Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
768

Ermənistan silahlı qüvvələri tərəfindən işğal olunmuş ərazilərdə yerləşən Azərbaycanın mədəni irsinə həsr olunmuş brifinq keçirilib

Noyabrın 6-da Azərbaycan Milli İncəsənət Muzeyində Ermənistan Respublikası silahlı qüvvələri tərəfindən işğal olunmuş ərazilərdə yerləşən Azərbaycanın mədəni irsinə həsr olunmuş brifinq keçirilib.

Brifinqdə Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəis müavini, rəisin vəzifə səlahiyyətlərini icra edən Azad Cəfərli, Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri Məryəm Qafarzadə, Əməkdar memar, professor Fəxrəddin Miralayev iştirak etmişlər.

Brifinqi Azad Cəfərli açaraq Ermənistanın ölkəmizə qarşı 30 ilə yaxın davam edən hərbi təcavüz və işğalçılıq siyasətinin eyni zamanda Azərbaycanın mədəni irsini hədəf aldığını bildirmişdir. Ermənistan Respublikası silahlı qüvvələri tərəfindən işğal edilən Dağlıq Qarabağ və ona bitişik 7 rayonun ərazisində 2600-dən çox tarix və mədəniyyət abidəsinin əksəriyyətinin dağıdıldığı, mənimsənildiyi, təyinatına uyğun olmayan şəkildə istifadə olunduğu qeyd olunmuşdur.

Dövlət Xidmətinin rəsmisi Ermənistan Respublikası tərəfindən həyata keçirilən vandallıq aktlarından danışaraq vurğulayıb ki, işğal olunmuş rayonlarda yerləşən, öz zəngin koloriti və memarlıq quruluşu ilə seçilən məscidlər, Qafqaz Albaniyası dövrünə aid memarlıq abidələri məhv edilmiş, vandalizmə məruz qoyulmuş, mənimsənilmişdir.

Vurğulamışdır ki, Ermənistan Respublikası hazırda ölkəmizə qarşı beynəlxalq miqyasda da çirkin kampaniya aparmaqdadır. Belə əməllərdən biri, guya Azərbaycan Respublikası Silahlı Qüvvələrinin raket zərbəsi nəticəsində Şuşa şəhərində yerləşən “Qazançılar kilsəsi”nin zərər görməsi ilə bağlıdır. Azərbaycan Respublikasının ərazisində yerləşən istənilən abidə Azərbaycan xalqının mədəni irsinin ayrılmaz tərkib hissəsidir. Bu ərazilərdə yerləşən bütün mədəni irs nümunələri Azərbaycan xalqına məxsusdur. 1868-ci ildə Şuşa şəhərində “Qazançılar” adlanan kilsə inşa edilmişdir. Erməni müəllifi Markar Barxudaryantsa istinadən abidənin sovetlər dövründən qalan sənədlərində də bu kilsə “Qazançılar” kimi qeyd edilir. Abidənin 1987-ci ildə hazırlanmış pasportunda “Qazançılar” kilsəsinin qədim zərdüşt məbədinin üzərində inşa olunduğu qeyd olunmuşdur.

Şuşa şəhəri Ermənistan Respublikasının silahlı qüvvələri tərəfindən işğal olunana qədər “Qazançılar” kilsəsi dövlətimiz tərəfindən layiqincə qorunduğu diqqətə çatdırılmışdır. Azərbaycan Respublikası Nazirlər Kabinetinin 2 avqust 2001-ci il tarixli 132 nömrəli Qərarı ilə dövlət qeydiyyatına alınmış (inventar № 358) kilsə ilk dəfə Azərbaycan SSR Nazirlər Sovetinin 1988-ci il  27 aprel tarixli 145 nömrəli qərarı ilə abidələr siyahısına daxil edilmişdir.

Həmçinin, Azərbaycan SSR Mədəniyyət Nazirliyinin tabeliyində fəaliyyət göstərən bərpa emalatxanasının mütəxəssisləri tərəfindən 1981-ci ildə hazırlanan layihə  əsasında 1984-1985-ci illərdə abidədə bərpa işləri aparılmışdır. Memar Fəxrəddin Miralayevin layihəsi əsasında aparılan bərpa işləri zamanı abidə ilə bağlı bir sıra faktlar aşkarlanmışdır. Şuşa şəhəri işğal edildikdən sonra qeyri-qanuni olaraq bu kilsə 3 dəfə “təmir-bərpa” prosesindən keçmişdir.

Dövlət Xidmətinin rəsmisi vurğulayıb ki,  “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında” Azərbaycan Respublikası Prezidentinin 29 oktyabr 2020-ci il tarixli Fərmanında tarix və mədəniyyət obyektlərinin (abidə və müəssisələrin) ilkin inventarlaşdırılması və mühafizəsi nəzərdə tutulmuşdur. Bütün torpaqlarımız işğaldan azad edildikdən sonra digər infrastruktur layihələri ilə yanaşı, tarix-mədəniyyət abidələrinin inventarlaşdırılması və mühafizəsi, o cümlədən bərpası istiqamətində də dövlətimiz tərəfindən mühüm işlərin həyata keçirilməsi nəzərdə tutulur.

Əməkdar memar, professor Fəxrəddin Miralayev  “Qazançılar” kilsəsinin tarixindən, orada aparılan təmir-bərpa işlərindən, eləcə də Ermənistan tərəfindən abidəyə edilmiş qanunsuz müdaxilələrdən danışıb. Bildirmişdir ki, “Qazançılar” kilsəsinin bərpası zamanı onun altında Zərdüştlüyə aid abidə qalıqları aşkarlanımışdır. Kilsənin memarlıq üslubu da erməni kilsələrinə xas bədii üslubda deyildir.

Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri Məryəm Qafarzadə bildirib ki, Ermənistanın Azərbaycana təcavüzü nəticəsində işğal edilmiş ərazilərdə yerləşən yaşayış evləri, təhsil, sənaye və kənd təsərrüfatı obyektləri ilə yanaşı yüzlərlə mədəniyyət müəssisəsi, o cümlədən 4,6 milyon kitab fondu olan 927 kitabxana, 808 mədəniyyət sarayı, klub və mədəniyyət, 85 musiqi və rəssamlıq məktəbi dağıdılıb. Bununla yanaşı, 100 mindən çox eksponatın toplandığı 22 muzey və muzey filialı, 4 rəsm qalereyası, 4 teatr müəssisəsi, 2 konsert müəssisəsi, 8 mədəniyyət və istirahət parkı erməni vandalizminin qurbanı olub.

Brifinqdə mətbuat nümayəndələrinin mövzu ilə bağlı sualları cavablandırılıb.

XƏBƏRLƏR

16.06.2021 17:51
Şəhid ailələrinə və qazilərə diqqət və qayğı ilə yanaşırıq
16.06.2021 16:11
Mədəniyyət naziri dünya şöhrətli baletmeyster Eldar Əliyevi qəbul edib
14.06.2021 20:23
Mədəniyyət və incəsənət xadimlərinə mükafatlar təqdim olundu
14.06.2021 09:58
“Çıraqqala”da aparılan bərpa-konservasiya işləri davam edir
14.06.2021 09:57
Bakı Dövlət Sirkinin yeni milli truppasının ilk çıxışı təqdim olunub
11.06.2021 16:48
Ustad xanəndənin 120 illiyinə həsr olunmuş videokonfrans keçirildi
08.06.2021 10:47
Ağdam şəhərinə media-tur təşkil olunub
26.05.2021 16:18
Üzeyir Hacıbəyli adına Bakı Musiqi Akademiyasının 100 illik yubileyinin keçirilməsi haqqında Azərbaycan Respublikası Prezidentinin Sərəncamı
26.05.2021 15:59
Mədəniyyət naziri İslam Əməkdaşlığı Gənclər Forumunun nümayəndə heyətini qəbul edib
25.05.2021 16:58
“Nizamidən Yunusa: bir olmaq” mövzusunda videokonfrans keçirildi
24.05.2021 15:40
Mədəniyyət Nazirliyinin nümayəndə heyəti Rusiyaya səfər edib
24.05.2021 14:08
“Art Management” vebinarlarına start verilir
24.05.2021 10:14
Tahir Teymur oğlu Salahov
21.05.2021 18:15
Ümumdünya Dialoq və İnkişaf Naminə Mədəni Müxtəliflik Günü münasibətilə beynəlxalq vebinar keçirilib
21.05.2021 17:25
Müharibədən əziyyət çəkmiş sakinlər üçün mədəni proqramlar təşkil olunur
21.05.2021 16:05
Azərbaycan-Böyük Britaniya Hökumətlərarası Komissiyasının iclasında yaradıcı iqtisadiyyatın əhəmiyyətindən bəhs olunub
21.05.2021 12:31
Azərbaycan Respublikasının mədəniyyət naziri Anar Kərimov "Xalq qəzeti"nə müsahibə verib
19.05.2021 17:31
Milli Xalça Muzeyi intellektual oyun və “Muzeylər gecəsi” təşkil edib
19.05.2021 11:15
Beynəlxalq Muzeylər Günü münasibətilə keçirilən videokonfransda Qarabağ muzeyləri ilə bağlı müzakirələr aparılıb
19.05.2021 10:34
Azərbaycan xalçaları Xorvatiyada nümayiş edilib
18.05.2021 18:08
Məktəblilər üçün muzey həftəsi layihəsi çərçivəsində “Muzeylər və Nizami irsi” adlı virtual beynəlxalq proqrama start verilib
18.05.2021 14:00
Beynəlxalq Muzeylər Günü münasibətilə videokonfrans keçirilib
07.05.2021 20:41
Şuşadakı Qazançı kilsəsinin bərpası Azərbaycan dövlətinin öz mədəni irsinə, o cümlədən xristian irsinə diqqətini nümayiş etdirir
07.05.2021 17:33
Mədəniyyət Nazirliyi “Səhnədən səngərə” layihəsini təqdim edir
07.05.2021 11:58
Şuşa şəhərinin Azərbaycanın mədəniyyət paytaxtı elan edilməsi haqqında Azərbaycan Respublikası Prezidentinin Sərəncamı
07.05.2021 10:03
Xalq artisti Arif Quliyev vəfat edib
06.05.2021 15:36
Gənc istedadlar “Səhnədə” parlayacaq!
06.05.2021 12:15
Azərbaycan Milli Xalça Muzeyində “Ənənələrimizi yaşadanlar”
05.05.2021 17:26
Xalq şairi Fikrət Qoca
05.05.2021 14:56
İNTERACT Online ikinci mövsümü ilə qayıdır!
04.05.2021 16:23
“Xalçalarımız: dünənimiz, bu günümüz, sabahımız” mövzusunda videokonfrans keçirildi