Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1957

Azərbaycan Dövlət Gənc Tamaşaçılar Teatrının 90 illiyi qeyd edildi

Dekabrın 7-də Azərbaycan Dövlət Gənc Tamaşaçılar Teatrının 90 illik yubileyi təntənəli şəkildə qeyd edilib.

Yubiley gecəsində dövlət və hökumət üzvləri, Milli Məclisin deputatları, tanınmış mədəniyyət və incəsənət xadimləri iştirak ediblər.

Tədbirdə çıxış edən Azərbaycan Respublikasının mədəniyyət naziri Əbülfəs Qarayev ölkəmizdə teatr sənətinin inkişafına göstərilən dövlət qayğısından, bu sahədə son illər aparılan islahatlardan, eləcə də Gənc Tamaşaçılar Teatrının tarixi keçmişindən, qazandığı uğurlardan söz açıb.

“Teatr sənəti Azərbaycan xalqının tarixində özünəməxsus yer tutur. Azərbaycan xalqı özünü teatrsız təsəvvür edə bilməz. Xalqımızın mədəniyyət tarixində teatrın böyük rolu var. 147-ci mövsümünü yaşayan Azərbaycan teatrı xalqımızın inkişafında əvəzsiz rol oynayıb. Bu il artıq 3-cü teatrın yubileyini qeyd edirik. Bu yubileylər öz-özlüyündə keçirilən yola yenidən nəzərə salmağa və gələcəyə doğru yeni istiqamətlər açmağa imkan verir. “Azərbaycan teatrı 2009-2019-cu illərdə” Dövlət Proqramı teatrın simasını tamamilə dəyişib. Ötən 10 il ərzində bu sahədə inqilabi dəyişikliklər baş verib” - deyə nazir diqqətə çatdırıb.

Bildirilib ki, Azərbaycan teatr sənətinin, teatr xadimlərinin həm maddi, həm də mənəvi cəhətdən dəyərləndirilməsi ölkə başçısının daim diqqət mərkəzindədir. Belə ki, öz yaradıcılığı ilə fərqlənən sənət ustalarına Azərbaycan Respublikasının fəxri adları, Prezident mükafatları və Prezident təqaüdləri verilir, onların əməyi ölkənin ən yüksək mükafatlarına – orden və medallarına layiq görülür.

Teatrlarımızın beynəlxalq festivallarda iştirakı mədəniyyət siyasətimizin prioritet istiqamətlərindən biri kimi daim dəstəklənir və bu sahəyə xüsusi önəm verilir. Ötən illər ərzində Azərbaycan teatrları dünyanın 30-dan artıq ölkəsində keçirilən beynəlxalq tədbirlərdə, festivallarda respublikamızı uğurla təmsil edib.

2018-ci ilin Azərbaycan teatr həyatı üçün xüsusilə əlamətdar bir il olduğunu söyləyən Ə.Qarayev deyib ki, ölkə başçısının müvafiq sərəncamları ilə bu il Mingəçevir və Sumqayıt Dövlət Dram teatrlarının 50 illik yubileyləri yüksək səviyyədə qeyd edilib.

Ə.Qarayev diqqətə çatdırıb ki, ümummilli lider Heydər Əliyevin teatr sənətinə xüsusi diqqət və qayğısının nəticəsi olaraq Azərbaycan teatrı ötən əsrin 70-ci illərdən başlayaraq parlaq yaradıcı uğurlara və davamlı inkişafa nail olub. “Müasir dövrümüzdə ulu öndər Heydər Əliyevin uğurlu siyasətini layiqincə davam etdirən Prezident İlham Əliyevin teatr sahəsinə göstərdiyi qayğı nəticəsində ölkə teatrlarının yaradıcılıq axtarışları daim dəstəklənib və maddi-texniki bazası möhkəmləndirilib, müasir tələblərə cavab verən avadanlıqlarla təmin olunub. Gənc Tamaşaçılar Teatrı da bu qayğıdan kənarda qalmayıb, teatrın binasında 2007-ci ildə əsaslı təmir-bərpa işləri aparılıb. Açılış mərasimində Prezident İlham Əliyev və Birinci vitse-prezident Mehriban Əliyeva iştirak ediblər. Ümid edirəm ki, 90 illik yubiley ərəfəsində sənət ocağında zəhməti olan əməkdaşlar dövlətimizin başçısı tərəfindən mükafatlandırılacaq ”, - deyə Ə.Qarayev vurğulayıb.

