Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3288

“Azərbaycan təsviri sənətində qrafika: dünən və bu gün” müsabiqəsinin yekun sərgisi

Yanvarın 8-də paytaxtdakı Xətai Sənət Mərkəzində “Qrafika 2019” adlı sərginin açılışı keçirildi. Sərgi ötən il “Azərbaycan Xalq Cümhuriyyəti ili” çərçivəsində elan olunmuş “Azərbaycan təsviri sənətində qrafika: dünən və bu gün” adlı rəsm müsabiqəsinin yekunlarına həsr olunmuşdu.

Qeyd edək ki, Mədəniyyət Nazirliyinin təşkilati dəstəyi, Azərbaycan Dövlət Rəsm Qalereyasının, Azərbaycan Rəssamlar İttifaqının (ARİ) və Xətai SM-in birgə layihəsi ilə təşkil edilən respublika müsabiqəsi uzun illərdən sonra qrafika sahəsinə verilən dəyər baxımından böyük önəm daşıyır.

Tədbiri giriş sözüylə nazirliyin İncəsənət şöbəsinin Təsviri və dekorativ sənət sektorunun müdiri Qalib Qasımov açaraq müsabiqənin məqsədi haqqında bilgi verdi. Bildirdi ki, müsabiqə çağdaş Azərbaycan incəsənətinin əsas növlərindən olan qrafikanın rolunu və mövqeyini genişləndirmək, mədəni ictimaiyyətin diqqətini bu sənət sahəsinə cəlb etmək, qrafika sənəti ustalarının yaradıcılığını təbliğ etmək və rəssamların bu sahəyə ardıcıl müraciət etmələrini stimullaşdırmaq məqsədi ilə keçirilir. O, müsabiqə çərçivəsində nəşriyyat işçiləri ilə görüşün keçirilməsinin əhəmiyyətini də vurğuladı. Bildirdi ki, belə bir görüş həm də kitab qrafikası və dizaynı sahəsində çalışan gənc və istedadlı rəssamlarla tanış olmaq, naşirlərin və dizaynerlərin günlük iş həyatlarında rastlaşdıqları məsələləri müzakirə etmək üçün önəmlidir.

Müsabiqənin münsiflər heyətinin sədri, Xalq rəssamı Arif Hüseynov bu yarışmanın ölkəmizdə qrafika sənətinin inkişafına güclü təkan verəcəyini qeyd etdi. Vurğuladı ki, müsabiqəyə 380-dən çox qrafika və qrafika yönlü əsərlər təqdim olunub, 76 əsər münsiflər heyəti tərəfindən seçilərək yekun sərgidə iştirak etmək hüququ qazanıb.

ARİ-nin sədr müavini, Xalq rəssamı Ağəli İbrahimov sərginin önəmini yüksək dəyərləndirdi. O, sərgi davam etdiyi müddətdə müxtəlif tədbirlərin, o cümlədən qrafika ustaları, gənc qrafiklərlə görüşlərin nəzərdə tutulduğunu bildirdi, bütün bunların qrafika sənətinə münasibətin yaxşılığa doğru dəyişəcəyini qeyd etdi.

Əməkdar incəsənət xadimi Ziyadxan Əliyev də bu müsabiqənin respublikamızda təsviri sənətin inkişafına töhfələr verəcəyini söylədi. O, sərgidə klassik və gənc qrafiklərin əsərlərinin yer aldığını, Azərbaycan qrafika sənətinin özəyinin bu sərgidə təmsil olunduğunu nəzərə çatdırdı.

ARİ-nin Qrafika bölməsinin rəhbəri Həmzə Abdullayev sərgidən razı qaldığını, dəyərli işlərin nümayiş etdirildiyini, bu yarışmanın ardıcıl keçirilməsinin gərəkliyini bildirdi.

Xətai SM-in direktoru Zahid Əvəzov belə bir səviyyəli müsabiqəyə ev sahibliyi etməkdən qürur hissi keçirdiklərini ifadə etdi, gələn yarışmalarda bütün rəssamları fəal olmağa çağırdı.

Sonra müsabiqənin qalibləri mükafatlandırıldı.

Münsiflər heyətinin qərarına əsasən, Əbülfəz Fərəcoğlu birinci yerə, Fəxrəddin Qəhrəmanlı ikinci, Mais Əliyev isə üçüncü yerə layiq görüldülər.

Nərgiz Abdullayeva, Vəfa Allahyarova, Rafael Əlizadə, Niyaməddin Qocayev, Daniela Perera və Xatirə Həsənzadəyə həvəsləndirici mükafatlar təqdim edildi.

Qeyd edək ki, əsərləri sərgiyə seçilmiş bütün iştirakçılara diplomlar veriləcək. Sərginin kataloqunun çapı da nəzərdə tutulub. Xətai Sənət Mərkəzində əsərlərin nümayişi yanvarın 18-də başa çatacaq.

