Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2408

Yerli və xarici kütləvi informasiya vasitələrinin təmsilçiləri üçün mətbuat konfransı keçirildi

İyulun 1-də UNESCO-nun Dünya İrs Komitəsinin Bakıda keçirilən 43-cü sessiyasının plenar iclasından sonra yerli və xarici kütləvi informasiya vasitələrinin təmsilçiləri üçün mətbuat konfransı keçirildi.

Dünya İrs Komitəsinin 43-cü sessiyası ilə bağlı yaradılmış Təşkilat Komitəsinin sədri, mədəniyyət naziri Əbülfəs Qarayev çıxış edərək hər kəsi salamladı. Söylədi ki, Dünya İrs Komitəsinin növbəti illik sessiyasının Bakıda keçirilməsi çox mühüm hadisədir. İyunun 30-da Azərbaycan Respublikasının Prezidenti İlham Əliyevin və Birinci vitse-prezident Mehriban Əliyevanın UNESCO-nun baş direktoru Odre Azulenin rəhbərlik etdiyi nümayəndə heyəti ilə görüşləri ölkə rəhbərliyinin bu tədbirə nə qədər önəm verdiyinə sübutdur.

Nazir vurğuladı ki, Dünya İrs Komitəsinin hər il bir dəfə müxtəlif ölkədə keçirilən bu sessiyası UNESCO-nun il ərzində keçirdiyi ən mühüm tədbirlərdəndir: “Qonaqlarımızın dediklərindən də hiss olunur ki, onların Bakı, Azərbaycan, sessiyanın təşkilatçılıq işləri baxımından təəssüratları çox yaxşıdır. Hazırda 150-dən çox ölkədən 1500 nəfər iştirakçının bu tədbirlə bağlı Bakıya təşrif buyurduğunu rəsmən təsdiq olunub. İyulun 10-dək davam edəcək sessiyaya qatılmaq üçün qarşıdakı günlərdə bir neçə yüz nəfərin də paytaxtımıza gələcəyi gözlənilir. Təşkilat komitəsi təkcə gündəlikdə nəzərdə tutulmuş məsələlərin müzakirəsi ilə kifayətlənmir. Sessiya iştirakçıları üçün müxtəlif mədəni proqramlar və səfərlər də nəzərdə tutulub, paytaxtdakı bütün muzeylərə rahat ziyarət təmin edilib”.

UNESCO baş direktorunun müavini Ernesto Ottone qeyd etdi ki, bu gün qəbul edilmiş Bakı bəyannaməsi dünya miqyasında qeyri-maddi və mədəni irsin qorunması istiqamətində böyük addımdır. Qarşıdakı 10 gün ərzində bizi böyük işlər, səmərəli müzakirələr gözləyir.

Dünya İrs Mərkəzinin direktoru xanım Mextild Rossler “World Heritage” dərgisinin Bakı sessiyası münasibətilə Azərbaycana həsr edilmiş, ingilis və fransız dillərində çap olunmuş xüsusi buraxılışını və “World Heritage 2018-2019” xəritəsini təqdim etdi.

Sessiyada müzakirə ediləcək nominasiyaların hər birinin dünya mədəni irsinin qorunması baxımından xüsusi əhəmiyyət kəsb etdiyini deyən M.Rossler vurğuladı ki, bu sessiyada Bitliham kilsəsinin və Çilidəki qədim məzarlığın dağılmaq təhlükəsi olan abidələr siyahısından çıxarılmasının müzakirəsi çox sevindiricidir. Deməli, həmin abidələrin yerləşdiyi ölkələrdə UNESCO-nun göstərişləri nəzərə alınıb.

Sonra mətbuat nümayəndələrinin sualları cavablandırıldı. Azərbaycan jurnalistlərinin verdikləri suallar əsasən İranın Hirkan meşələrinin Qeyri-maddi irs siyahısına daxil edilməsi təklifi və münaqişə ocaqlarındakı təbiət və mədəniyyət abidələrinin qorunmasına dair qərarlar qəbul edən UNESCO-nun Azərbaycanın Ermənistan tərəfindən işğal edilmiş Dağlıq Qarabağ bölgəsindəki abidələrimizə qarşı təcavüzünün qarşısını almaq üçün hansı tədbirləri görə bilməsinə dair idi.

UNESCO baş direktorunun müavini Ernesto Ottone bildirdi ki, Azərbaycan ilə İran əraziləri vahid ekosistemə daxildir. Əgər Hirkan meşələri UNESCO-nun qurunan təbii irs siyahısına daxil olarsa, təşkilat Azərbaycana da bu sənədə qoşulmağı təklif edər.

Nazir Əbülfəs Qarayev işğal altındakı abidələrimizlə bağlı qeyd etdi ki, bu həssas məsələdə UNESCO-nun rəyinə, beynəlxalq ictimaiyyətin bu məsələyə diqqət yetirməsinə ehtiyac var.

E.Ottone əlavə etdi ki, siyasi gərginlik hökm sürən, döyüş əməliyyatı gedən regiona UNESCO ekspertlərinin səfəri üçün həm təhlükəsizlik təminatı verilməli, həm də həmin regiondakı bir neçə tərəfin təklifi daxil olmalıdır.

Mətbuat konfransının sonunda Əbülfəs Qarayev sessiyanın işinə diqqət yetirdiklərinə görə media təmsilçilərinə təşəkkür etdi və beynəlxalq tədbirin nəticələrinin uğurlu olacağına ümid bəslədiyini bildirdi.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb