Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
358

60 illik yubileyləri münasibətilə teatr sahəsində çalışanlar nazirlik tərəfindən mükafatlandırılıb

Mədəniyyət sahəsində uzunmüddətli fəaliyyəti və 60 illik yubileyləri münasibətilə Azərbaycan Dövlət Gənc Tamaşaçılar Teatrının direktoru İsmayılzadə Naidə Məbud qızı və Salyan Dövlət Kukla Teatrının baş rejissoru Azərbaycan Respublikasının Əməkdar artisti, Prezident mükafatçısı Mirzəyev Rafiq İsmayıl oğlu Azərbaycan Respublikası Mədəniyyət Nazirliyinin müvafiq əmrləri ilə mükfatlandırılmışdır.

Məlumat üçün bildiririk ki, Azərbaycan Dövlət Gənc Tamaşaçılar Teatrının direktoru İsmayılzadə Naidə Məbud qızı 1959-cu il mart ayının 9-da Bakı şəhərində anadan olmuşdur. 1981-ci ildə M.Əliyev adına Azərbaycan Dövlət İncəsənət İnstitutunun “Teatrşünaslıq” fakültəsini bitirmişdir.

Əmək fəaliyyətinə 1981-ci ildə “Azərbaycanfilm” Kinostudiyasında başlayan N.İsmayılzadə 1984-1989-cu illərdə Azərbaycan Dövlət Filarmoniyasında böyük redaktor kimi işləmişdir. 1989-2006-cı illərdə Azərbaycan Respublikasının Mədəniyyət Nazirliyində, 2006-2018-ci illərdə isə Azərbaycan Respublikasının Mədəniyyət və Turizm Nazirliyində çalışan  N.İsmayılzadə işlədiyi müddətdə Nazirliyin İncəsənət idarəsində baş inspektor, Repertuar-redaktor Kollegiyasının üzvü, baş mütəxəssis, Teatr şöbəsinin müdiri vəzifələrini icra etmişdir. 2018-ci il iyun ayının 1-dək İncəsənət şöbəsinin Teatr sektorunun müdiri vəzifəsində çalışmışdır.

N.İsmayılzadə Azərbaycan Respublikası Prezidentinin fərman və sərəncamlarına əsasən respublikada keçirilən  bir  çox irimiqyaslı dövlət səviyyəli tədbirlərin, Bakı Beynəlxalq Teatr Konfransının, “Cırtdan” Beynəlxalq Kukla Teatrı Festivalının, Şəki Beynəlxalq Teatr Festivalının təşkilatçılarından, “Teatr və Teatr fəaliyyəti haqqında” Qanunun, “Azərbaycan teatrı 2009-2019-cu illərdə” Dövlət Proqramının müəlliflərindən biridir. “Yaddan çıxmaz Qarabağ”, “Deyilən söz yadigardır”, “Bakıda teatr görüşləri” layihələrinin müəllifidir.

Həmçinin onun türk dilindən tərcümə etdiyi T.Cücenoğlunun “Qadıncıqlar”, T.Özakmanın “Ocaq”, S.Şendilin “Yeddi ərli Hürmüz”, rus dilindən tərcümə etdiyi E.de Filipponun “Vinçenso de Pretori”, A.Ekzüperinin “Balaca şahzadə”, B.Şounun “Piqmalion”. A.Saqarelinin “Xanuma”, Hidəyətin “Bu dünyanın adamları” əsərləri Azərbaycan Dövlət Akademik Milli Dram Teatrında, Azərbaycan Dövlət Musiqili Teatrında, Azərbaycan Dövlət Rus Dram Teatrında, Azərbaycan Dövlət Kukla Teatrında, Gəncə Dövlət Dram Teatrında, İrəvan Dövlət Azərbaycan Dram Teatrında tamaşaya qoyulmuşdur.  

Azərbaycan Respublikası Prezidentinin Sərəncamına əsasən N.İsmayılzadə 2009-cu ildə “Dövlət qulluğunda fərqlənməyə görə” medalı ilə təltif olunmuşdur.

Azərbaycan Teatr Xadimləri İttifaqının üzvüdür.  

*      *      *

Salyan Dövlət Kukla Teatrının baş rejissoru, Azərbaycan Respublikasının Əməkdar artisti, Prezident mükafatçısı Mirzəyev Rafiq İsmayıl oğlu 1959-cu il mart ayının 22-də Bakı şəhərində anadan olmuşdur.

1984-cü ildə Azərbaycan Dövlət İncəsənət İnstitutunun dram və kino aktyorluğu fakültəsinə daxil olmuş, 1988-ci ildə oranı bitirmiş, Lənkəran Dövlət Dram Teatrında aktyor kimi çalışmışdır.

Lənkəran Dövlət Dram Teatrında Xlopov (“Müfəttiş”, N.V.Qoqol), Sandro (“Andro və Sandro”, G.Xuqaev), Leandr (“Skapenin kələkləri”, J.B.Molyer), Qaraçuxa (“Büst”, S.Səxavət), Çelentano (“Toyda Çelentano oxuyur”, Ə.Səmədli), Mirzə Hüseyn (“Toy”, S.Rəhman) və s. obrazlarını ifa etmişdir. 

