Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2156

Şəkidə Xalq şairi Bəxtiyar Vahabzadənin ev-muzeyinin açılışı keçirildi

Avqustun 31-də Şəki şəhərində Xalq şairi, görkəmli dramaturq, ədəbiyyatşünas alim, ictimai xadim Bəxtiyar Vahabzadənin ev muzeyinin açılış mərasimi keçirildi.

Mərasimdə mədəniyyət naziri Əbülfəs Qarayev, Şəki Şəhər İcra Hakimiyyətinin başçısı Elxan Usubov, BDU-nun rektoru, akademik Abel Məhərrəmov, Atatürk Mərkəzinin rəhbəri, Milli Məclisin deputatı, akademik Nizami Cəfərov, şairin ailə üzvləri, ziyalılar, ictimaiyyət nümayəndələri iştirak edirdi.

Tədbirdə çıxış edən Əbülfəs Qarayev bildirdi ki, Şəki şəhəri Azərbaycanın ədəbiyyat, mədəniyyət tarixində öz yeri olan böyük şəxsiyyətlərin vətənidir. Gələcək nəsillər üçün zəngin irs və dəyərli nümunələr yadigar qoyan bu insanların xatirəsi həm ölkəmizdə, həm də burada – Şəkidə daima əziz tutulur: “Şəki şəhəri Azərbaycan ədəbiyyatına, mədəniyyətinə, musiqisinə böyük şəxsiyyətlər, dühalar bəxş edib. Onlardan biri də Bəxtiyar Vahabzadədir. Bəxtiyar Vahabzadə Azərbaycan və ümumən türk  dünyası ədəbiyyatında özünəməxsus yeri, dəsti-xətti olan şairlərdəndir. İstisnasız olaraq millətin bütün nümayəndələrinin, hər bir vətəndaşın sevgisini, rəğbətini qazanmış nadir söz sənətkarlarındadır. O həm də istiqlal mücahidi, Azərbaycan xalqının taleyüklü məsələlərinə həssas, milli mənafeləri müdafiə edən bir ziyalı olmuşdur. Bəxtiyar Vahabzadə nə qədər millətini, vətənini sevirdisə, xalq da, ölkə də o qədər onu sevir. Açılışına toplaşdığımız ev muzeyində də bu məqamların imkan daxilində əks etdirilməsinə çalışıb”.

Nazir vurğuladı ki, Azərbaycan Respublikasının Prezidenti İlham Əliyev hər zaman vətənin dəyərli ziyalılarının xatirəsinin əbədiləşdirilməsinə, onların yaradıcı irsinin qorunaraq gələcək nəsillərə çatdırılmasına xüsusi diqqət yetirir, bu istiqamətdə müxtəlif sərəncamlar imzalayır. Belə sərəncamlardan biri də “Şəki şəhərində Bəxtiyar Vahabzadənin ev muzeyinin yaradılması və yaşadığı binaya xatirə lövhəsinin vurulması haqqında” 27 oktyabr 2015-ci il tarixli sərəncamdır.

Əbülfəs Qarayev bildirdi ki, əsl vətəndaşlıq mövqeyi nümayiş etdirən Bəxtiyar Vahabzadə vaxtilə öz yaşadığı evi uşaq bağçasına vermişdi. Ölkə başçısının tapşırığı ilə həmin evdə muzey yaradıldı. Uşaq bağçasına isə ayrıca, müasir üslubda yeni bina inşa olundu.

Əbülfəs Qarayev qeyd etdi ki, dövlət tərəfindən görkəmli şairin yaradıcılığına diqqət və qayğı yalnız bu muzeylə məhdudlaşmır. O, hər zaman müstəqil Azərbaycan dövləti tərəfindən yüksək qiymətləndirilib, ulu öndər Heydər Əliyevin imzaladığı müvafiq sərəncamla respublikamızın ən ali təltiflərindən olan “İstiqlal” ordeninə layiq görülüb. Bəxtiyar Vahabzadənin Bakıda yaşadığı evə xatirə lövhəsi vurulub, şəhərin küçələrindən birinə onun adı verilib. Şəki şəhərində şairin büstü ucaldılıb, adına park salınıb, 2015-ci ildə şairin 90 illik yubileyi respublikamızda təntənəli şəkildə qeyd edilib.

“Həmin qayğının daha bir nümunəsi olaraq açılan bu muzeyə görə ölkə başçısı cənab İlham Əliyevə çoxminli mədəniyyət ictimaiyyəti adından dərin təşəkkürümüzü bildirirəm. İnanırıq ki, muzey həm yerli əhalinin, həm də qonaqların böyük marağına səbəb olacaqdır”, - deyə nazir vurğuladı.

Əbülfəs Qarayev Şəki şəhərinin UNESCO-nun Dünya irsi siyahısına salınması istiqamətində işlərin davam etdiyini də diqqətə çatdırdı. Azərbaycan xalqının mədəni irs nümunələrinin UNESCO siyahılarına salınmasında göstərdiyi böyük əməyə görə Birinci vitse-prezident Mehriban Əliyevaya öz minnətdarlığını bildirən nazir sonda bütün şəkililəri, bəxtiyarsevərləri muzeyin açılışı münasibətilə təbrik etdi.

Mərasimdə çıxış edən akademik Abel Məhərrəmov Xalq şairi Bəxtiyar Vahabzadənin Azərbaycanın ədəbiyyat və ictimai fikir tarixində tutduğu mövqedən danışdı. Bildirdi ki, Bəxtiyar Vahabzadənin sovet dövrünün çətinliklərindən, qadağalarından, repressiv üsullarından qorxmayaraq qələmə aldığı "Gülüstan" poeması Azərbaycanın ikiyə bölünməsini, bunun nəticəsində yaşadığı fəlakətləri çox gözəl bədii dillə millətə çatdırmışdır. Bu poemaya görə böyük şair hətta cəzalandırılmış, 1962-ci ildə Azərbaycan Dövlət Universitetindən işdən çıxarılmış, yalnız 2 ildən sonra işə bərpa edilmişdi. Akademik daha sonra dedi: “Millətin dərdlərini rəmzlər və müxtəlif ədəbi üsullarla ifadə edən, iri həcmli poemaları və pyeslərində hadisələri ya tarixə, ya da başqa ölkələrə keçirərək öz millətinin dərdlərini dilə gətirən Bəxtiyar Vahabzadənin yaradıcılığı hər zaman oxucular tərəfindən diqqətlə izlənilmiş və rəğbət qazanmışdır”.

Akademik Nizami Cəfərov çıxış edərək görkəmli şair haqqında xatirələrini bölüşdü. Bildirdi ki, universitetdə təhsil alarkən müəllimi Bəxtiyar Vahabzadədən elmin sirləri ilə yanaşı, həm də əsl həyat dərsi alıb. Bildirdi ki, Bəxtiyar Vahabzadə Azərbaycan ədəbiyyatında, tarixində böyük izlər qoymuş əsl vətəndaş, millətini sevən, onun maraqlarını hər şeydən üstün tutan şəxsiyyət idi. O, təkcə Azərbaycanın deyil, bütün türk dünyasının böyük şairidir.

Daha sonra çıxış edən Şəkinin icra başçısı Elxan Usubov son illər şəhərdə həyata keçirilən tikinti-quruculuq işləri haqqında məlumat verdi. Bildirdi ki, ölkə başçısının diqqət və qayğısı nəticəsində Şəki şəhəri gündən-günə öz simasını dəyişir, inkişaf edir. Bu gün açılan Bəxtiyar Vahabzadənin ev muzeyi görülən işlərə daha bir töhfədir.

Şairin ailəsi adından çıxış edən qızı Gülzar Vahabzadə bildirdi ki, Bəxtiyar Vahabzadə erkən yaşlarında ailəliklə Şəkidən köçsə də, daim doğulduğu yurda bağlı qalmış, buradan ilham almışdır. O, ev muzeyinin yaradılmasına görə ailəsi adından ölkə başçısı İlham Əliyevə minnətdarlığını bildirdi.

Qeyd edək ki, ev muzeyində bərpa, yenidənqurma işləri Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən aparılıb. Xalq şairi Bəxtiyar Vahabzadənin anadan olduğu Ə.Haqverdiyev küçəsi, 73 ünvanında yaradılan ev muzeyinin ekspozisiyası 70 kvadratmetr təşkil edir və 3 otaqdan ibarətdir. Həmçinin inzibati və fond otaqları mövcuddur. Muzeyin ekspozisiyası şairin ailəsi tərəfindən təqdim edilmiş sənəd, kitab, əlyazma, foto və arxiv sənədləri, şəxsi əşyalar əsasında formalaşdırılıb. Burada ümumilikdə 735 ədəd eksponat nümayiş olunur.

* * *

Nazir Əbülfəs Qarayev daha sonra Şəki şəhərində 40 yerlik uşaq bağçasının açılış mərasimində iştirak etdi. 2 mərtəbədən ibarət bağça binasının ümumi sahəsi 1196 kvadrat metrdir. Tikinti işləri Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin sifarişi əsasında aparılıb. Binada tibb, musiqi, mətbəx, yemək və oyun otaqları, idman zalı və digər yardımçı otaqlar yaradılıb. Bağçanın həyətində uşaqlar üçün əyləncə sahəsi yaradılıb.

