Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
301

Beynəlxalq Teatr Festivalının dördüncü günü üç tamaşa təqdim olunub

Mədəniyyət Nazirliyi, Lənkəran Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə Lənkəran Dövlət Dram Teatrının binasında keçirilən Beynəlxalq Teatr Festivalının dördüncü günü balaca tamaşaçılara üç tamaşa təqdim olunub.

Qax Dövlət Kukla Teatrının təqdim etdiyi “Xeyir və Şər” tamaşasının quruluşçu rejissoru Yusif Abdurahmanov, quruluşçu rəssamı Mayis Abdullayevdir. Nizami Gəncəvinin eyni adlı əsərinin motivləri əsasında hazırlanan bu səhnə əsəri iki aktyor - Orxan Əminov, Nuru Mustafayev və 4 kukla obrazın pantomim ifası ilə nümayiş olunub. Obrazlar xeyir və şərin simvolu olan ağ və qara rənglərdə təsvir edilib.

“Kimsə xeyir və şəri hər hansı konkret obrazda təsvir edə bilməzdi. Biz də düşündük ki, simvolik obrazlardan istifadə edək”, - deyə tamaşanın rəssamı bildirib.

Abdulla Şaiq adına Azərbaycan Dövlət Kukla Teatrının yaradıcı kollektivi Beynəlxalq Teatr Festivalında repertuarındakı sevimli tamaşalardan olan “Cırtdan” ilə təmsil olunub. Lənkəranlı teatrsevərlərə təqdim edilən tamaşa bundan öncə bir neçə beynəlxalq festivalda uğurla nümayiş olunaraq mükafatlara layiq görülüb.

Şair-dramaturq Mirmehdi Seyidzadənin eyni adlı mənzum nağıl-pyesi əsasında hazırlanan tamaşanın quruluşçu rejissoru teatrın baş rejissoru, Əməkdar artist Qurban Məsimov, quruluşçu rəssamı Rəvanə Yaqubova, bəstəkarı Xalq artisti Oqtay Zülfüqarovdur. Müxtəlif kukla texnikalarının istifadə olunduğu birhissəli tamaşada rolları teatrın aparıcı aktyorları Elmira Hüseynova, Rəhilə İbadova, Araz Həsənli, Elnur Xəlilov, Adil Dəmirov, Aygül Ağayeva, Vüsal Hüseynov və Aslan Fətullayev ifa ediblər.

Festivalın dördüncü günü Gürcüstandan dəvət olunmuş Azad Teatrı “Bu nağıl ağlı başdan alır”(müəllif N.Ptuşkina) tamaşasını nümayiş etdirib. Tamaşanın quruluşçu rejissoru Maya Doborcqinidze, musiqi tərtibatçısı Toma Atanelişvili, işıq üzrə rəssamı Natalya Manaqadzedir.

Hər üç kollektivə Mədəniyyət Nazirliyinin diplomları təqdim olunub.

 

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı