Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
150

Kəlağayı sənətinin zənginliyini, fəlsəfəsini əks etdirən kitab

Azərbaycan Xalça Muzeyində Əminə Məlikovanın “Kəlağayı” kitabının təqdimat mərasimi keçirilib. Nəşr "BP Azerbaijan" şirkətinin sponsorluğu və Mədəniyyət Nazirliyi ilə əməkdaşlığı çərçivəsində ərsəyə gəlib.

Tədbirdə çıxış edən "BP Azerbaijan" şirkətinin əlaqələr, xarici işlər və strategiya üzrə vitse-prezidenti Bəxtiyar Aslanbəyli  qurumun Azərbaycanın kəlağayı sənətinin tədqiqi və təbliğinə dəstək olmasından məmnunluğunu bildirib. Qeyd edib ki, nəşr kəlağayı sənətinin bütün zənginliyini, fəlsəfəsini özündə əks etdirir.

Mədəniyyət Nazirliyinin Beynəlxalq əməkdaşlıq və innovativ inkişaf şöbəsinin Xarici ölkələrlə əməkdaşlıq sektorunun müdiri Tamerlan Axundov çıxış edərək belə bir kitabın işıq üzü görməsini əlamətdar hadisə kimi qiymətləndirib. Bildirib ki, Azərbaycan mədəniyyətinin zəngin incilərindən olan kəlağayıya həsr edilən kitab əsl ipəkdən toxunmuş ənənəvi qadın baş örtüyünün hazırlanma və geyim mədəniyyətini əhatə edir. Zərifliyinə, rəngarəngliyinə və gözəlliyinə görə tarixən kəlağayı sənət nümunəsi hesab edilib. Qeyd olunub ki, dövlət başçısı İlham Əliyev və Birinci vitse-prezident Mehriban Əliyevanın himayəsi ilə ölkəmizin mədəni irsi həssaslıqla qorunur, tanıdılır və təbliğ edilir. Bu qayğı nəticəsində 2014-cü ildə Azərbaycanın “Kəlağayı simvolizmi və ənənəvi sənəti” faylı UNESCO-nun Qeyri-maddi mədəni irs üzrə reprezentativ siyahısına daxil edilib. Eyni zamanda dövlətimizin bilavasitə dəstəyi ilə müxtəlif illərdə muğam, xalça, tar, kamança, aşıq sənəti ilə yanaşı, bu günlərdə Yallı rəqsi və “Dədə Qorqud” irsi də UNESCO-nun müvafiq siyahılarına daxil edilərək bəşəri status qazanıb: “Kəlağayı irsinin tədqiqinə dəyərli töhfə olan nəşrin hazırlanmasında əməyi keçən hər kəsə təşəkkürümü bildirirəm. İnanıram ki, BP şirkəti ilə əməkdaşlığımız bundan sonra da uğurla davam edəcək”.

Kitabın elmi redaktoru Rəna İbrahimbəyova çoxəsrlik ənənələrə malik olan kəlağayı sənətinin milli etnoqrafiya, sənətşünaslıq və kulturologiya elmlərinin müstəqil tədqiqat sahələrindən biri olduğunu vurğulayıb.

Nəşrin müəllifi Əminə Məlikova kitabda Azərbaycanda müxtəlif dövrlərdə fəaliyyət göstərən kəlağayı məktəblərində hazırlanan kəlağayı nümunələri barədə müfəssəl tarixi məlumatların əksini tapdığını diqqətə çatdırıb: “Kitab öz rəng çalarlarına, zərif tərtibatına və poliqrafik özəlliklərinə görə özü-özlüyündə bir sənət əsəridir. Bu, kəlağayı sənətinin bütün zənginliyini, fəlsəfəsini və təmtərağını özündə tam əks etdirən bir hədiyyədir. Kitab "ExpoOrg" şirkətinin rəhbərliyi ilə Azərbaycan, Gürcüstan, Rusiya və Ukrayna muzeylərində aparılan geniş tədqiqatların nəticəsində hazırlanıb”.

