Balakən rayon mərkəzi kitabxanasında “Nəsimi poeziyası” adlı bədii qiraət müsabiqəsi keçirilmişdir
1590
14.02.2018
14.02.2018 05:43
Şəhər (rayon) mərkəzi kitabxanalarında ədəbi dilimizin formalaşmasında mühüm rol oynamış Azərbaycanın böyük mütəfəkkiri və şairi İmadəddin Nəsiminin yaradıcılığına həsr olunan Respublika üzrə uşaq və məktəblilər arasında “Nəsimi poeziyası” adlı bədii qiraət müsabiqəsinin keçirilməsi
məqsədi ilə Balakən rayon mərkəzi kitabxanasında münsiflər heyətindən ibarət komissiya yaradılmışdır.13 fevral 2018-ci il tarixdə müsabiqənin I turu keçirilmişdir. Müsabiqədə rayon və kənd məktəblərindən 42 nəfər şagird iştirak edirdi. Şagirdlərin ifasında Nəsiminin müxtəlif adda şerlərindən, qəzəllərindən nümunələr səsləndirildi. Münsiflər heyətinin rəyinə əsasən I turun ikinci mərhələsi üçün 17 nəfər seçildi. İkinci mərhələnin fevral ayının sonlarında keçirilməsi nəzərdə tutulmuşdur.