1996-cı ildən Salyan Dövlət Kukla Teatrında baş rejissor vəzifəsində çalışır. İşlədiyi müddətdə F.Məmmədovun “Tələ quran özü düşər”, Ə.Səmədlinin “Cırtdan”, “Keçəlin toyu”, “Əhmədin vəfalı xoruzu”, “Artıq tamah baş yarar”, “Əzablı günlərin sonu”, Ü.Hacıbəylinin “Arşın mal alan”, A.Şaiqin “Danışan Kukla”, “Qaraca qız”, R.Rəhimovun “Göyçək Fatma”, Anarın “Qaravəlli”, İ.Coşqunun “Tülkü həccə gedir”, F.Ağayevin “Cırtdan və Sehrbaz”, R.Həsənlinin “Ağca və Sarıca”, S.Nuruqızının “Gəlinciklər”, O.Ümmanın “Qızıl balığın nağılı”, Y.Çernyakın “Güllü və Güloğlan”, Süleyman və Həmdiyyə Lətipovların “Kral və əks-səda”, R.Mirzənin “Hiyləgər tülkü və xoruz”, Ə.Ağayevin “Pişik balasının səhvi”, Ə.Əhmədovanın “Necə boz ayı, aldı ev payı”, A.Salmanlının “Sehrli kisəcik”, R.Kiplinqin “Başlı-başına gəzən pişik” pyeslərinə quruluş vermişdir.

Rafiq Mirzəyev mədəniyyət sahəsindəki xidmətlərinə görə 2018-ci ildə Azərbaycan Respublikasının Əməkdar artisti fəxri adına və Prezident mükafatına layiq görülmüşdür.

XƏBƏRLƏR

16.07.2019 19:22
Əməkdar memar, akademik Rasim Əliyevin 85 illik yubileyi qeyd olundu
16.07.2019 17:20
“YUĞ” Teatrında U.Şekspirin “III Riçard” əsərinin məşqlərinə başlanılıb
16.07.2019 15:45
Mədəniyyət Nazirliyinin dəstəyi ilə yeni kitablar işıq üzü görüb
16.07.2019 15:32
“Muzey əşyalarının daimi mühafizə portalı”nın yenidən işlənilmiş proqram təminatının istifadə qaydalarına dair təqdimat – treninqin ikinci mərhələsi keçirildi
15.07.2019 17:25
Mədəniyyət naziri Əbülfəs Qarayev Pakistan Gilgit-Baltistan əyalətinin baş naziri ilə görüşüb
15.07.2019 16:26
Azərbaycanlı tələbələr ölkəmizi Bolqarıstanda keçirilən beynəlxalq festivalda təmsil edib
15.07.2019 15:28
Ağstafada ulu öndərin hakimiyyətə gəlməsinin 50 illiyi münasibətilə tədbir keçirilib
15.07.2019 15:17
İmadəddin Nəsiminin yaradıcılığına həsr olunmuş rəsm müsabiqəsi davam edir
15.07.2019 14:11
İsmayıllıda ümummilli liderin hakimiyyətə gəlməsinin 50-ci ildönümünə həsr olunmuş tədbirlər keçirilib
15.07.2019 12:39
Şəkili Əməkdar müəllim: UNESKO-nun qərarı bütövlükdə Azərbaycan mədəniyyətinin uğuru və qələbəsidir
15.07.2019 12:32
Milli Dram Teatrı mövsümü “Qarabağnamə” ilə bağlayıb
15.07.2019 08:44
Azərbaycanın Əməkdar artisti, dirijor Əyyub Quliyev ölkəmizi beynəlxalq festivalda təmsil edib
15.07.2019 08:43
“Ürəyində arzu tut” tamaşası Şəkidə nümayiş edilib
15.07.2019 08:41
Professor Fırat Purtaş: UNESKO-nun Şəki barədə qərarı Azərbaycana şərəf gətirən tarixi bir uğurdur
12.07.2019 16:19
Ümummilli lider Heydər Əliyevin hakimiyyətə gəlişinin 50-ci ildönümünə həsr olunmuş dəyirmi masa təşkil edilib
12.07.2019 15:48
Milli Kitabxanada “Azərbaycan məktəbi” jurnalının 95 illiyi münasibətilə tədbir keçirilib.
12.07.2019 15:15
Milli Dram Teatrında mövsümün sonuncu tamaşası “Qarabağnamə” olacaq
12.07.2019 15:11
Musiqili Teatr mövsümə “O olmasın, bu olsun”la yekun vuracaq
12.07.2019 15:09
Xətai Sənət Mərkəzi uşaqlar üçün rəsm müsabiqəsi elan edib
12.07.2019 15:06
Kukla Teatrı 87-ci mövsümə yekun vurub
12.07.2019 14:38
İmadəddin Nəsimiyə həsr olunmuş fərdi jurnalist yazıları müsabiqəsinin qalibləri mükafatlandırıldı
12.07.2019 14:24
Azərbaycanda növbəti Nəsimi – şeir, incəsənət və mənəviyyat Festivalı keçiriləcək