Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1249

Mədəniyyət Nazirliyi Qurban bayramı münasibətilə mədəniyyət ictimaiyyətini təbrik edib

Azərbaycan Respublikasının Mədəniyyət Nazirliyi müqəddəs Qurban bayramı münasibətilə ölkəmizin mədəniyyət ictimaiyyətini təbrik edib.

Təbrikdə İslam dünyasının mübarək bayramlarından olan Qurban mərasiminin əhəmiyyəti vurğulanır, yüzilliklərdən bəri yaşadılan bu qiymətli ənənənin insanların birliyinə, bərabərliyinə xidmət etdiyi diqqətə çatdırılır. Bildirilir ki, Qurban bayramı dostluğun, qardaşlığın, fədakarlığın cəmiyyətdə inkişafı və gələcək nəsillərə təlqin edilməsi üçün gözəl fürsətdir. Bu ayinin fitrətində Allaha sonsuz sevgi, onun qüdrətinə dərin inam və iman işığı dayanır. Qurban mərasimi insanın mənəvi dünyasında işıq, mərhəmət yaradır, onu Yaradana yaxınlaşdırır. Bu təkcə Allaha bağlılıq deyil, həm də insanların bir-birinə rəğbəti, ülfəti, dəstəyi və qayğısıdır. Qurban bayramının əsrlərdir eyni coşqu və sevgi ilə qeyd olunmasının səbəbi məhz bu mütərəqqi anlayışları özündə birləşdirməsidir.

Müsəlman aləminin ayrılmaz bir hissəsi olan Azərbaycanda həmişə mütərəqqi mənəvi dəyərlərin qorunması və təbliğinə həssaslıqla yanaşılmışdır. Ölkəmiz müstəqilliyini bərpa etdikdən sonra Qurban və Ramazan bayramları ümumxalq bayramları sırasına daxil olaraq dövlət səviyyəsində qeyd edilir.

Müstəqil Azərbaycanda dini dəyərlərə, xalqımızın yüzilliklərlə yaşatdığı inanc irsinə yüksək ehtiramın göstərilməsində, qədim ibadət məkanlarının bərpası və ziyarətçilərin üzünə açılmasında Ümummilli lider Heydər Əliyevin müstəsna rolu olmuşdur. Ulu öndər bu müqəddəs bayramı yüksək qiymətləndirərək demişdir: “Bütün müsəlmanların böyük təntənə ilə qeyd etdikləri Qurban bayramı insanın ən çətin məqamlarında düzgün mövqe seçmək, ülvi amallar uğrunda hər cür fədakarlığa hazır olmaq qüdrətini təcəssüm etdirir”.

Milli-mənəvi dəyərlərimizin hamisi kimi Ulu öndərin bu siyasəti, İslam irsinə diqqət və qayğısı hazırda Prezident İlham Əliyev və Birinci vitse-prezident, Heydər Əliyev Fondunun rəhbəri Mehriban xanım Əliyeva tərəfindən uğurla davam etdirilir. Mehriban xanımın təşəbbüsü ilə Heydər Əliyev Fondu tərəfindən Azərbaycanın mədəni-mənəvi mirasının qorunması və təbliği istiqamətində ölkəmizdə və xaricdə irimiqyaslı layihələr həyata keçirilir. Respublikamızda sosial-iqtisadi inkişafa yönəlik dövlət proqramlarına dəstək verən Fond aztəminatlı ailələri, xüsusi qayğıya ehtiyacı olan şəxsləri daim diqqətdə saxlayır, hər il bir sıra əlamətdar günlər, o cümlədən Ramazan və Qurban bayramları münasibətilə aztəminatlı ailələrə qurban payları çatdırılır.

Ölkə rəhbərliyinin qayğısı və Heydər Əliyev Fondunun dəstəyi ilə paytaxtda və bölgələrdə dini ziyarətgahlar, ibadət yerləri təmir-bərpa olunur. 743-cü ildə Şamaxıda inşa olunan Cümə məscidi İslam aləmində ilk ibadətgahlardan hesab edilir. Prezident İlham Əliyevin iştirakı ilə bərpa və yenidənqurmadan sonra 2013-cü ildə istifadəyə verilən Şamaxı məscidi tarixdən bu günümüzə xalqımızın və dövlətimizin İslam dəyərlərinə verdiyi önəmin bariz nümunəsidir.

“İnsanın Yaradana inam və sədaqətini ehtiva edən Qurban ayini bizləri xeyirxah amallara çağırır, mənəvi rahatlığımıza vəsilə olur. İnsanlar Tanrının sonsuz qüdrət və mərhəmətinə şükür edir, qurbanlar kəsərək imkansızlarla bölüşürlər. Ölkəmizdə digər dinlərin nümayəndələri də bu mübarək bayramın fəzilətlərindən yararlanır, birlik və bərabərlik nümayiş etdirirlər”, - deyə təbrikdə vurğulanır.

