Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
662

Avropa Tarixi Termal Şəhərlər Assosiasiyasının növbəti Baş Assambleyası Yunanıstanın Loutra Pozar şəhərində keçirilir

Cari ilin 13-16 mart tarixində Yunanıstanın Loutra Pozar şəhərində Avropa Tarixi Termal Şəhərlər Assosiasiyasının (EHTTA) növbəti Baş Assambleyası keçirilir.

İclasda Afyon (Türkiyə), Ladek Zdroj (Polşa), Istiea (Yunanıstan), Clermont-Auvergne Métropole (Fransa), Archena (İspaniya), Baden Bei Wien (Avstriya), Monchique və Luso (Portuqaliya) şəhərləri Avropa Tarixi Termal Şəhərlər Assosiasiyasına bərabərhüquqlu üzv kimi qəbul olunması haqqında qərar verilmişdir.

Qəbələ şəhərinin 2019-cu ildə Assossiasiyaya üzv seçilməsi ilə bağlı Azərbaycan Respublikası Mədəniyyət Nazirliyinin nümayəndəsi, layihənin koordinatoru Günel Aslanova tərəfindən təqdimat keçirilmişdir. Qeyd etmək lazımdır ki, Assossiasiyaya üzv ölkələrin və elmi komitənin nümayəndələrinin iştirak etdiyi tədbirdə Qəbələ rayonunun termal infrastruktur imkanları və “Qəbələ Dövlət Tarixi Bədii Qoruğu” haqqında geniş məlumat verilmiş və təqdimat iştirakçılar tərəfindən böyük maraqla qarşılanmışdır.

Təqdimatdan sonra çıxış edən EHTTA-nın prezidenti Cüzeppe Bellandi Azərbaycanın son illər təşkilatda aktiv fəaliyyətini bəyəndiyini va görülən işlərin, əməkdaşlığın bundan sonra da davam edəcəyini qeyd etmişdir. Bu ilin iyun ayında təşkilatın mütəxəssislərinin YUNESKO-nun tədbirində iştirak etmək məqsədilə Azərbaycana səfəri çərçivəsində Qəbələ şəhərinə baş çəkəcəklərini və  şəhərin üzvlüyə qəbul olunacağını bildirdi.

Məlumat üçün bildiririk ki, EHTTA 2019-cu ildə 10-dan çox beynəlxalq sərgidə təmsil olunacaq və bu sərgilərdə təqdim olunacaq rəsmi kataloqlarda “Qalaaltı” haqqında da geniş məlumatlar yer alıb. Həmçinin, müxtəlif dillərdə nəşr olunan kataloq bu il ilk dəfə olaraq Azərbaycan dilində də üzv ölkələrə göndərilmişdir.

Onu qeyd etmək lazımdır ki, EHTTA-nın rəsmi saytında Azərbaycanda il ərzində keçiriləcək “Formula 1 Azerbaijan Grand Prix” yarışları, “Bakı prosesi” çərçivəsində həyata keçirilən V Mədəniyyətlərarası Dialoq Forumu, YUNESKO-nun Ümumdünya İrs Komitəsinin 43-cü sessiyası və digər mötəbər tədbirlər barədə ətraflı məlumatlar öz əksini tapıb.

Xatırladaq ki, 2016-cı ildə Qalaaltı kurortu Avropa Tarixi Termal Şəhərlər Assosiasiyasına (EHTTA) bərabərhüquqlu üzv seçilmiş və 2018-ci ilin may ayında isə EHTTA-nın Baş Assambleyası Qalaaltıda keçirilmişdir.

XƏBƏRLƏR

19.09.2019 16:07
Qobustan qoruğunda "Avropa İrs Günləri" qeyd olunub
19.09.2019 15:10
Nizami Kino Mərkəzində “Azərbaycanda Rusiya filmləri həftəsi”nin açılış mərasimi keçiriləcək
19.09.2019 12:53
Ölkəmiz MDB ölkələri Mədəni Əməkdaşlıq Şurasının iclasında təmsil olunur
19.09.2019 10:18
Vüqar Əlinin “Rənglərin ritmi” adlı fərdi sərgisi
19.09.2019 10:03
Qarabağ Muğam Mərkəzində Üzeyir Hacıbəylinin əsərlərindən ibarət konsert proqramı təqdim olunub
19.09.2019 09:02
Bakıda Üzeyir Hacıbəyli XI Beynəlxalq Musiqi Festivalının təntənəli açılış mərasimi olub
18.09.2019 19:29
Üzeyir Hacıbəyli dühası: "Xəlqilik, millilik, beynəlmiləllik”
18.09.2019 16:36
Özbəkistanda “Azərbaycan kinosu günləri” keçiriləcək
18.09.2019 15:50
Milli Musiqi Gününə həsr edilmiş növbəti tədbir Üzeyir Hacıbəylinin ev-muzeyində təşkil edilib
18.09.2019 15:45
Milli Kitabxanada “Üzeyir Hacıbəyli – milli mədəniyyət mücahidi” adlı tədbir təşkil edilib
18.09.2019 14:31
Bakı Musiqi Akademiyasında Milli musiqi günü ilə bağlı mərasim keçirilib
18.09.2019 13:33
Ölkəmizdə Milli musiqi günü qeyd olunur
18.09.2019 10:12
Heydər Əliyev Mərkəzində dünya xalqlarına məxsus unikal musiqi alətlərinin sərgisi açılıb
18.09.2019 09:56
“Azərbaycanfilm" kinostudiyasına yeni direktor təyin edilib
17.09.2019 18:21
Azərbaycan peşəkar milli teatrının 147-ci mövsümü başlandı
17.09.2019 15:30
Azərbaycan Dövlət Mahnı və Rəqs Ansamblı beynəlxalq festivalda ali mükafata layiq görülüb
16.09.2019 18:07
33 nömrəli Uşaq musiqi məktəbi əsaslı təmirdən sonra istifadəyə verildi