23 fevral 2019-cu il tarixində Heydər Əliyev Sarayında
məşhur dirijor, musiqiçi və bəstəkar İqor Ponomarenkonun iştirakı ilə “Cinema Hits Show” konsert proqramı keçiriləcəkdir.Konsertdə dünyaca məşhur bəstəkarlar Ennio Morricone, Ramin Cavadi, Vladimir Kosma, Nino Rota və digərlərinin əsərləri təqdim olunacaq.
İP Orchestranın təqdimatında “Titanic”, “The Godfather”, “Game of Thrones”, “Fifth Element”, “Sherlock Holmes”, “Star Wars”, “Pirates of the Caribean”, “Harry Potter”, “Kill Bill”, “Pink Panther”, “Pretty Woman”, “Джентльмены удачи”, “Бриллиантовая рука” və sairə əfsanəvi kinofilmlərdən musiqilər səsləndiriləcək.
Qeyd edək ki, İqor Ponomarenko dəfələrlə Azərbaycanda böyük konsert proqramları ilə çıxış edən məşhur rus musiqiçi, dirijor, bəstəkar və IP Orchestra layihəsinin rəhbəridir. 2000-ci ilə qədər məşhur "Terem-Quartet"-in musiqiçisi kimi tanınmış, sonradan - "Ma.Gr.Ig.Al." qrupunu yaratmışdır. Ponomarenko dirijor kimi Dubayda debüt etmiş - "Transformers" filminin musiqisinə yazılmış yeni "Concordia" layihəsini təqdim etmişdir. Hal-hazırda Dima Bilan, Bi-2, Moral Codeks, Leninqrad, Ken Hensley kimi məşhur ifaçılarla əməkdaşlıq edir.
Saat 19:00-da başlayacaq şounun biletlərini Heydər Əliyev Sarayının və şəhərin kassalarından, ASAN xidmət mərkəzlərindən, Gənclik və 28 Mall ticarət mərkəzlərindəki kassalardan əldə etmək olar.
Əlaqə telefonları: (012) 441-21-31, (050) 332-36-30