``Sağlam Yaşa`` Gənclərin Maarifləndirilməsi İctimai Birliyi Mədəniyyət və Turizm Nazirliyinin maliyə dəstəyi ilə Xaçmaz rayonunda `` Regionlarda yeni formalaşmış mədəniyyət müəsisələrində Azərbaycanda yaşayan müxtəlif xalqların mədəniyyətlərinin təbliği ``mövzusunda tədbir keçirmişdir.
Rayon Mərkəzi kitabxanasının direktoru Azad Əlifxanov tədbiri açaraq mövzu haqqında iştirakçılara qısa məlumat verdi. Təşkilatın eksperti Nizami Məmmədzadə Azərbaycanda yaşayan azsaylı xalqların folkloru, adət -ənənələri, musiqiləri haqqında geniş məlumat verdi. Dövlətimiz tərəfindən bu xalqların maddi və mənəvi mədəniyyətlərinin öyrənilməsi və qorunması məqsədi ilə yaradılmış Mədəniyyət Mərkəzlərinin fəaliyyətləri haqqinda geniş fikir mübadiləsi aparıldı və onların bu sahədə gördüyü müsbət işlər qeyd edildi.
Tədbirin sonunda iştirakçılara mövzununu əks etdirən bukletlər paylanmışdır.