Təbrikin sonunda Mədəniyyət Nazirliyinin kollektivi müqəddəs Qurban bayramı münasibətilə ölkəmizin mədəniyyət ictimaiyyətinə möhkəm cansağlığı, yeni firavan günlər və uğurlar arzulayıb.

XƏBƏRLƏR

29.07.2021 16:11
Azərbaycan Kinosu Gününə həsr olunmuş açıq havada Kinosevərlər Gecəsi keçiriləcək
27.07.2021 16:50
Ü.Hacıbəyli adına Bakı Musiqi Akademiyasının 100 illik yubileyinə həsr olunmuş XII Qəbələ Musiqi Festivalı
27.07.2021 12:26
Musiqili Teatrın işıqçısı, şəhid Əliağa Məmmədovun xatirə lövhəsinin açılışı olub
26.07.2021 15:24
“Keşikçidağda elmi-arxeoloji qazıntılar və yay məktəbi” adlı layihə həyata keçirilir
23.07.2021 18:09
Televiziya kanalları ilə əməkdaşlığa dair işçi qrupunun ilk iclası keçirildi
22.07.2021 10:07
Mədəniyyət naziri Anar Kərimovun Milli Mətbuat və Jurnalistika Günü münasibətilə müraciəti
17.07.2021 17:00
“Mədəniyyət naminə sülh” qlobal kampaniyası çərçivəsində onlayn görüş keçirilib
17.07.2021 11:58
Türkiyədən Qarabağda yaradılacaq kitabxanalara hədiyyə olunan kitabların təqdimetmə mərasimi keçirildi
16.07.2021 17:00
Mədəniyyət Nazirliyi yanında İctimai Şuranın üzvləri bəlli oldu
15.07.2021 18:49
UNESCO Siyahısına daxil olmuş 4 elementin sertifikatları mədəniyyət naziri Anar Kərimova təqdim edilib
15.07.2021 17:46
Anar Kərimov Türkiyə Mədəniyyət və Turizm Nazirliyinin nümayəndə heyəti ilə görüşüb
15.07.2021 11:45
“Salam, Azərbaycan!” və “Şəki – gözəlliyin sehri” kitablarının təqdimat mərasimi keçirildi
15.07.2021 11:29
Mədəniyyət naziri Anar Kərimov Special Edition Talks layihəsində çıxış edib
14.07.2021 15:51
Mədəniyyət Naziri "Diplomatiya həftəsi" çərçivəsində keçirilən tədbirdə iştirak edib
14.07.2021 14:49
"Mədəniyyət/Culture" jurnalının yeni sayı işıq üzü görüb
13.07.2021 18:51
Mədəniyyət Nazirliyi yanında İctimai Şuraya seçkilər keçirilib
09.07.2021 18:58
Mədəniyyət naziri Türk Əməkdaşlıq və Koordinasiya Agentliyinin nümayəndə heyəti ilə görüşüb
08.07.2021 19:20
Mədəniyyət naziri Anar Kərimovun rəhbərlik etdiyi nümayəndə heyətinin Gürcüstana səfəri davam edir
08.07.2021 16:38
Kazanda Azərbaycan Milli Xalça Muzeyinin sərgisi açılıb
07.07.2021 17:25
Mədəniyyət naziri Anar Kərimovun rəhbərlik etdiyi nümayəndə heyəti Gürcüstana səfəri davam edir
06.07.2021 17:48
Mədəniyyət naziri Anar Kərimovun rəhbərlik etdiyi nümayəndə heyəti Gürcüstanda səfərdədir
06.07.2021 11:24
Azərbaycan ilə Gürcüstan arasında mədəni əlaqələrin inkişaf perspektivləri müzakirə olunub
02.07.2021 12:38
Mədəniyyət naziri Akademik Milli Dram Teatrının yaradıcı heyəti ilə görüşüb
01.07.2021 10:38
Tovuzda Qala düzü Son Orta əsrlər dövrü abidəsində ilkin tədqiqatlar aparılıb
30.06.2021 17:35
Mədəniyyət naziri Misirin ölkəmizdəki səfiri ilə görüşdü
29.06.2021 12:21
Azərbaycan Film Komissiyasının təqdimat mərasimi keçirildi
29.06.2021 11:30
“Biz” tarixi-sənədli filminin təqdimat mərasimi keçirildi
26.06.2021 18:14
Mədəniyyət Nazirliyində Türkiyə ilə kino sahəsində əməkdaşlıq məsələləri müzakirə olundu