Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
745

Azərbaycan Musiqi Mədəniyyəti Dövlət Muzeyinə Türkiyədən musiqi alətləri hədiyyə olundu

Martın 15-də Muzey Mərkəzində Azərbaycan Musiqi Mədəniyyəti Dövlət Muzeyinə hədiyyə olunmuş Türkiyənin musiqi alətlərinin təqdimat mərasimi keçirildi.
Mərasimdə çıxış edən muzeyin direktoru, Əməkdar mədəniyyət işçisi Alla Bayramova mədəniyyət ocağının fəaliyyəti haqqında məlumat verdi. Bildirdi ki, hazırda muzeydə 60 min eksponat qorunur. Türkiyə ilə yanaşı bir neçə ölkədən də muzeyə hədiyyə olunmuş eksponatlar yer alır.
Direktor qeyd etdi ki, Türkiyə Cümhuriyyəti Xarici İqtisadi Əlaqələr Qurumunun (DEİK) Türkiyə-Azərbaycan İşgüzar Şurasının rəhbəri Selcuk Akat tərəfindən musiqi alətləri ustası Feridun Obul tərəfindən hazırlanan cura, tütək, Qara dəniz kamançası, Qabaq kamanı kırbız, qoşanağara, lavta, nefir, zurna, ney, sipsi və cümbüş (iki ədəd) – ümumilikdə 12 türk musiqi aləti təqdim muzeyə hədiyyə olunub. Bu musiqi alətlərinin muzeyin ekspozisiyasını daha da zənginləşdirdiyini deyən A.Bayramova dəyərli hədiyyələrə görə öz minnətdarlığını ifadə etdi.
Tədbirdə çıxış edən mədəniyyət naziri Əbülfəs Qarayev Azərbaycanın muzey şəbəkəsində xüsusi yer tutan Musiqi Mədəniyyəti Dövlət Muzeyi ölkəmizin musiqi dünyası haqqında əyani təsəvvür yaratdığını bildirdi.
Bu gün Azərbaycan mədəniyyətinin inkişaf dövrünü yaşadığını qeyd edən nazir martın 1-də Prezident İlham Əliyevin və Birinci vitse-prezident Mehriban Əliyevanın mədəniyyət və incəsənət nümayəndələri ilə görüşünün ictimaiyyət tərəfindən olduqca maraqla qarşılandığını dedi: “Həmin görüşdə Azərbaycanda musiqi alətləri kolleksiyasının yaradılması təklifi irəli sürüldü. Bugünkü tədbir də bu baxımdan çox əhəmiyyətlidir”.
Azərbaycan musiqisinin zənginliyindən danışan nazir vurğuladı ki, muğam, tar, kamança və aşıq sənətimiz UNESCO-nun Qeyri-maddi mədəni irs siyahısında yer alaraq bəşəri status qazanıb.
Əbülfəs Qarayev iki qardaş ölkə arasında bütün sahələrdə olduğu kimi, mədəniyyət sahəsində də əlaqələrin yüksək səviyyəsindən məmnunluğunu bildirdi: “Türkiyə və Azərbaycan qardaş ölkələr olaraq mədəniyyət sahəsində də uğurla əməkdaşlıq edirlər. Qarşılıqlı mədəni tədbirlər, təqdimatlar keçirilir. Qeyd etmək istəyirəm ki, bu yaxınlarda Ankara və İstanbul şəhərlərində Azərbaycanın böyük şairi İmadəddin Nəsiminin 650 illik yubileyini geniş şəkildə qeyd etdik. Bir neçə gün öncə Türkiyənin ölkəmizdəki səfirliyində Novruz bayramına həsr olunmuş gözəl bir tədbir keçirildi. Bütün bunlar mədəniyyət sahəsində münasibətlərimiz haqqında aydın təsəvvür yaradır”.
Nazir sonda Azərbaycan Musiqi Mədəniyyəti Dövlət Muzeyinə hədiyyə olunmuş musiqi alətlərinə görə qardaş ölkənin səfirliyinə, Türkiyə Cümhuriyyətinin Xarici İqtisadi Əlaqələr Qurumuna öz minnətdarlığını bildirdi.
Mərasimdə çıxış edən Beynəlxalq Türk Mədəniyyəti və İrsi Fondunun prezidenti Günay Əfəndiyeva türk dünyasının ayrılmaz hissələri olan Türkiyə və Azərbaycan arasında dostluq əlaqələrindən və əməkdaşlıqdan söz açdı. Vurğuladı ki, bugünkü tədbir türk dünyasının böyük oğlu, Azərbaycan xalqının ümummilli lideri Heydər Əliyevin “Bir millət, iki dövlət” kəlamının daha bir təzahürüdür.
Beynəlxalq Türk Mədəniyyəti və İrsi Fondunun fəaliyyətindən bəhs edən G.Əfəndiyeva bildirdi ki, qurumun başlıca məqsədlərindən biri türk dünyasının mədəni irsinin, o cümlədən musiqisinin qorunub saxlanılması və dünyada təbliğidir. O, türkdilli ölkələrin mədəni irsinin daha dərindən öyrənilməsi və geniş auditoriyaya çatdırılması məqsədilə Fondun himayəsi altında Azərbaycan Musiqi Mədəniyyəti Dövlət Muzeyinin nəzdində “Türk Dünyasının Musiqi Alətləri Mərkəzi”nin yaradılmasını təklif etdi.
Türkiyənin ölkəmizdəki səfiri Erkan Özoral çıxışında iki ölkəni qardaşlıq əlaqələri ilə yanaşı, güclü mədəniyyət bağlılıqlarının da olduğunu dedi. Qeyd etdi ki, bu kontekstdə musiqi sahəsinin məxsusi yeri var. Hər iki ölkənin zəngin musiqi ənənələrinin olduğunu qeyd edən səfir bu sahədə əlaqələrin daha da inkişafının diqqətdə saxlanılmasının əhəmiyyətli olduğunu vurğuladı.
Türkiyə Cümhuriyyətinin Xarici İqtisadi Əlaqələr Qurumunun Türkiyə- Azərbaycan İşgüzar Şurasının rəhbəri Selcuk Akat çıxış edərək tədbirin əhəmiyyətindən söz açdı. Qeyd olundu ki, bu cür təqdimatların keçirilməsi mədəniyyət sahəsində əlaqələrin daha da inkişafına xidmət edir.
Tədbir Azərbaycan Musiqi Mədəniyyəti Dövlət Muzeyinin Qədim musiqi alətləri ansamblının ifasında konsert proqramı ilə davam etdi.