Görülən işlərdən razılığını bildirən Əbülfəs Qarayev kollektivə uğurlar arzuladı.

XƏBƏRLƏR

18.01.2019 17:30
Heydər Əliyev Fondunun prezidenti Mehriban Əliyeva “Üzeyir Hacıbəyli” fəxri medalı ilə təltif edilib
18.01.2019 17:04
Sabirabaddda vətənpərvərlik mövzusunda tədbirlər keçirildi
18.01.2019 16:32
20 Yanvar – Ümumxalq Hüzn Gününə həsr edilmiş “Tarixiləşən Yaddaşımız” adlı tədbir keçirilmişdir.
18.01.2019 11:01
Daşkənddəki “Məhəllə” televiziya kanalında Azərbaycan mədəniyyətinə dair proqram yayımlanıb
18.01.2019 10:51
“Azadlıq aşiqləri günü-20 Yanvar” rəsm müsabiqənin yekun sərgisi açılıb
17.01.2019 18:13
Cəlil Məmmədquluzadənin 150 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.01.2019 16:42
Respublika Gənclər Kitabxanası tərəfindən “20 yanvar” faciəsinə həsr edilmiş tədbirlər keçirildi
17.01.2019 15:18
Milli Kitabxanada “20 yanvar – Ümumxalq hüzn və qürur günüdür” mövzusunda kitab sərgisi və filmin nümayişi keçirildi
17.01.2019 14:56
"Boqema" operasının tamaşasında opera ulduzları iştirak edəcəklər
17.01.2019 14:49
Milli Qəhrəman Alı Mustafayevin xatirəsinə həsr olunmuş filmin təqdimatı olub
17.01.2019 09:41
Xalq artisti Amalya Pənahovanın xatirəsinə həsr olunan “Mən aktrisa olmaq üçün dünyaya gəldim…” adlı tədbir keçirilib
16.01.2019 16:52
Niyazinin Mənzil Muzeyində ilin ilk görüşü Əyyub Quliyevlə olub
16.01.2019 10:30
Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında Azərbaycan Respublikası Prezidentinin Fərmanı
16.01.2019 10:29
Qara Qarayevin ev-muzeyində Xalq artisti Firəngiz Əlizadə ilə görüş təşkil edilib
16.01.2019 09:34
Xalq rəssamı Arif Əzizin və tələbələrinin sərgisi açılıb
15.01.2019 15:14
Milli qəhrəmanlara həsr olunmuş filmlərin nümayişinə başlanılıb
15.01.2019 09:48
“Ağ şəhər” Rəsm Qalereyasında gənc rəssam Fidan Əliyevanın “Həyat şəfqəti” adlı fərdi sərgisi açılıb
15.01.2019 09:33
Azərbaycan Respublikasının mədəniyyət naziri Xızı şəhərində vətəndaşları qəbul edəcək
14.01.2019 17:20
"Wikipedia.org" Beynəlxalq Elektron Ensiklopediyasında “Kəlağayı - Azərbaycan ipəyinin dürdanəsi“ adlı Özbək dilində məlumat yerləşdirilib
14.01.2019 16:39
Lənkəran teatrının nümayəndə heyəti İranda keçirilən Fəcr Beynəlxalq Teatr Festivalında təmsil olunub
14.01.2019 16:36
Biləsuvar rayon Dövlət Rəsm Qalereyasının təmirdən sonra açılışı ilə əlaqədar tədbir keçirilib
14.01.2019 12:38
Mədəniyyət ocaqlarında 20 Yanvar faciəsinin ildönümü müxtəlif tədbirlərlə qeyd olunacaq
14.01.2019 10:30
“Maestro and Artists” Xalq rəssamı Arif Əzizin 75 illiyinə həsr olunmuş qrup sərgisi keçiriləcək
14.01.2019 09:53
İstiqlal Muzeyində II Dünya müharibəsi illəri ilə bağlı ekspozisiyada 100-ə yaxın eksponat nümayiş olunur
14.01.2019 09:38
Ötən il Şuşa Dövlət Musiqili Dram Teatrının tarixində əlamətdar hadisələrlə yadda qalıb
11.01.2019 17:39
Sumqayıt Regional Mədəniyyət İdarəsinin müşavirəsi keçirilib
11.01.2019 16:44
Azərbaycandan Özbəkistana göndərilən zəngin kitab kolleksiyasının sərgisi açılıb