Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
251

“Air Arabia” aviaşirkətin jurnalında Bakı haqqında məqalə dərc olunub

Mədəniyyət və Turizm Nazirliyi tərəfindən ölkəmizin turizm imkanlarının tanıdılması istiqamətində görülən işlər davam etdirilir. Müxtəlif ölkələrin mətbuat orqanlarında respublikamızla bağlı yazılar dərc olunur, tanıtım layihələri icra edilir.

Birləşmiş Ərəb Əmirliklərinin (BƏƏ) “Air Arabia” aviaşirkətinə məxsus “Nawras” jurnalının 2018-ci il yanvar sayında Bakı haqqında geniş məqalə dərc olunub. Ərəb və ingilis dillərində nəşr olunan jurnalda paytaxtımızın tarixi və müasir mənzərəsi öz əksini tapıb.   

“48 saat Bakıda” adlanan məqalədə müəllif iki gün ərzində paytaxtımızda gəzib gördüyü məkanlardan, qarşılaşdığı məqamlardan söz açır. Şəhərdə tarix və müasirliyin, Qərb və Şərq memarlığının harmoniya təşkil etdiyi vurğulanır: “Xəzər dənizi boyunca uzanan Bakı şəhəri buraya səyahət edənlərə zəngin mədəniyyət, yüksək zövqlü memarlıq abidələri və gözəl təbiət təklif edir. Bu şəhər haqqında çoxlu maraqlı faktlar var. Dəniz səviyyəsindən 28 metr aşağıda yerləşən Bakı həm də “Küləklər şəhəri” adlanır. Dünyada ilk dəfə açıq dənizdən neft məhz bu şəhərdə çıxarılıb. Müsəlman Şərqində ilk dəfə 1908-ci ildə opera (“Leyli və Məcnun”) nümayiş olunub”.

Müəllif Azərbaycanın son illər bir sıra beynəlxalq tədbirlərə uğurla ev sahibliyi etdiyini diqqətə çatdırır. Bildirilir ki, Bakı 2020-ci ildə futbol üzrə Avropa çempionatını qəbul edəcək şəhərlərdən biridir.

Məqalədə şəhərin keçmişinə, tarixi İpək Yolu üzərində yerləşməsinə, qədim ticarət və mədəniyyət mərkəzi kimi tanınmasına da geniş yer verilir. UNESCO-nun Dünya irsi siyahısına daxil edilən İçərişəhər, Qız qalası, Şirvanşahlar sarayı kimi tarixi memarlıq abidələri və müasir arxitektura nümunələrindən söz açılır. Qeyd olunur ki, son illər Azərbaycan böyük inkişaf yolu keçib, paytaxt Bakı daha da gözəlləşib. Bakı qədimliyin və müasirliyin vəhdət təşkil etdiyi şəhərdir. Qədim tikililərlə yanaşı, yeni inşa olunmuş binalar da memarlıq abidələrinə çevrilməkdədir. Bu baxımdan öz unikallığı ilə seçilən Heydər Əliyev Mərkəzi daha diqqət çəkicidir. Memarı Zaha Hadid olan bu bina müasir görünüşü ilə Bakıya gözəllik bəxş edir.

Yazıda paytaxtımızın mədəniyyət, incəsənət, elm və təhsil mərkəzi kimi böyük inkişaf yolu keçdiyi bildirilir. Müəllif şəhərdəki mədəniyyət ocaqlarından, muzeylərdən bəhs edərək, xarici turistlərin mütləq baş çəkməli olduğu məkanlardan danışır, Miniatür Kitab Muzeyini xüsusi vurğulayır.

Böyük neft və qaz ehtiyatları olan Azərbaycanın qədim tarixi, mədəniyyəti, təbii gözəllikləri ilə yanaşı, yüksək qonaqpərvərliyə və zəngin mətbəxə sahib olduğu da yazıda əksini tapıb.

Qeyd edək ki, “Air Arabia” aviaşirkəti Yaxın Şərqin aşağı qiymətlərə uçuşlar təklif edən şirkətlər arasında liderlərdən hesab olunur.

