Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
438

Bakıda Rizvan İsmayılın fərdi sərgisi açılıb

İyunun 25-də “Qalereya 1969” sərgi salonunda Gürcüstanda yaşayan soydaşımız rəssam Rizvan İsmayılın fərdi sərgisi açılıb.

Mədəniyyət Nazirliyi, Yeni Azərbaycan Partiyası və Azərbaycan Dövlət Rəsm Qalereyasının təşkilatçılığı ilə keçirilən sərgidə rəssamın müxtəlif üslublarda yaratdığı əsərlər nümayiş etdirilib.

Açılış mərasimində çıxış edən Mədəniyyət nazirinin birinci müavini Vaqif Əliyev deyib ki, Rizvan İsmayıl həm Azərbaycan, həm də Gürcüstan Rəssamlar ittifaqlarının üzvüdür. O, iki ölkə arasında mədəniyyətlərarası əlaqələrin inkişafına töhfə verir.

Sonra Mədəniyyət Nazirliyinin xüsusi mükafatı Rizvan İsmayıla təqdim olunub.

Milli Məclisin deputatı, YAP Səbail rayon təşkilatının sədri Şəmsəddin Hacıyev bildirib ki, rəssamın əsərləri ilə tanış olanda insan çox dərin fikirlərə qərq olur. Rəqəmlərin dili ilə rəsmləri insanlara çatdırmaq yeni bir janrın başlanğıcıdır. Onun əsərləri Paris, İstanbul, Lüksemburq və digər şəhərlərdə sərgilənib. Bu, həmçinin Azərbaycan mədəniyyətinin təbliğidir.

Digər çıxış edənlər də Rizvan İsmayılın çoxşaxəli yaradıcılığından söhbət açıblar.

Sonra rəssama diplom və medal təqdim edilib. Rizvan İsmayıl sərginin təşkilinə görə Mədəniyyət Nazirliyi, Yeni Azərbaycan Partiyası və Azərbaycan Dövlət Rəsm Qalereyasına minnətdarlığını bildirib.

Qeyd edək ki, Rizvan İsmayıl rəssamlıq, heykəltəraşlıq və memarlıqda tətbiq olunan yeni “Numerologizm” (Əbcədizm) üslubunun yaradıcılarındandır. Numerologiya - rəqəmlərin bir-biri ilə qarşılıqlı münasibəti və əks-təsiri olan fiziki obyektlər, proseslər, insan həyatının və şüurunun sirli əlaqələrinin mövcudluğu ilə bağlı ezoterik (gizli) inanc sistemidir.

Rəssam “İdeal cəmiyyət”, “Özünəqayıdış”, “Müqəddəs”, “Rəqəmsal”, “Üç kitab”, “Sirli mağara”, “Yaşam tərzi”, “Dua anında”, “Fərqli düşüncə”, “Mehriban ailə”, “Həyatın rəngi”, “Yüksəliş”, “Yeni doğuluş”, “İnsan”, “Müqəddəs 40” və s. əsərlərin müəllifidir.

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı