Mayın 10-da müasir müstəqil Azərbaycanın memarı və qurucusu, görkəmli dövlət xadimi, ümummilli lider Heydər Əliyevin anadan olmasının 95-ci ildönümü tamam oldu. Artıq 15 ildir ki, Azərbaycan çox sevdiyi xalqı dahi şəxsiyyətin doğum gününü onsuz qeyd edir. Ölkə ictimaiyyətinin nümayəndələri, müxtəlif idarə və təşkilatların kollektivləri Fəxri xiyabanda ulu öndərin məzarını ziyarət edirlər.
Mayın 10-da Mədəniyyət Nazirliyinin kollektivi də Fəxri xiyabana gələrək Azərbaycan mədəniyyətinin qorunması və inkişafına böyük diqqət və qayğı göstərən ümummilli lider Heydər Əliyevin xatirəsini ehtiramla yad etdi. Ulu öndərin məzarı önünə tər gül dəstələri qoyuldu.
Anım mərasimində respublikamızın mədəniyyət sahəsində fəaliyyət göstərən qurumların, teatr-konsert müəssisələrinin, muzey, kitabxana və digər mədəniyyət ocaqlarının nümayəndələri, incəsənət xadimləri iştirak edirdilər.
Mərasim iştirakçıları görkəmli oftalmoloq alim, akademik Zərifə xanım Əliyevanın da məzarı üzərinə gül dəstələri düzdülər, xatirəsini ehtiramla yad etdilər.