XƏBƏRLƏR

19.01.2021 20:57
Mədəniyyət naziri türk dünyası təşkilatlarının nümayəndə heyəti ilə görüşüb
18.01.2021 16:20
Mədəniyyət Nazirliyi ictimaiyyətə müraciət edir!
15.01.2021 13:47
İCESCO nümayəndə heyətinin ölkəmizə səfərinin yekunlarına həsr olunmuş mətbuat konfransı
14.01.2021 16:33
Zəfər muzeyinin məzmununun hazırlanması ilə əlaqədar ekspert qrupu yaradılıb
13.01.2021 14:46
Prezident İlham Əliyev ICESCO-nun Baş direktorunun rəhbərlik etdiyi nümayəndə heyətini qəbul edib
13.01.2021 09:41
Vətən müharibəsi memorial kompleksi və Zəfər muzeyinin məzmunu ilə əlaqədar müzakirələrin aparılması məqsədilə onlayn görüş keçirilib
12.01.2021 18:13
İCESCO nümayəndə heyəti Azərbaycanın işğaldan azad edilmiş ərazilərinə səfər edib
11.01.2021 19:35
Mədəniyyət naziri ICESCO-nun Baş direktoru Salim əl-Malik ilə görüşdü
11.01.2021 10:42
Kitabxana və nəşriyyat-poliqrafiya müəssisələri ilə görüş keçirilib
08.01.2021 18:13
“Mədəniyyət/Culture” jurnalının “Zəfər” sayı...
08.01.2021 10:08
Anar Kərimov ilə Birləşmiş Millətlər Təşkilatının ölkəmizdəki Rezident Əlaqələndiricisi Qulam İsakzai ilə görüşdü
07.01.2021 19:39
Nazir Anar Kərimov və Qarabağ Dirçəliş Fondunun Müşahidə Şurasının üzvü Tural Gəncəliyev arasında videoformatda görüş keçirildi
06.01.2021 17:27
Prezident İlham Əliyev Anar Kərimovu mədəniyyət naziri təyin olunması ilə əlaqədar videoformatda qəbul edib
05.01.2021 12:38
Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamı
30.12.2020 18:12
"Mədəniyyət və yaradıcılıq sahəsində rəqəmsal həllər” startap müsabiqəsinin qalibləri ilə onlayn görüş keçirildi
29.12.2020 17:27
İşğaldan azad edilmiş ərazilərdə yerləşən abidələrin qorunması və bərpası ilə bağlı məsələlər müzakirə olunub
29.12.2020 14:34
Bakı şəhər muzeylərinin rəhbərləri ilə onlayn görüş keçirilib
28.12.2020 09:30
Əməkdar artist Almaz Mustafayeva vəfat edib
25.12.2020 18:55
Görkəmli ədib və ictimai-siyasi xadim Əbdürrəhim bəy Haqverdiyevin 150 illiyinə həsr olunan videokonfrans keçirildi
24.12.2020 14:07
Mədəniyyət Nazirliyində kadr təyinatı
23.12.2020 16:34
Mədəniyyət Nazirliyi “Yurda Qayıdış: Qarabağ adətləri - ənənələri” layihəsi ilə bağlı müraciət edir
22.12.2020 17:54
Görkəmli rejissor və kinodramaturq Həsən Seyidbəylinin xatirəsi anılıb
22.12.2020 15:04
Şəhid mədəniyyət işçilərini ehtiramla anırıq!
22.12.2020 13:02
Xalq artisti Sabir Əliyev dünyasını dəyişib
22.12.2020 11:20
Xalq artisti Səfurə İbrahimova vəfat edib
21.12.2020 09:42
Mədəniyyət xadimləri ilə videokonfrans formatında görüş keçirilib
21.12.2020 09:22
Əməkdar artist Atabala Səfərov vəfat edib
18.12.2020 10:50
Mədəniyyət Nazirliyi sistemində kadr təyinatı
17.12.2020 16:56
Anar Kərimov İsveç Krallığının ölkəmizdəki səfiri ilə onlayn görüş keçirdi
16.12.2020 19:44
“Miniatür sənəti” UNESCO-nun Bəşəriyyətin qeyri-maddi mədəni irsi üzrə Reprezentativ Siyahısına daxil edildi
16.12.2020 19:31
“Nar bayramı, ənənəvi nar festivalı və mədəniyyəti” UNESCO-nun Bəşəriyyətin qeyri-maddi mədəni irsi üzrə Reprezentativ Siyahısına daxil edildi
15.12.2020 17:51
Azərbaycan Respublikası Mədəniyyət Nazirliyinin BƏYANATI