Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
338

Ağsuda Əlibaba Məmmədovun 90 illiyi qeyd olunub

Ağsuda Xalq artisti Əlibaba Məmmədovun 90 illiyi münasibətilə uşaq musiqi məktəbinin təşkilatçılığı, rayon icra hakimiyyətinin və İsmayıllı Regional Mədəniyyət İdarəsinin dəstəyi ilə musiqisevərlərə geniş konsert proqramı təqdim olunub. Şəhər mədəniyyət sarayında təşkil olunan konsertdə yüzlərlə tamaşaçı iştirak edib.

Uşaq musiqi məktəbinin xanəndəlik şöbəsinin müdiri və müəllimi, Əlibaba Məmmədovun yetirməsi Kamil Ağayev böyük sənətkarın həyat və yaradıcılığı barədə danışıb. Vurğulayıb ki, 1930-cu il fevralın 5-də Bakının Maştağa kəndində dünyaya göz açan Əlibaba Məmmədov musiqi təhsilini 1953-1958-ci illərdə Azərbaycan Dövlət Musiqi Məktəbində xanəndə Seyid Şuşinskinin sinifində alıb. Azərbaycan xanəndəlik məktəbinin layiqli davamçısı kimi milli musiqi xəzinəsini daha da zənginləşdirən sənətkar özünəməxsus ifa üslubu, məlahətli səsi və yüksək səhnə mədəniyyəti ilə xalqın sevgisini qazanıb.

K.Ağayev “Əlibaba Məmmədovun 90 illiyinin qeyd edilməsi haqqında” Azərbaycan Respublikası Prezidentinin 2019-cu il 5 dekabr tarixli Sərəncamına diqqəti cəlb edərək, bu Sərəncamın dövlət başçısının Azərbaycan mədəniyyətinə, tanınmış sənət adamlarına diqqət və qayğısının nümunəsi kimi dəyərləndirib, bunun üçün Prezidentə musiqiçilər adından minnətdarlığını bildirib.

Ağsunun Quraqaşlı kəndindən konsertə gələn, 91 yaşlı Düldül Səmədov gənc yaşlarından Əlibaba Məmmədovun səsinə, özünəməxsus ifa məharətinə heyran olduğunu deyib: “Muğamı çox sevirəm. Əlibabanın ifasını dinləyəndə özümü həmişə ecazkar bir dünyada sanıram. O, mənim üçün dahi bir sənətkar olub və həmişə də belə qalacaq”.

 

AZƏRTAC

XƏBƏRLƏR

30.03.2020 14:47
Lənkəran Dövlət Dram Teatrı Koronavirusla Mübarizəyə Dəstək Fonduna vəsait köçürüb
30.03.2020 12:54
Rəqəmsal mühitdə yeni mədəni xidmətlər
30.03.2020 10:15
Bu gün görkəmli aktrisanın 75 yaşı tamam olur
29.03.2020 10:09
Mədəniyyət Nazirliyi yeni layihəyə start verib
28.03.2020 10:06
Mədəniyyət Nazirliyi televiziya kanallarına müraciət edib
27.03.2020 18:21
Rauf Yusuf oğlu Babayev
26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 17:38
Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb
19.03.2020 13:51
Prezident İlham Əliyevin Novruz bayramı münasibətilə Azərbaycan xalqına təbriki