Daha sonra Xalça muzeyinin direktoru Şirin Məlikova çıxış edərək kitabın əhəmiyyətindən söz açıb. Qeyd edib ki, muzeydə kəlağayı sənətinə həsr olunan sərgi hazırlanıb. Sərgidə Xalça muzeyinin kolleksiyasında qorunub saxlanılan nadir kəlağayılar nümayiş olunur.

Sonda qonaqlar kəlağayı sənətinin gözəl nümunələrini əks etdirən sərgi ilə tanış olublar.

 

XƏBƏRLƏR

12.12.2018 16:50
Qazax rayon MKS tərəfindən Ulu Öndər Heydər Əliyevin anım günü ilə əlaqədar sərgi təşkil olunub
12.12.2018 16:41
Bu gün Heydər Əliyev Sarayında Azərbaycan xalqının Ümummilli liderinin anım mərasimi keçirilib
12.12.2018 09:51
Böyük Britaniya məzunlarının mükafatlandırılması mərasimi
11.12.2018 17:06
Bakı Xoreoqrafiya Akademiyasının müəllimləri Kürdəmirdə ustad dərsləri keçiblər
11.12.2018 16:58
Azərbaycan Milli Kitabxanası Sofiya şəhərində keçirilən Beynəlxalq Elmi Konfransda ölkəmizi təmsil edib
11.12.2018 16:39
Mədəniyyət nazirinin müavini Sevda Məmmədəliyeva YUNESKO-nun Mədəni özünüifadə müxtəlifliyinin qorunması və təşviqi üzrə Hökumətlərarası Komitəsinin 12-ci sessiyasında iştirak edir
11.12.2018 16:32
Milli Kitabxanada ulu öndər Heydər Əliyevin xatirəsi ehtiramla anılıb
11.12.2018 11:04
Şəmkirdə Gülxar Həsənovanın yubileyi qeyd olunub
11.12.2018 09:30
Parlaq, koloritli qadın obrazlarının mahir ifaçısı
11.12.2018 09:15
Azərbaycan Respublikasının mədəniyyət naziri Hacıqabul şəhərində vətəndaşları qəbul edəcək
10.12.2018 16:33
Xalq artisti Gülxar Həsənovanın Fəxri xiyabanda xatirəsi yad olundu
10.12.2018 12:35
Musiqili Teatrda “Çarəsiz sərnişinlər” yola çıxdılar
10.12.2018 12:17
Mir Cəlal Paşayevin 110 illik yubileyinə həsr edilmiş “Gənc yazarların müsabiqəsi” keçirilmişdir
10.12.2018 10:38
Quba şəhərində Ulu Öndərin xatirə günləri çərçivəsində xüsusi layihə həyata keçirildi
07.12.2018 19:59
Azərbaycan Dövlət Gənc Tamaşaçılar Teatrının 90 illiyi qeyd edildi
07.12.2018 17:33
Ölkəmiz Avstriyanın Vyana şəhərində keçirilən “Avropa Mədəni İrs İli-2018” adlı tədbirdə təmsil olunur
07.12.2018 17:18
Mədəniyyət naziri Əbülfəs Qarayev Ceyhun Hacıbəylinin Bakıda səfərdə olan varisləri ilə görüşüb
07.12.2018 16:59
Şamaxı şəhərində Prezident təqaüdçülərinin konserti keçirildi
07.12.2018 15:49
Azərbaycan Dövlət Uşaq Filarmoniyasının “Şəms” uşaq xoru Dövlət Xor Kapellası ilə bir səhnəni bölüşdü
07.12.2018 12:40
Sabirabadda ulu öndər Heydər Əliyevin anım gününə həsr olunmuş tədbir keçirilib
07.12.2018 11:28
Azərbaycan Xalça Muzeyində konservasiya üzrə növbəti ustad dərsləri keçirilib
07.12.2018 11:22
Bakıda isveçli rəssamın fərdi sərgisi açılıb
06.12.2018 15:26
Həsən Məmmədovun 80 illik yubileyi Salyan şəhərində təntənəli şəkildə qeyd olundu
06.12.2018 15:21
UNESCO-nun Qeyri-maddi mədəni irsin qorunması üzrə Hökumətlərarası Komitəsinin 13-cü sessiyasında Azərbaycan növbəti uğura imza atıb