Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
480

Azərbaycan nümayəndə heyəti VII Sankt-Peterburq Beynəlxalq Mədəniyyət Forumunda yaxından iştirak edir

Xəbər verdiyimiz kimi, 15-17 noyabr tarixində keçirilən VII Sankt-Peterburq Beynəlxalq Mədəniyyət Forumunda Azərbaycandan mədəniyyət naziri Əbülfəs Qarayevin rəhbərliyi ilə geniş nümayəndə heyəti iştirak edir. Nümayəndə heyətinin üzvləri forumun sessiyalarında, müxtəlif toplantılarda iştirak edir, işgüzar görüşlər keçirir, əməkdaşlıq məsələlərini müzakirə edirlər.

* * *

Azərbaycan Xalça Muzeyinin direktoru, Əməkdar mədəniyyət işçisi Şirin Məlikova forum çərçivəsində “Muzeylər və kolleksiyaların əlçatanlığı”, “Mədəniyyətə sərmayələr”, “Muzeylər və qanun”, “Mədəniyyətdə brendlər: şəxsi brenddən ölkənin təqdimatınadək” sessiyalarında iştirak edib.

Xalça Muzeyinin direktoru həmçinin VII Sankt-Peterburq Beynəlxalq Mədəniyyət Forumunda Sənətkarlıq konqresinin iclasına qatılıb. Burada Rusiya nümayəndəsi ilə Azərbaycanın gələn il konqresdə iştirakı məsələsi müzakirə edilib.

Şirin Məlikovanın Sankt-Peterburqdakı Rusiya Etnoqrafiya Muzeyinin direktoru ilə görüşdə görüşündə 2019-2020-ci illər üzrə planlar müzakirə olunub. Qeyd edək ki, bu muzeylə Azərbaycan Xalça Muzeyi arasında əməkdaşlıq müqaviləsi var.

Moskva Biennalesinin direktoru ilə görüşdə isə Moskvanın bu məşhur sərgi meydançasında Azərbaycan Xalça Muzeyinin kolleksiyasından nümunələrin sərgisinin təşkili imkanları müzakirə olunub.

* * *

Forum çərçivəsində, noyabrın 15-də Azərbaycan Dövlət Rəssamlıq Akademiyası (ADRA) və İ.Repin adına Sankt-Peterburq Akademik Rəssamlıq, Heykəltəraşlıq və Memarlıq İnstitutu arasında əməkdaşlıq sazişi imzalanıb. Sənədi ADRA-nın rektoru, Xalq rəssamı, akademik Ömər Eldarov və İ.Repin adına institutun rektoru, Rusiya Rəssamlıq Akademiyasının akademiki Semyon Mixaylovski imzalayıblar. İmzalanma mərasimində Rusiya Federasiyası Hökuməti sədrinin müavini Olqa Qolodets iştitak edib.

Qeyd edək ki, oktyabrın 26-da VI Bakı Beynəlxalq Humanitar Forumunun fəxri qonağı olan Olqa Qolodets Azərbaycan Dövlət Rəssamlıq Akademiyasını ziyarət etmişdi. Qonağa 2000-ci ildə ümummilli lider Heydər Əliyevin fərmanı ilə yaradılan akademiya haqqında ətraflı məlumat verilmişdi. Burada tədris prosesi, akademik təhsilin səviyyəsi ilə tanış olan O.Qolodets 18 illik fəaliyyət dövründə belə nəticələr əldə olunmasını yüksək qiymətləndirmiş və ADRA rəhbərliyini Sankt-Peterburq Beynəlxalq Mədəniyyət Forumuna dəvət etmişdi.

ADRA və Sankt-Peterburq Akademik Rəssamlıq, Heykəltəraşlıq və Memarlıq İnstitutu arasında əməkdaşlıq sazişi qarşılıqlı təcrübə mübadiləsi, tələbə mübadiləsi, birgə tədbirlərin keçirilməsi və digər məsələləri əhatə edir. Azərbaycan nümayəndə heyəti Repin adına institutu ziyarət edərək tədris ocağının fəaliyyəti ilə tanış olub.

* * *

Azərbaycan Milli Konservatoriyasının rektoru, Xalq artisti, professor Siyavuş Kərimi Forumun müvafiq sessiyasında çıxışı zamanı rəhbərlik etdiyi təhsil müəssisəsinin fəaliyyəti haqqında məlumat verib. Diqqətə çatdırıb ki, Azərbaycan musiqi sənəti muğam və aşıq sənəti üzərində təşəkkül tapıb və 2000-ci ildə ümummilli lider Heydər Əliyevin fərmanı ilə yaradılan Azərbaycan Milli Konservatoriyasında bu istiqamətdə tədris, həmçinin tədqiqat işləri həyata keçirilir.

Vurğulanıb ki, qədim muğam sənəti Hindistandan İspaniyayadək geniş bir coğrafiyanı əhatə etməklə əsrlər boyu Azərbaycan sənətkarları tərəfindən yaşadılaraq inkişaf etdirilib. Eyni zamanda Altaylardan Türkiyəyədək böyük coğrafiyada yayılan, ümumtürk mədəni irsinin mühüm qolu olan aşıq sənəti Azərbaycan mədəniyyətinin zəngin səhifəsini təşkil edir. Ölkəmizdə hər iki sənətin inkişafına dövlət tərəfindən yüksək diqqət və qayğı göstərilir. Azərbaycan muğam sənəti və aşıq sənətimiz UNESCO-nun qeyri-maddi mədəni irs siyahısına daxil edilib.

