Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
566

“Ordumuz üçün yarat” layihəsinin təqdimatı keçirildi

Mədəniyyət Nazirliyi Vətən torpaqlarını işğaldan azad etmək uğrunda müqəddəs savaşın getdiyi bu günlərdə hərbçilərimizə mənəvi dəstək olmaq, cəmiyyətdə vətənpərvərlik ruhunu daha da yüksəltmək məqsədilə silsilə layihələrə başlayıb. Oktyabrın 2-də Milli İncəsənət Muzeyində bu silsilədən “Ordumuz üçün yarat” layihəsinin təqdimatı keçirildi.

Təqdimatda çıxış edən Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov layihənin əhəmiyyətini vurğuladı. Bildirdi ki, bu günlər ölkəmiz üçün taleyüklü, eyni zamanda qürurverici tarixə şahidlik edirik. Bu tarixi döyüş meydanında qəhrəman əsgər və zabitlərimiz yazır. Onların rəşadəti sənət, yaradıcılıq qabiliyyəti olan insanlarımız üçün də ilham qaynağıdır.

Anar Kərimov qeyd etdi ki, bu günlər Azərbaycan cəmiyyəti bütünlüklə, qəlbən, ruhən müzəffər Ordumuza dəstək üçün səfərbər olub: “Biz də Mədəniyyət Nazirliyi olaraq “Ordumuz üçün yarat” layihəsini təqdim etməkdən qürur duyuruq. Məqsədimiz ölkəmizin ərazi bütövlüyü uğrunda canından belə keçməyə hazır olan igidlərimizin hərb meydanındakı şücaətinin, vətənsevərlik ruhunun sənət əsərlərində, bədii yaddaşda əks etdirilməsinə zəmin yaratmaqdır. Layihəyə qoşulacaq hər bir iştirakçı özünün əl işi, yaratdığı əsərlə Ordumuza sənət dəstəyini ifadə edə bilər. Layihə çərçivəsində ərsəyə gələcək əl işləri torpaqlarımızın bütövlüyünü qoruyan hərbçilərimizə ərməğan ediləcək. Ümid edirik ki, layihə ictimaiyyət tərəfindən maraqla qarşılanacaq”.

Oktyabrın 2-nin Xocavənd rayonunun Ermənistan tərəfindən işğalının 28-ci ildönümü olduğunu diqqətə çatdıran Anar Kərimov dedi ki, şanlı Ordumuzun zəfər soraqları bu torpaqlardan didərgin düşmüş insanlarımızın illərdir sürən həsrətinə son qoyacaq: “Bu həsrəti təkcə insanlarımız çəkmir. Bugünkü tədbir üçün toplaşdığımız Milli İncəsənət Muzeyinin həyətindəki “Güllələnmiş heykəllər” də 28 ildir doğma məkandan didərgin düşüb. İnanırıq ki, Üzeyir Hacıbəylinin, Xan qızı Natəvanın və Bülbülün erməni vandalizminə məruz qalmış abidələri də tezliklə Şuşadakı ev-muzeylərinə qayıdacaq”.

Tədbirdə daha sonra Mədəniyyət Nazirliyi və “Kreativ Azərbaycan” portalının birgə layihəsi olaraq gerçəkləşən “Evdə qal – evdə yarat” müsabiqəsi qaliblərinin mükafatlandırma mərasimi oldu. Mart ayında elan olunan müsabiqə koronovirus pandemiyası ilə bağlı tətbiq edilən karantin rejimində insanları yaradıcı fəaliyyətə təşviq etmək məqsədilə keçirilib.

Müsabiqə ilə bağlı fikirlərini bölüşən Anar Kərimov vurğuladı ki, bütün dünyanı bürüyən pandemiya ölkəmizdə də insanlar üçün çətinliklər doğurub: “Amma vətəndaşlarımız müsabiqəyə fəal qoşulmaqla bu günlərdə də yaradıcı bacarıqlarını yüksək səviyyədə nümayiş etdiriblər. Bir sıra dövlət qurumları, millət vəkilləri, qeyri-hökumət təşkilatları, incəsənət xadimləri, cəmiyyətdə tanınan şəxslər bu təşəbbüsə dəstək veriblər. Sevindirici haldır ki, “Evdə qal – evdə yarat” müsabiqəsinə qatılanların əksəriyyəti gənclərdir”.

Bildirildi ki, ölkəmizin regionları da daxil olmaqla, 4500-dən çox iştirakçı yaratdığı əl işləri, rəsm əsərləri, musiqi parçaları, həmçinin ifaçılıq və bədii qiraət nümunələrini “Kreativ Azərbaycan” portalının “Facebook” və “İnstagram” səhifələri üzərindən onlayn şəkildə paylaşıb. Onların arasında beş kateqoriya üzrə (xüsusi qalib, ən çox bəyənilən paylaşım, ən gənc iştirakçı, ən aktiv iştirakçı, ən kreativ ideya) qaliblər elan olunub.