XƏBƏRLƏR

20.05.2019 17:14
“Zeytun ağacları” beynəlxalq mədəni marşrutunun ekspert qrupu ölkəmizdə səfərdədir
20.05.2019 16:32
Xaçmazda Muzeylər gününə həsr olunmuş tədbir keçirilib
20.05.2019 15:32
Astara Tarix-Diyarşünaslıq Muzeyində Beynəlxalq Muzeylər Gününə həsr olunmuş tədbir keçirilib
20.05.2019 15:11
Mədəniyyət Nazirliyi ilə Yeni Azərbaycan Partiyası arasında əməkdaşlığa dair birgə Fəaliyyət planı imzalandı
20.05.2019 15:00
Xalça Muzeyində “Həyat gözəldir” adlı musiqili-ədəbi gecə təşkil ediləcək
20.05.2019 14:58
Qax rayonunda fəaliyyət göstərən muzeylərdə “Açıq qapı” günü keçirilib
20.05.2019 14:36
Azərbaycan “Gənc ulduzlar-2019” Xeyriyyə Festivalında təmsil olunub
20.05.2019 14:18
Cəfər Cabbarlının anadan olmasının 120 illiyi münasibətilə tədbir keçiriləcək
20.05.2019 14:15
UNESCO-nun Dünya İrs Komitəsinin Bakıda keçiriləcək sessiyasına hazırlıq müzakirə olundu
20.05.2019 12:39
Gənc Prezident təqaüdçülərinin iştirakı ilə konsert-festival keçiriləcək
18.05.2019 18:23
18 may dünyanın hər yerində Beynəlxalq Muzeylər Günü kimi qeyd olunur
18.05.2019 18:11
Hüseyn İbrahimovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
18.05.2019 16:21
Bişkekdə İmadəddin Nəsiminin 650 illik yubileyinə həsr olunmuş tədbirlər davam edir
18.05.2019 09:20
Filarmoniyada Xalq artisti Roza Cəlilovanın 90 illiyi qeyd edilib
17.05.2019 18:24
“Muzeylər Park Bulvarın qonaqları” adlı tədbirin açılış mərasimi keçirildi
17.05.2019 17:39
“Qızıl Kəlmə” ədəbi mükafatının qalibləri təltif olundu
17.05.2019 16:45
Milli Qəhrəman Şahlar Şükürova həsr olunmuş “Bir elin Şahları” filminin təqdimatı keçirilib
17.05.2019 16:37
Qara Qarayevin Ev-Muzeyində “Balet Ömrüm Mənim” sənədli filminə baxış keçirilib
17.05.2019 15:32
Azərbaycan Respublikasının Mədəniyyət naziri və nazir müavinləri bölgələrdə vətəndaşları qəbul edəcək
17.05.2019 15:11
Milli İncəsənət Muzeyinin təmirdən çıxmış yeni korpusunun açılışı və “Museum.az” saytının təqdimatı keçirildi
17.05.2019 11:04
Xaçmazın ən çox kitab oxuyan sakinləri mükafatlandırılıb
17.05.2019 10:57
Respublika Uşaq Kitabxanasında “Nəsiminin söz qüdrəti” adlı ədəbi-bədii gecə keçirilib
17.05.2019 10:16
Azərbaycanın milli musiqi alətləri Qazaxıstanın İxlas adına Xalq Musiqi Alətləri muzeyinə hədiyyə edilib
17.05.2019 09:56
“Bölgələrdən bölgələrə” yaradıcılıq festivalının növbəti ünvanı Şamaxı şəhəri olub
17.05.2019 09:51
Azərbaycan Asiya mədəniyyət və turizm sərgisində iştirak edir
17.05.2019 09:40
Dövlət Pantomima Teatrının 25 illiyi təntənəli şəkildə qeyd olunub
16.05.2019 17:29
Bəstəkarlar İttifaqında Şuşa musiqi məktəbi şagirdlərinin konserti olub