Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1415

Azərbaycan 83-cü Florensiya Beynəlxalq Əl İşləri Sərgisində təmsil olunur

Azərbaycan mədəniyyətinin və onun ayrı-ayrı nümunələrinin beynəlxalq müstəvidə tanıdılması, ölkəmizin mədəni irs nümunələrinin təbliği, habelə müvafiq sahədə fəaliyyət göstərən təşkilatların, fərdi şəxslərin dəstəklənməsi Mədəniyyət Nazirliyinin daim diqqətində olmuşdur.

"Azərbaycan Xalq Yaradıcılığının 2019-2023-cü illər üzrə İnkişafına dair Strateji Fəaliyyət Planı"na uyğun olaraq, mədəni irsimizin xarici ölkələrdə daha effektiv tanıdılması, mədəni sənayenin tərkib hissəsi olan məhsul və xidmətlərin ixrac potensialının araşdırılması və aidiyyəti tədbirlərin həyata keçirilməsi qarşıda duran əsas məqsədlərdəndir. Qeyd edilən fəaliyyət istiqamətinin təmin olunması, xalq dekorativ-tətbiqi və təsviri sənətinin inkişaf potensialından istifadə edilməsi, həmçinin mədəni irsimizin marketinqinin aparılması məqsədilə ölkəmiz İtaliyanın Florensiya şəhərində təşkil olunan 83-cü Beynəlxalq Əl İşləri Sərgisində iştirak edir.

Florensiya Beynəlxalq Əl İşləri Sərgisi 1931-ci ildən keçirilir və builki sərgi Leonardo da Vinçinin vəfatının 500-cü ilinə həsr edilib. Bu mötəbər tədbirdə 50-dən çox ölkə 600-dən artıq stendlə təmsil olunur.

Sərgidə Azərbaycanı Mədəniyyət Nazirliyinin əməkdaşları – Xalq yaradıcılığı və mədəni marşrutların inkişaf şöbəsinin müdiri Günel Aslanova, həmin şöbənin aparıcı məsləhətçiləri Elgün Əliyev və Eldəniz Ağayev və xalq dekorativ-tətbiqi və təsviri sənət ustaları təmsil edirlər.

Qeyd edək ki, "Azərbaycan mədəniyyətlərin kəsişməsində" adlandırılan milli stendimiz sərgi ziyarətçilərinin xüsusi diqqətini cəlb edir. Azərbaycanda olmaq istəklərini ifadə edən yerli sakinlərə və şəhərin əcnəbi qonaqlarına mədəniyyətimiz haqqında məlumat kitabçaları, xalq dekorativ-tətbiqi və təsviri sənətinini əks etdirən broşürlər təqdim edilir, bundan əlavə, ölkəmizin mədəniyyəti, milli mətbəxi, uyğun infrastrukturu, hər il keçirilən beynəlxalq tədbirlər barədə məlumatlar verilir.

Tədbir iştirakçıları Azərbaycanı sürətlə inkişaf edən, mədəniyyəti möhtəşəm, insanları mehriban olan ölkə kimi tanıdıqlarını bildirirlər.

Sərgi 2 may tarixinədək davam edəcəkdir.

XƏBƏRLƏR

23.08.2019 16:56
Cəbrayıl və Füzuli rayonlarının işğalının 26-cı ildönümü ilə əlaqədar anım tədbirləri keçirilmişdir
23.08.2019 15:22
Ağstafada “Yurd yerlərimiz yolumuzu gözləyir” adlı anım tədbiri təşkil edilib
22.08.2019 14:35
Daşkənddə azərbaycanlı alim Qulamhüseyn Əliyevin kitabının təqdimatı olub
22.08.2019 14:29
“Bir, iki – bizimki!” növbəti dəfə səhnədə...
21.08.2019 15:40
Bakıda “Salam” Beynəlxalq Yeniyetmə Kino Festivalı keçiriləcək
21.08.2019 10:52
“Şairə ithaf” adlı respublika rəsm müsabiqəsi davam edir
21.08.2019 09:00
Maestro Niyazinin xatirəsi anılıb
20.08.2019 15:43
“Cəhənnəm sakinləri” yenidən səhnədə...
20.08.2019 15:39
Nazir müavini Rafiq Bayramov Avrasiya Xalqları Assambleyasının nümayəndə heyəti ilə görüşüb
19.08.2019 16:53
Qazaxda Xalq şairi Mirvarid Dilbazinin xatirəsi anılıb
19.08.2019 16:23
Lənkəran Dövlət Dram Teatrı İranda “Adət-Ənənə” Milli Teatr Festivalında iştirak edib
19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb