Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1108

Şəki Dövlət Dram Teatrı 139-cu mövsümə yekun vurub

Şəki Dövlət Dram Teatrı 139-cu mövsümə J.Molyerin və M.Bulqakovun “Xəstəlik xəstəsi və ya yaşasın teatr” tamaşası ilə yekun vurub. Şəkidə peşəkar teatrın yaranmasının 140 illiyi münasibətilə hazırlanan tamaşaya teatrın baş rejissoru, Əməkdar incəsənət xadimi Mirbala Səlimli quruluş verib. Tamaşa həm də bütün ömrünü teatra həsr edən sənətkarlara ithaf olunub.

Teatrın ədəbi dram hissəsinin rəhbəri Sevda Nəsirova bildirib ki, ötən mövsümdə teatrda Xalq yazıçısı Elçinin “Teleskop” əsəri də səhnələşdirilib. Gənc rejissor Orxan Həmidlinin quruluş verdiyi bu səhnə əsəri də tamaşaçılar tərəfindən rəğbətlə qarşılanıb.

S.Nəsirova bildirib ki, Şəki Dövlət Dram Teatrı 140-cı yubiley mövsümündə də izləyicilərini bir-birindən maraqlı tamaşalarla sevindirəcək. Yeni mövsümdə teatrın səhnəsində görkəmli dramaturq Cəfər Cabbarlının anadan olmasının 120 illiyi münasibətilə “Sevil” pyesi və “Kitabi Dədə Qorqud” eposunun motivləri əsasında Altay Məmmədovun yazdığı “Dəli Domrul” əsəri tamaşaya qoyulacaq. Bundan əlavə, Mədəniyyət Nazirliyinin planına əsasən, yeni mövsümdə Şəkidə peşəkar teatrın yaranmasının 140 illiyi münasibətilə təntənəli tədbirlərin keçirilməsi də nəzərdə tutulur.

Teatrın ədəbi dram hissəsi rəhbərinin sözlərinə görə, 1879-cu ildə Tiflisdə xəstə yatağında olan dahi dramaturq Mirzə Fətəli Axundzadə dövrünün maarifpərvər ziyalısı və yazıçısı Rəşid bəy Əfəndiyevdən xahiş edir ki, yazdığı əsərlərdən birini sağlığında Şəkidə tamaşaya qoysun. R.Əfəndiyev öz ətrafına bir dəstə həvəskar yığaraq barama anbarında səhnə düzəldir və M.F.Axundzadənin “Hacı Qara” komediyasını tamaşaya hazırlayır. Özü isə bu tamaşanın baş qəhrəmanı Hacı Qara obrazında çıxış edir. Beləcə, 140 il əvvəl Şəkidə peşəkar teatrın təməli qoyulur.

 

XƏBƏRLƏR

23.10.2020 15:58
Azərbaycan Respublikası Mədəniyyət Nazirliyinin Zəngilandakı məscidin ermənilər tərəfindən təhqir olunması ilə bağlı BƏYANATI
20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb
12.10.2020 09:15
Mədəniyyət obyektlərinin oğurlanması və ya qeyri-qanuni ixracı ilə bağlı beynəlxalq onlayn konfrans keçirilib
09.10.2020 18:14
Mədəniyyət Nazirliyi “Qarabağnamə” layihəsini təqdim edir
09.10.2020 10:27
Mədəniyyət Nazirliyində Özbəkistan səfiri ilə görüş keçirilib
07.10.2020 11:35
Mədəniyyət Nazirliyi tərəfindən beynəlxalq təşkilatlara müraciət ünvanlanıb
05.10.2020 11:13
Azərbaycan Respublikası Mədəniyyət Nazirliyinin BƏYANATI
03.10.2020 16:18
“Ordumuz üçün yarat” layihəsinin təqdimatı keçirildi
03.10.2020 12:29
Anar Kərimov Rusiya və Kolumbiyanın ölkəmizdəki səfirləri ilə görüşüb