Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
602

Azərbaycan Milli Kitabxanası Sofiya şəhərində keçirilən Beynəlxalq Elmi Konfransda ölkəmizi təmsil edib

10-11 dekabr 2018-ci il tarixində Sofiya şəhərində Müqəddəs Kiril və Metodiy adına Bolqarıstan Milli Kitabxanasında kitabxananın yaranmasının 140 illik yubileyi münasibətilə “Könüllü ianə dəstəyi və ianə-baxış mədəniyyəti” adlı Beynəlxalq Elmi Konfrans keçirilib.

Tədbirdə tanınmış mədəniyyət xadimləri, həmçinin ölkəmizin Bolqarıstandakı səfiri Nərgiz Qurbanova,  Albaniya Respublikasının Bolqarıstandakı səfiri Donika Hoxha və digər səlahiyyətli şəxslər iştirak ediblər.

Əvvəlcə kitabxananın direktoru professor Krasimira Aleksandrova tədbiri açaraq bütün qonaqları salamlayıb. Latviya Milli Kitabxanasının icraçı direktoru Dzintra Mukane, Kitabxanaşünaslıq və İnformasiya Texnologiyaları Universitetinin professoru Aleksandra Kumanova və doktor Nikolay Vasilev, Bolqarıstan Dövlət Arxiv Agentliyinin sədri professor Mixail Qruev və agentliyin eksperti doktor Milena Todorakova, Ortodoks bloq “Dobrotolyubie”-nin baş redaktoru Angel Karadokov, Bosniya və Herseqovina Milli və Universitet Kitabxanasının direktoru İsmət Ovcina, Macarıstan Milli Kitabxanasının Beynəlxalq və mədəni əlaqələr şöbəsinin müdiri Peter Antalflay, kitabxananın arxivisti professor Milkana Boşnakova, Müqəddəs Kliment Orxidskiy Sofiya Universitetinin professor Aleksandr Dimçev, Varna “Penço Slaveykov” Regional Kitabxananın baş kitabxanaçısı Kristiana Dimçeva, Yunanıstan Milli Kitabxanasının baş direktoru doktor Filippos Tsimpoglou, Rumıniya Milli Kitabxanasının Marketinq və kommunikasiyalar şöbəsinin kitabxanaçısı Letitia Konstantin, Xüsusi kolleksiyalar şöbəsinin müdiri doktor Anca Andreescu, Ukrayna Boqdan Kmelnitski adına Dövlət Pedaqoji Universitetinin professoru Sergey Paçev və digərləri müxtəlif mövzularda maraqlı məruzə və təqdimatlarla çıxış edib, müzakirələr aparıblar.

Ölkəmizi Azərbaycan Milli Kitabxanasının direktor müavini, Əməkdar mədəniyyət işçisi Ədibə İsmayılova təmsil edib. O, əvvəlcə Müqəddəs Kiril və Metodiy adına Bolqarıstan Milli Kitabxanasının rəhbərliyini və əməkdaşlarını kitabxananın yaranmasının 140 illik yubileyi münasibətilə təbrik edib.

Direktor müavini “Azərbaycan  Milli   Kitabxanası Azərbaycan  xalqının  milli  sərvətidir” adlı məruzə və təqdimat ilə çıxış edib, Azərbaycanın mədəniyyəti ilə bağlı nəfis tərtibatlı kitabı kitabxanaya hədiyyə edib.

Konfransın ikinci günü 2 bölmədə çıxışlar davam edib, Bolqarıstan Elmlər Akademiyasının Mərkəzi Kitabxanası, Tarix Elmləri İnstitutu, Etnologiya Muzeyi, Ruse “L.Karavelov” Regional Kitabxanası, Shumen “Stiliyam Çilingirov” Regional Kitabxanası,Plovdiv Regional Tarix Muzeyi və digər elmi müəssisələrin əməkdaşları muzeylərdə ianə kompaniyaları, hədiyyələr, bibliofillər, müasir mədəni filantropiya, donorların axtarılması, kitabxanaların fandrayzinq fəaliyyəti, kitabxanalar və biznes, könüllülük və xeyriyyəçilikdə təşəbbüslər, rəqəmsal ianələr, ianələr mədəni kolleksiyaların yaradılmasında vacib faktor kimi, kitab sərgilərində ianələrvə s. uyğun mövzularda məruzələr ediblər.

Ədibə İsmayılova həmçinin ölkəmizin Bolqarıstandakı Səfirliyində olaraq xanım səfir Nərgiz Qurbanova ilə görüşüb, iki ölkənin milli kitabxanaları arasındakı mədəni əlaqələrdən və gələcək işlərdən danışıblar. Direktor müavini səfirimizə mədəniyyətimiz ilə bağlı kitablar hədiyyə edib.

XƏBƏRLƏR

19.09.2019 16:07
Qobustan qoruğunda "Avropa İrs Günləri" qeyd olunub
19.09.2019 15:10
Nizami Kino Mərkəzində “Azərbaycanda Rusiya filmləri həftəsi”nin açılış mərasimi keçiriləcək
19.09.2019 12:53
Ölkəmiz MDB ölkələri Mədəni Əməkdaşlıq Şurasının iclasında təmsil olunur
19.09.2019 10:18
Vüqar Əlinin “Rənglərin ritmi” adlı fərdi sərgisi
19.09.2019 10:03
Qarabağ Muğam Mərkəzində Üzeyir Hacıbəylinin əsərlərindən ibarət konsert proqramı təqdim olunub
19.09.2019 09:02
Bakıda Üzeyir Hacıbəyli XI Beynəlxalq Musiqi Festivalının təntənəli açılış mərasimi olub
18.09.2019 19:29
Üzeyir Hacıbəyli dühası: "Xəlqilik, millilik, beynəlmiləllik”
18.09.2019 16:36
Özbəkistanda “Azərbaycan kinosu günləri” keçiriləcək
18.09.2019 15:50
Milli Musiqi Gününə həsr edilmiş növbəti tədbir Üzeyir Hacıbəylinin ev-muzeyində təşkil edilib
18.09.2019 15:45
Milli Kitabxanada “Üzeyir Hacıbəyli – milli mədəniyyət mücahidi” adlı tədbir təşkil edilib
18.09.2019 14:31
Bakı Musiqi Akademiyasında Milli musiqi günü ilə bağlı mərasim keçirilib
18.09.2019 13:33
Ölkəmizdə Milli musiqi günü qeyd olunur
18.09.2019 10:12
Heydər Əliyev Mərkəzində dünya xalqlarına məxsus unikal musiqi alətlərinin sərgisi açılıb
18.09.2019 09:56
“Azərbaycanfilm" kinostudiyasına yeni direktor təyin edilib
17.09.2019 18:21
Azərbaycan peşəkar milli teatrının 147-ci mövsümü başlandı
17.09.2019 15:30
Azərbaycan Dövlət Mahnı və Rəqs Ansamblı beynəlxalq festivalda ali mükafata layiq görülüb
16.09.2019 18:07
33 nömrəli Uşaq musiqi məktəbi əsaslı təmirdən sonra istifadəyə verildi
16.09.2019 17:50
Yeni tədris ilinə böyük inamla