XƏBƏRLƏR

23.01.2018 18:04
Azərbaycan Respublikasının mədəniyyət və turizm naziri Xırdalan şəhərində vətəndaşları qəbul edəcək
23.01.2018 17:09
Milli İncəsənət muzeyində Tvinninq layihəsi tərəfindən “İtaliyada mədəniyyətin planlaşdırılmasında mövcud təşəbbüslərə dair nümunələr” mövzusunda təlim keçirilmişdir
23.01.2018 14:31
İtaliyada “Fikrini dəyişmək normaldır” adlı sərgi açılıb
23.01.2018 12:48
İrəvan teatrında “Ömür qatarı” tamaşasının premyerası olub
23.01.2018 12:31
Mingəçevir Turizm Kollecində görkəmli bəstəkar Qara Qarayevin 100 illik yubleyinə həsr olunmuş rəsm sərgisi və inşa yazı müsabiqəsi
22.01.2018 17:21
Mingəçevir Turizm Kollecində “20 Yanvar faciəsi tariximizin şərəf və qəhrəmanlıq səhifəsidir” adlı konfrans keçirilib
22.01.2018 16:30
Xaçmaz Regional Mədəniyyət və Turizm İdarəsinin tabeliyində fəaliyyət göstərən mədəniyyət müəssisələrində 20 Yanvar faciəsinə həsr edilmiş silsilə tədbirlər keçirilib
22.01.2018 14:13
20 Yanvar faciəsinin iyirmi səkkizinci ildönümü ilə əlaqədar filmlər nümayiş olunub
22.01.2018 12:02
Respublikamızın şəhər (rayon) Mədəniyyət Mərkəzlərində “20 Yanvar - xalqımızın qan yaddaşı unudulmur” silsilə tədbirləri təşkil edilmişdir
22.01.2018 11:25
Azərbaycan filmi Brüsseldə beynəlxalq festivalda nümayiş olunub
20.01.2018 15:54
Nazir Əbülfəs Qarayevin Portuqaliyaya səfəri davam edir
19.01.2018 17:56
Turizm və Menecment Universitetində “20 Yanvar Azərbaycanın qəhrəmanlıq salnaməsidir” mövzusunda “dəyirmi masa” keçirilib
19.01.2018 17:55
Ağstafa Regional Mədəniyyət və Turizm idarəsinin müəssisələrində 20 Yanvar Ümumxalq Hüzn Gününə həsr olunmuş bir sıra tədbirlər keçirib
19.01.2018 17:51
Q.Qarayev adına Mərkəzi İncəsənət Məktəbində 20 yanvar faciəsinə həsr olunmuş anım tədbiri keçirildi
19.01.2018 17:50
20 Yanvar faciəsinin ildönümü münasibəti ilə Milli İncəsənət Muzeyində tədbirlər
19.01.2018 15:59
Özbəkistanda 20 yanvar şəhidləri anıldı
19.01.2018 15:56
Mingəçevir Turizm Kollecində görkəmli bəstəkar Qara Qarayevin 100 illik yubileyi münasibəti ilə Bilik yarışı keçirilib
19.01.2018 15:53
Milanın La Skala səhnəsindən unudulmaz təəssürat
19.01.2018 15:53
Şəki Regional Mədəniyyət və Turizm İdarəsinin müəssisələrində 20 Yanvar faciəsinə həsr olunmuş tədbirlər keçirilmişdir
19.01.2018 15:50
Sabirabad rayon Mədəniyyət Mərkəzində 20 Yanvar şəhidlərinin əziz xatirəsinə həsr olunmuş tədbir keçirilmişdir
19.01.2018 12:25
EHTTA-nın İcraiyyə Şurasında Nazirlik təmsil olunur
19.01.2018 00:00
ADGTT-da 20 Yanvar hadisələrinin ildönümünə həsr olunan tədbir keçirilib
18.01.2018 17:50
Sumqayıt Regional Mədəniyyət və Turizm idarəsinin tabe müəssisələrində 20 Yanvar faciəsinin 28-ci ildönümü münasibətilə silsilə tədbirlər keçirilib
18.01.2018 16:54
“İrs” seriyasından yeni nəşr: “Qarabağ - əsrlərin salnaməsi” kitabının təqdimatı olub
18.01.2018 16:43
Musiqili Teatrının yanvar ayının son həftəsi üçün repertuarı
18.01.2018 16:35
İstiqlal Muzeyinin ekspozisiyasında “Sağalmayan yara” adlı tədbir-sərgi keçirildi