Milli Konservatoriyanın rektoru həyata keçirdikləri beynəlxalq layihələr, Norveç, Yaponiya, Latın Amerikası ölkələri ilə birgə keçirilən musiqi layihələri, 2018-ci il iyulunda Beynəlxalq Musiqi Təhsili Cəmiyyəti – İSME-nin Bakıda keçirilən Dünya konfransı çərçivəsində təşkil olunan elmi sessiya barədə, eləcə də Milli Konservatoriyanın nəzdində fəaliyyət göstərən “Milli musiqi alətlərinin təkmilləşməsi” laboratoriyası haqqımda məlumat verib, iştirakçıların suallarını cavablandırıb. Argentina, Belarus, Qazaxıstan, Qırğızıstan və s. ölkələrdən təmsilçilər Milli Konservatoriyada təhsil almaq, distant təhsil imkanları ilə maraqlanıblar.

* * *

Azərbaycan nümayəndə heyəti Dövlət Ermitajı, Rus Muzeyi, Rusiya Etnoqrafiya Muzeyi, Mayakovski adına kitabxana, Sankt-Peterburqun digər tanınmış mədəniyyət məkanlarını ziyarət edib, Mariinski teatrında tamaşaya baxıblar.

XƏBƏRLƏR

15.02.2019 17:39
Xalq rəssamı Rafis İsmayılovun 80 illik yubileyinə həsr olunmuş tədbir keçirildi
15.02.2019 16:33
Sumqayıtda “Uğur Əngəl Tanımır!” layihəsi çərçivəsində sərgi-müsabiqə keçirilib
15.02.2019 16:02
“Nəsimi ili” ilə bağlı Özbəkistanda silsilə tədbirlər keçiriləcək
15.02.2019 15:40
“Azərbaycanın ipək incisi” yaradıcılıq müsabiqəsinə eskizlərin qəbulu müddəti uzadılmışdır
15.02.2019 15:40
Mədəniyyət naziri Əbülfəs Qarayev Böyük Britaniyanın Baş nazirinin ticarət elçisi ilə görüşüb
15.02.2019 14:59
Milli Kitabxanada növbəti kitab sərgisi akademik Arif Paşayevin 85 illiyinə həsr edilib
15.02.2019 12:39
Mədəniyyət Nazirliyi ilə British Council arasında əməkdaşlıq sənədi imzalandı
15.02.2019 11:21
Kürdəmirdə mədəniyyət müəssisələrinin rəhbər və gənc işçilərinin toplantısı keçirilib
15.02.2019 09:57
Azərbaycanın Birinci vitse-prezidenti Gəncədə Mir Cəlal Paşayevin ev-muzeyində olub
14.02.2019 18:30
Mədəniyyət nazirinin müavini Sevda Məmmədəliyeva Türkmənistan nümayəndə heyəti ilə görüşüb
14.02.2019 17:09
Milli Kitabxanada Beynəlxalq Kitab Bağışlama Günü qeyd edilib
14.02.2019 14:25
Musiqili Teatr azyaşlı tamaşaçıları üçün bayram hədiyyəsi hazırlayır
14.02.2019 14:10
Respublika Uşaq Kitabxanasının təşkilatçılığı ilə “ASAN Xidmət” mərkəzində Beynəlxalq Kitab Bağışlama Gününə həsr edilmiş tədbir keçirilib
14.02.2019 14:09
Bakıda “Türkmənistan əl işi xalçaları, milli zərgərlik məmulatları və tekstil məhsulları” adlı sərgi açılacaq
14.02.2019 11:36
Mədəniyyət naziri Əbülfəs Qarayev Böyük Britaniyada səfərdədir
14.02.2019 10:28
“Rusiya və Azərbaycan arasında mədəni körpülər mədəniyyətlərarası dialoq üçün körpülər kimi” mövzusunda dəyirmi masa keçirilib
13.02.2019 17:33
Altay Əmir oğlu Hacıyev
13.02.2019 17:05
Şəkidə Xalq şairi Bəxtiyar Vahabzadənin xatirəsi anılıb
13.02.2019 16:52
Daşkənddə keçirilən beynəlxalq konfransda ölkəmiz də iştirak edib
13.02.2019 16:51
Beyləqanda əsaslı şəkildə yenidən qurulan Tarix-Diyarşünaslıq Muzeyinin açılışı olub
13.02.2019 10:24
Cəfər Cabbarlının yubileyi Ankarada qeyd olunub
12.02.2019 12:38
Dördüncü Buktreyler Festivalının iştirak şərtləri bəlli oldu
12.02.2019 12:18
Azərbaycan Dövlət Akademik Opera və Balet Teatrında ilin yeni baleti “Dahi hekayəçi” növbəti dəfə təqdim olunub.
12.02.2019 10:03
“MƏNİM ŞAMAXIM” adlı rəsm müsabiqəsi
11.02.2019 17:53
Yeni reallıq - yeni peşə səriştələri
11.02.2019 17:02
Bakı Kitab Mərkəzində növbəti tədbir unudulmaz bəstəkar Elza İbrahimovaya həsr edilib