90 yaşını qeyd edən sənət ocağında bugünədək 600-dək yeni səhnə əsərinin hazırlanmasına diqqət çəkən nazir deyib ki, teatr hər zaman istər böyüklər, istərsə də uşaqların ən sevimli məkanı olaraq qalır.

Əbülfəs Qarayev deyib: “Bu gün təkcə Gənc Tamaşaçılar Teatrının bayramı deyil, həm də Azərbaycan teatr həyatının, teatrsevərlərin bayramıdır. Bir daha hamınızı bu bayram münasibətilə təbrik edir, Azərbaycan teatrının inkişafı uğrunda göstərdiyiniz dəyərli xidmətlərə görə, hamınıza təşəkkür edirəm. Teatrın kollektivinə yaradıcılıq uğurları arzulayıram, bayramınız mübarək”.

Sonra teatrın repertuarında xüsusi yer tutan bir sıra səhnə əsərlərindən hisslər təqdim olunub.

XƏBƏRLƏR

18.10.2019 17:22
Bakı şəhərində “Ustad dərslər” layihəsi həyata keçirilib
18.10.2019 17:20
Azərbaycanın Dövlət Müstəqilliyi Günü münasibətilə Daşkənddə sərgi açılıb
18.10.2019 16:31
Nizami Gəncəvinin “Yeddi gözəl” əsəri Daşkənddə özbək dilində işıq üzü görüb
18.10.2019 14:21
Yaradıcı əməyə verilən qiymət
18.10.2019 12:49
Almaniyada İmaddədin Nəsiminin 650 illiyi ilə bağlı tədbir keçirilib
18.10.2019 10:28
Azərbaycan Respublikasının Mədəniyyət naziri və nazir müavini bölgələrdə vətəndaşları qəbul edəcək
18.10.2019 09:42
ICOM Azərbaycan Milli Komitəsinin yeni sədri seçilib
18.10.2019 09:19
Azərbaycan Milli Kitabxanası ilə Berlin Universiteti arasında əməkdaşlıq haqqında Memorandum imzalanıb
18.10.2019 09:15
Muğam Mərkəzində “Solistlər ansamblı”nın müasir musiqidən ibarət konserti olub
18.10.2019 09:10
Musiqili Teatr beynəlxalq festivalda uğurla iştirak edib
17.10.2019 16:34
Ölkəmiz 71-ci Frankfurt Beynəlxalq Kitab Sərgisində təmsil olunur
17.10.2019 16:07
“Solistlər ansamblı”nın müasir musiqidən ibarət konserti maraqla qarşılanıb
17.10.2019 13:55
Finlandiya teatrının Bakı səhnəsində “Gediş”i
17.10.2019 12:33
M.A.P. festivalında “Universal hadisə”
17.10.2019 12:27
UNESKO-nun baş qərargahında Nəsiminin anadan olmasının 650 illiyi təntənəli şəkildə qeyd edilib
17.10.2019 11:45
Macarıstanda keçirilən tədbirdə Mərkəzi İncəsənət məktəbinin nümayəndə heyəti iştirak edib
17.10.2019 10:20
Respublika Uşaq Kitabxanasında “Türk birliyinə aparan yol” adlı tədbir keçirildi
17.10.2019 09:03
Tanınmış yazıçı-dramaturq və kinorejissor Əmir Pəhləvanın 60 illiyi qeyd olunub
16.10.2019 17:47
Azərbaycan Rəngkarlığı Muzeyində “Danışır Bakı: 1900-1940-cı illər” adlı sərgi açılıb
16.10.2019 15:49
Sumqayıt şəhər Heydər Əliyev Mərkəzində müsabiqə laureatları tətif edilib
16.10.2019 15:34
Abdulla Şaiqin xatirəsi anılıb
16.10.2019 14:20
Lənkəranda Respublika Folklor Festivalının seçim mərhələsi keçirildi
16.10.2019 09:59
Qazaxıstanın Mədəniyyət və Təhsil nazirləri ADMİU-da olub
16.10.2019 09:37
Qazaxıstanlı qonaqlar Bakı Xoreoqrafiya Akademiyasında olublar
16.10.2019 09:24
Bakıda Dağıstan poeziyasının görkəmli nümayəndəsi Stalskinin 150 illiyi qeyd olunub
16.10.2019 09:14
Nizami Kino Mərkəzində görkəmli şair Andrey Dementyevin xatirəsinə həsr edilmiş filmin təqdimatı olub
15.10.2019 18:48
Teatrımızın canlı ensiklopediyası İlham Rəhimlinin 70 illiyi qeyd olunub
15.10.2019 14:24
Beyləqanda Dərbənd Dram Teatrının tamaşası təqdim olunub