Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
968

“Keşikçidağ” Dövlət tarix-mədəniyyət qoruğunda Beynəlxalq abidələr və tarixi yerlər gününə həsr olunmuş möhtəşəm tədbir keçirilib

Aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir.

Abidələr və tarixi yerlər öz görkəmləri ilə xalqlara hər an kimliyini, nəyə qadir olduğunu xatırladır, vətən sevgisi və ona sadiqlik hisslərini aşılayır. Ölkəmiz dünyada bəşər sivilizasiyasının ilkin meydana gəldiyi ərazilərdən biridir. 18 aprel Beynəlxalq Abidələr və Tarixi Yerlər Günü Azərbaycanda da geniş qeyd olunur. Hər il bu tarixdə qoruqlarda, tarixi məkanlarda abidələrin və tarixi yerlərin qorunmasının təbliği məqsədi ilə müxtəlif tədbirlər, sərgilər təşkil olunur. Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin tarix-mədəniyyət qoruqlarının fəaliyyətinin canlandırılması, tarixi ərazilərdə insanların asudə vaxtlarının səmərəli keçirilməsi barədə tapşırığına əsasən “Keşikçidağ” Dövlət tarix-mədəniyyət qoruğunda bu əlamətdar gün münasibətilə möhtəşəm tədbir keçirilmişdir. Belə ki, üzərinə Dövlət bayrağımız sancılmış maşın karvanları ilə qoruq ərazisinə yürüş təşkil edilmişdir. Daha sonra tədbir iştirakçıları milli musiqi sədaları altında mağaralar kompleksinə səyahət etmişlər.  Keşikçidağ abidələri zahirən dilsiz olsa da, mövcud durumu ilə bizlərə çox şey söyləyir. Bu mağaralar kompleksi buraya səyahət edən insanlara, ulu əcdadlarımızın tarixən keçdikləri keşməkeşli və şərəfli yollardan danışır. Kompleks ilə tanış olan iştirakçılara qoruq əməkdaşları tərəfindən qoruq haqqında ətraflı məlumat verilərək flayerlər və bukletlər paylanmışdır. Sonda Ali baş komandanın şərəfinə ucaldılmış “İlham Əliyev adına zirvə” ətrafında xatirə şəkli çəkilmişdir.

XƏBƏRLƏR

23.08.2019 16:56
Cəbrayıl və Füzuli rayonlarının işğalının 26-cı ildönümü ilə əlaqədar anım tədbirləri keçirilmişdir
23.08.2019 15:22
Ağstafada “Yurd yerlərimiz yolumuzu gözləyir” adlı anım tədbiri təşkil edilib
22.08.2019 14:35
Daşkənddə azərbaycanlı alim Qulamhüseyn Əliyevin kitabının təqdimatı olub
22.08.2019 14:29
“Bir, iki – bizimki!” növbəti dəfə səhnədə...
21.08.2019 15:40
Bakıda “Salam” Beynəlxalq Yeniyetmə Kino Festivalı keçiriləcək
21.08.2019 10:52
“Şairə ithaf” adlı respublika rəsm müsabiqəsi davam edir
21.08.2019 09:00
Maestro Niyazinin xatirəsi anılıb
20.08.2019 15:43
“Cəhənnəm sakinləri” yenidən səhnədə...
20.08.2019 15:39
Nazir müavini Rafiq Bayramov Avrasiya Xalqları Assambleyasının nümayəndə heyəti ilə görüşüb
19.08.2019 16:53
Qazaxda Xalq şairi Mirvarid Dilbazinin xatirəsi anılıb
19.08.2019 16:23
Lənkəran Dövlət Dram Teatrı İranda “Adət-Ənənə” Milli Teatr Festivalında iştirak edib
19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb