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib

“Novruzu bir sıra ölkələr və xalqlar qeyd etsə də, Azərbaycanda bu bayramın ənənələr boğçası daha zəngin, daha mütəşəkkildir. Xalqımızın bu bayrama olan bağlılığı, rəğbəti keçmişdən günümüzə heç zaman azalmamışdır”.

Bu fikirlər Azərbaycan Respublikasının Mədəniyyət naziri Əbülfəs Qarayevin Novruz bayramı münasibətilə ölkəmizin mədəniyyət ictimaiyyətinə ünvanlanan təbrikində qeyd olunur.

Təbrikdə bildirilir ki, mütərəqqi ideyaların daşıyıcısı olan Novruz bayramının fəlsəfəsindəki birlik və həmrəylik, yaşayıb-yaratmaq ruhu neçə-neçə ölkənin, yüz milyonlarla insanın ona könül verməsi ilə sübut olunur. Min illərdir Novruzun yaşadılması varlığın əsasını təşkil edən 4 ünsürün – od, su, yel (hava) və torpağın bayram günlərində həyata keçirilən ayinlərdə kompleks halında birləşməsidir.

Novruzun ayrı-ayrı ritualları insanları həyata bağlayır, eyni zamanda ana təbiətin dərindən dərk olunmasını özündə edir.

Daha sonra təbrikdə deyilir: “Novruz bayramı həm də çoxmillətli ölkəmizdə yaşayan bütün xalqların mehribanlığını, birliyini nümayiş etdirən, çağımızda da əhəmiyyətini itirməyən ideyalar məcmusudur. Novruz 2009-cu ildə UNESCO-nun Qeyri-maddi mədəni irs siyahısına daxil edilərək bəşəri status qazanmışdır.

Məmnunluqla deyə bilərəm ki, bu bayramın, eləcə də digər mədəni irs nümunələrimizin beynəlxalq aləmdə təbliğində Prezident İlham Əliyev və Birinci vitse-prezident, Heydər Əliyev Fondunun rəhbəri, UNESCO və İCESCO-nun xoşməramlı səfiri Mehriban xanım Əliyevanın müstəsna xidmətləri vardır. Hazırda ölkəmizdə xalq yaradıcılığının, qədim adət-ənənələrin yaşadılması, tədqiqi və təbliği dövlətin diqqət mərkəzindədir. Bu ənənələrin gələcək nəsillərə ötürülməsi məqsədilə müxtəlif layihələr həyata keçirilir”.

Nazir təbrikində bu günlər, ölkəmiz də daxil, bütün dünyanı bürüyən yeni koronavirus (COVİD-19) infeksiyası ilə bağlı Azərbaycanın mədəniyyət ictimaiyyətinə çağırış da edib: “Hazırda Azərbaycan dövləti bu infeksiyanın qarşısının alınması üçün səfərbər olunmuşdur. Mədəniyyət Nazirliyi olaraq dövlətimizin bu sahədə apardığı mübarizəyə lazımınca dəstək verməliyik.

Ölkəmizin bütün mədəniyyət ictimaiyyəti də Nazirlər Kabineti yanında Operativ Qərargahın virusla mübarizəyə dair hər bir tapşırıq və tövsiyəsinə ciddi şəkildə əməl etməlidir. Məlum səbəbdən bu il Novruzla bağlı ümumxalq şənliyi ləğv olunsa da, ümid edirəm ki, xalqımız bu əziz bayramı növbəti illərdə yenə də böyük ruh yüksəkliyi ilə keçirəcək”.

Təbrikin sonunda nazir Əbülfəs Qarayev Novruz bayramı münasibətilə ölkəmizin mədəniyyət ictimaiyyətinə cansağlığı, xoşbəxtlik, ruzi-bərəkət və firavan həyat arzulayıb.

XƏBƏRLƏR

26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb
19.03.2020 13:51
Prezident İlham Əliyevin Novruz bayramı münasibətilə Azərbaycan xalqına təbriki
18.03.2020 14:03
Mehriban Əliyeva: Əminəm ki, müdrik xalqımızın ən gözəl xüsusiyyətləri sayəsində biz birlikdə bu ciddi çağırışın öhdəsindən gələcəyik
18.03.2020 10:27
Azərbaycan musiqi tarixinin korifeyi - Xan Şuşinski
17.03.2020 16:59
Özbəkistanda Şah İsmayıl Xətainin anadilli “Divan”ının nadir və unikal nüsxəsi aşkar edilmiş və onun surəti əldə edilib
17.03.2020 16:19
Xalq artisti Rafael Dadaşov son mənzilə yola salındı
17.03.2020 13:58
Rafael Məlik oğlu Dadaşov