Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
299

“Dünya irsi. Gənc Peşəkarlar Forumu”nun ikinci iş günü İçərişəhərdə davam edib

“Dünya irsi. Gənc Peşəkarlar Forumu”nun ikinci iş günü İçərişəhər Dövlət Tarix-Memarlıq Qoruğunda davam edib.

“Ümumdünya irsi: qlobal çağırışlar üçün yerli ideyalar” mövzusunda davam edən məruzələrdə ilk olaraq qurumun idarə heyətinin üzvi Cavid Kazımov “Bakının tarixi mərkəzinin qorunması və universal dəyər” mövzusunda məruzə ilə çıxış edib. O, məruzəsində İçərişəhərin tarixi, buradakı qədim abidələr, tikililər, muzeylər haqqında ətraflı məlumat verib.

Sonra forum iştirakçılarının sualları cavablandırılıb, sənədli film nümayiş olunub. Ekran əsəri İçərişəhər ərazisində Məhəmməd məscidi, Qız Qalası və Qüllə, eləcə də Şirvanşahlar Sarayı və Bəylər məscidində aparılan bərpa işlərini əks etdirib.

Günün ikinci yarısında dəyirmi masa şəklində davam edən forum “İdarəetmə və bərpa-konservasiya” məsələlərinə həsr olunub. Müzakirələrdə UNESKO-nun şəhər dizaynı və mühafizəsi kafedrasının professoru Maykl Turner “Müasir şəhərlərdə irsin qorunması” mövzusunda fikirlərini bölüşüb. Daha sonra müstəqil ekspert Fuad Axundov “Bakı: XIX-XX əsr memarlıq və mədəniyyət inqilabı” adlı təqdimatla çıxış edib. Həmçinin Raymond Lemaire Beynəlxalq Qoruma Mərkəzinin prezidenti, professor Minja Yanqın moderatorluğu ilə “Qlobal çağırışlar üçün yerli anlayışlar” mövzusunda “Mədəni irsin qorunması və bərpası. Niyə vacibdir?” istiqamətli müzakirələr aparılıb.

Forumun gündəliyi iştirakçıların İçərişəhər turu ilə yekunlaşıb.

Qeyd edək ki, “Dünya irsi. Gənc Peşəkarlar Forumu” UNESKO-nun Dünya İrs Komitəsinin iyunun 30-dan iyulun 10-dək Bakıda keçiriləcək 43-cü sessiyası çərçivəsində təşkil edilib. İyulun 2-dək davam edəcək forumunda dünyanın 30 ölkəsini təmsil edən 30 gənc irs mütəxəssisi iştirak edir. Son illər Dünya İrs Komitəsinin illik sessiyaları çərçivəsində ənənəvi olaraq təşkil olunan Gənc Peşəkarlar Forumunun builki mövzusu “Ümumdünya irsi: qlobal çağırışlar üçün yerli ideyalar”a həsr edilib. Forumun ümumi məqsədi XIX əsrdə dünyada irsin idarə edilməsində mövcud problemlər və imkanların üzə çıxarılmasıdır.

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı