Azərbaycanın milli musiqi alətləri Qazaxıstanın İxlas adına Xalq Musiqi Alətləri muzeyinə hədiyyə edilib
Cari ilin 16 may tarixində Azərbaycan Respublikasının Mədəniyyət Nazirliyi tərəfindən və Azərbaycanın Qazaxıstandakı Səfirliyinin təşkilatı dəstəyi ilə ölkəmizin milli musiqi alətləri olan tar, kamança, qaval, balaban və tütək Qazaxstanın Almatı şəhərində yerləşən İxlas adına Xalq Musiqi Alətləri muzeyinə hədiyyə edilib. Bununla bağlı keçirilən təntənəli tədbirdə muzeyin rəhbərliyi, Almatı şəhər Mədəniyyət Departamentinin rəhbər şəxsləri, Azərbaycan Respublikası Mədəniyyət Nazirliyinin nümayəndəsi, Səfirliyin Almatı şəhərindəki təmsilçisi və Azərbaycan icmasının üzvləri iştirak ediblər.
Almatı şəhər Mədəniyyət Departamentinin müdir müavini Daniyar Aliyev çıxış edərək bildirib ki, ortaq tarixi kökə və dəyərlərə sahib olan Azərbaycanla Qazaxıstan arasında son illərmədəni əlaqələr daha da genişlənib, bu sahədə ardıcıl işlərin aparılması nəticəsində münasibətlər xeyli dərinləşib
Azərbaycanın Qazaxıstandakı Səfirliyinin Almatı şəhəriüzrə nümayəndəsi Ramil Rzayev iki qardaş xalqı dərin tarixitellərin, mədəni-mənəvi əlaqələrin bağladığını, uzunmüddətli dostluğun qarşılıqlı hörmət və etimada əsaslandığını bildirib. O, diplomatik münasibətlərin qurulmasından etibarən bütün sahələri əhatə edən ikitərəfli əlaqələrin qarşılıqlı faydalı əməkdaşlığın inkişafına xidmət etdiyini vurğulayıb.
Azərbaycan Respublikası Mədəniyyət Nazirliyinin Muzey işi və mədəni sərvətlərə nəzarət şöbəsinin aparıcı məsləhətçisi İsa Məmmədov çıxış edərək, qonaqları Azərbaycan Respublikasının Mədəniyyət naziri Əbülfəs Qarayev adından salamlayıb və ölkələr arasında mədəni əlaqələrin genişləndirilməsi üçün münbit zəmin olduğunu bildirib. O, Azərbaycanın zəngin musiqi mədəniyyəti, onun tarixi haqqında tədbir iştirakçılarına məlumat verib, muzeyə hədiyyə olunan xalq musiqi alətlərinin özəllikləri və xüsusiyyətləri haqqında geniş təqdimat keçirib. Daha sonra,Azərbaycanın milli musiqi alətləri nazirlik əməkdaşı tərəfindən rəsmi şəkildə muzeyə təqdim edilib.
Tədbirdə İxlas adına Xalq Musiqi Alətləri Muzeyinin direktoru Uljan Baybusınova və Almatı şəhər AzərbaycanlılarAssosiyasiyanın sədri Qəhraman Sadiyev çıxış edərək, muzeyin xalq musiqi alətlərimizlə təmin olunması kimi əhəmiyyətli təşəbbüslə çıxış etdiyinə görə Azərbaycanın Qazaxıstandakı Səfirliyinə və Mədəniyyət Nazirliyinə təşəkkür ediblər. Azərbaycan Respublikasının Mədəniyyət Nazirliyi tərəfindən Muzeyə musiqi alətlərinin hədiyyə edilməsi muzey rəhbərliyi və tədbir iştirakçıları tərəfindən yüksək qiymətləndirilib.
Rəsmi çıxışlardan sonra Qazaxıstandakı Azərbaycan icmasından olan musiqiçilər hədiyyə olunmuş musiqi alətlərində ifalar edib və kiçik konsert proqramı təşkil olunub. Sonda alətlər muzeyin ekspozisiya zalına yerləşdirilib.