“Euronews” telekanalı ölkəmizlə bağlı “Azərbaycan. Xalçanın qəlbi” adlı süjet yayımlayıb.
Süjetdə vurğulanır ki, xalçaçılığın ölkəmizdə çox qədim və zəngin tarixi var. Süjetdə bu tətbiqi sənət növünün tarixindən bəhs olunur. Bildirilir ki, xalça hər evin rahatlıq və qorunmaq rəmzidir.
Süjetdə dünyada ilk Xalça muzeyinin 2014-cü ildə Azərbaycanda yaradıldığı vurğulanır və muzeyin orijinal üslubda - xalça formasında olması xüsusi qeyd edilir.
Müəllif diqqətə çatdırır ki, bu muzeydə 5 minə yaxın eskponat var. Zallarda isə xalçaların təbii rənglərinə xələl gəlməsin deyə, lazımı hərarət və işıq səviyyəsi həmişə qorunur. “Hər bir xalçanın ayrı tarixi var və onu toxuyanın xasiyyəti, əhvalı, ovqatı həmin xalçada əks olunur”.
Muzeyin tərtibatının çox maraqlı olduğunu deyən müəllif qeyd edir ki, ziyarətçi sanki tədricən bu sənətin sirlərinin açıldığı, onu yaradan xalqın və daha əvvəlki nəsillərin mənəvi dünyasını özündə birləşdirən başqa bir aləmə düşür “Euronews”un hazırladığı süjetdə qeyd edilir ki, 2010-cu ildə YUNESKO-nun qeyri-maddi mədəni irs siyahısına daxil edilən Azərbaycan xalçaları Ağ Ev, Ermitaj və Vatikanda da qorunub saxlanılır.