Daha sonra qaliblərə mükafatlar təqdim olundu.

Mükafatçılar adından “Söz” ədəbi layihəsinin rəhbəri, şairə Nigar Həsənzadə çıxış edərək müsabiqənin təşkilinə görə minnətdarlığını bildirdi və mükafatı təkcə özünün deyil, ümumilikdə “Söz” kollektivinin uğuru kimi dəyərləndirdi: “Bu gün söz, sənət adamları da müzəffər Ordumuza dəstək verir. Arzu edirik ki, tezliklə böyük qələbə sorağını eşidək və “Söz”ün sədası doğma Şuşadan da gəlsin!”.

XƏBƏRLƏR

27.01.2021 12:53
Məşhur fotoqraf Rza Diqqəti Ağdamda Natəvanın məqbərəsində törədilən vandalizmlə bağlı paylaşım edib
26.01.2021 15:30
Regional mədəniyyət idarələrinə yeni kadr təyinatları
25.01.2021 15:02
Milli İncəsənət Muzeyinin direktoru Çingiz Fərzəliyev təltif edilib
22.01.2021 17:56
“Böyük Azərbaycan şairi və mütəfəkkiri – Nizami Gəncəvi” mövzusunda kitab sərgisinin açılışı keçirildi
22.01.2021 14:05
“Keşikçidağ” Dövlət Tarix-Mədəniyyət Qoruğu ərazisində arxeoloji abidələr aşkar edilib
22.01.2021 13:34
“Qorqudnamə” kitabının təqdimat mərasimi keçirilib
21.01.2021 16:36
Şəhid ailələrinə və qazilərə qayğı göstərilir
21.01.2021 11:44
Vətənpərvərlik mövzusunda ədəbiyyat müsabiqəsinin qalibləri müəyyənləşdi
19.01.2021 20:57
Mədəniyyət naziri türk dünyası təşkilatlarının nümayəndə heyəti ilə görüşüb
18.01.2021 16:20
Mədəniyyət Nazirliyi ictimaiyyətə müraciət edir!
15.01.2021 13:47
İCESCO nümayəndə heyətinin ölkəmizə səfərinin yekunlarına həsr olunmuş mətbuat konfransı
14.01.2021 16:33
Zəfər muzeyinin məzmununun hazırlanması ilə əlaqədar ekspert qrupu yaradılıb
13.01.2021 14:46
Prezident İlham Əliyev ICESCO-nun Baş direktorunun rəhbərlik etdiyi nümayəndə heyətini qəbul edib
13.01.2021 09:41
Vətən müharibəsi memorial kompleksi və Zəfər muzeyinin məzmunu ilə əlaqədar müzakirələrin aparılması məqsədilə onlayn görüş keçirilib
12.01.2021 18:13
İCESCO nümayəndə heyəti Azərbaycanın işğaldan azad edilmiş ərazilərinə səfər edib
11.01.2021 19:35
Mədəniyyət naziri ICESCO-nun Baş direktoru Salim əl-Malik ilə görüşdü
11.01.2021 10:42
Kitabxana və nəşriyyat-poliqrafiya müəssisələri ilə görüş keçirilib
08.01.2021 18:13
“Mədəniyyət/Culture” jurnalının “Zəfər” sayı...
08.01.2021 10:08
Anar Kərimov ilə Birləşmiş Millətlər Təşkilatının ölkəmizdəki Rezident Əlaqələndiricisi Qulam İsakzai ilə görüşdü
07.01.2021 19:39
Nazir Anar Kərimov və Qarabağ Dirçəliş Fondunun Müşahidə Şurasının üzvü Tural Gəncəliyev arasında videoformatda görüş keçirildi
06.01.2021 17:27
Prezident İlham Əliyev Anar Kərimovu mədəniyyət naziri təyin olunması ilə əlaqədar videoformatda qəbul edib
05.01.2021 12:38
Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamı
30.12.2020 18:12
"Mədəniyyət və yaradıcılıq sahəsində rəqəmsal həllər” startap müsabiqəsinin qalibləri ilə onlayn görüş keçirildi
29.12.2020 17:27
İşğaldan azad edilmiş ərazilərdə yerləşən abidələrin qorunması və bərpası ilə bağlı məsələlər müzakirə olunub
29.12.2020 14:34
Bakı şəhər muzeylərinin rəhbərləri ilə onlayn görüş keçirilib
28.12.2020 09:30
Əməkdar artist Almaz Mustafayeva vəfat edib
25.12.2020 18:55
Görkəmli ədib və ictimai-siyasi xadim Əbdürrəhim bəy Haqverdiyevin 150 illiyinə həsr olunan videokonfrans keçirildi
24.12.2020 14:07
Mədəniyyət Nazirliyində kadr təyinatı