Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
258

Kinorejissor Tofiq Tağızadə anadan olmasının 100-cü ildönümündə anıldı

Fevralın 7-də – Azərbaycan kino sənətinin inkişafında böyük xidmətləri olan rejissor, Xalq artisti Tofiq Tağızadənin (1919-1998) anadan olmasının 100-cü ildönümündə kino ictimaiyyətinin nümayəndələri II Fəxri xiyabana gələrək sənətkarın məzarını ziyarət etdilər. Məzar önünə tər çiçək dəstələri qoyuldu, görkəmli kino xadiminin xatirəsi ehtiramla yad olundu.

Azərbaycan Respublikası Kinematoqrafçılar İttifaqının sədri, Xalq artisti Şəfiqə Məmmədova Tofiq Tağızadənin 100 illiyi ilə bağlı Prezident İlham Əliyevin sərəncam imzaladığını diqqətə çatdırdı. Vurğuladı ki, il ərzində yubiley geniş şəkildə, müxtəlif tədbirlərlə qeyd olunacaq.

Şəfiqə Məmmədova sənətkarın həyat və yaradıcılığından söz açaraq bildirdi ki, Tofiq Tağızadə Moskvada Ümumittifaq Dövlət Kinematoqrafiya İnstitutunun Kinorejissorluq fakültəsini bitirdikdən sonra “Azərbaycanfilm” Kinostudiyasında fəaliyyətə başlayıb, quruluş verdiyi ekran əsərləri ilə milli kino tariximizi zənginləşdirib. Ömrünün 40 ildən çox dövrünü kinoda keçirən Tofiq Tağızadə çəkdiyi bütün filmlərdə özünü professional rejissor kimi təsdiq edib.

Cəfər Cabbarlı adına “Azərbaycanfilm” Kinostudiyasının direktoru Müşfiq Hətəmov qeyd etdi ki, Tofiq Tağızadə dünya kinematoqrafiyasının mütərəqqi təcrübəsindən yaradıcı şəkildə bəhrələnərək özünəməxsus dəst-xətti ilə Azərbaycan kino sənətinə mühüm yeniliklər gətirib. Onun filmlərinin hər birinin öz maraqlı süjeti var, rejissorun mövzulara özünəməxsus yanaşma tərzi isə milli kinoya yeni üslub və nəfəs gətirib.

Direktor onu da bildirdi ki, kinostudiyada çalışmış görkəmli sənətkarların yaradıcılıq otaqlarının açılması istiqamətində iş aparılır: “Vaxtilə çalışdıqları otaqlara onların adı veriləcək, orada onlara məxsus əşyalar qoyulacaq. Ötən il Rasim Ocaqovun adına belə bir otaq yaradılmışdı. Yaxın vaxtlarda Tofiq Tağızadənin də yaradıcılıq otağı açılacaq”.

Xalq artistləri – kinorejissorlar Eldar Quliyev, Oqtay Mirqasımov, aktyor, rejissor Əbdül Mahmudov və başqaları çıxış edərək Tofiq Tağızadə ilə bağlı xatirələrini bölüşdülər. Qeyd olundu ki, sənətkarın yüksək estetik meyarlarla xalqımızın mədəni, mənəvi irsini canlandıran və müasirlərinin həyatını dolğun əks etdirən rəngarəng mövzulu silsilə ekran əsərləri, o cümlədən “Uzaq sahillərdə”, “Arşın mal alan” (1965), “Yeddi oğul istərəm”, “Dədə Qorqud” kimi filmləri Azərbaycan kinosunun qızıl fonduna daxil olmuş parlaq sənət nümunələridir. Tofiq Tağızadənin respublikada kino işinin təşkili və kadr hazırlığı sahəsində də təqdirəlayiq xidmətləri var.

Sonda çıxış edən rejissorun qızı – Xalq artisti İranə Tağızadə atasının xatirəsinə göstərilən yüksək ehtirama görə minnətdarlığını bildirdi.

 

XƏBƏRLƏR

16.02.2019 13:21
Mədəniyyət naziri Əbülfəs Qarayev Koventri Universitetində tələbələr qarşısında mühazirə ilə çıxış edib
16.02.2019 11:42
Bakıda türkmən xalçaları və zərgərlik məmulatlarından ibarət sərgi açılıb
15.02.2019 17:39
Xalq rəssamı Rafis İsmayılovun 80 illik yubileyinə həsr olunmuş tədbir keçirildi
15.02.2019 16:33
Sumqayıtda “Uğur Əngəl Tanımır!” layihəsi çərçivəsində sərgi-müsabiqə keçirilib
15.02.2019 16:02
“Nəsimi ili” ilə bağlı Özbəkistanda silsilə tədbirlər keçiriləcək
15.02.2019 15:40
“Azərbaycanın ipək incisi” yaradıcılıq müsabiqəsinə eskizlərin qəbulu müddəti uzadılmışdır
15.02.2019 15:40
Mədəniyyət naziri Əbülfəs Qarayev Böyük Britaniyanın Baş nazirinin ticarət elçisi ilə görüşüb
15.02.2019 14:59
Milli Kitabxanada növbəti kitab sərgisi akademik Arif Paşayevin 85 illiyinə həsr edilib
15.02.2019 12:39
Mədəniyyət Nazirliyi ilə British Council arasında əməkdaşlıq sənədi imzalandı
15.02.2019 11:21
Kürdəmirdə mədəniyyət müəssisələrinin rəhbər və gənc işçilərinin toplantısı keçirilib
15.02.2019 09:57
Azərbaycanın Birinci vitse-prezidenti Gəncədə Mir Cəlal Paşayevin ev-muzeyində olub
14.02.2019 18:30
Mədəniyyət nazirinin müavini Sevda Məmmədəliyeva Türkmənistan nümayəndə heyəti ilə görüşüb
14.02.2019 17:09
Milli Kitabxanada Beynəlxalq Kitab Bağışlama Günü qeyd edilib
14.02.2019 14:25
Musiqili Teatr azyaşlı tamaşaçıları üçün bayram hədiyyəsi hazırlayır
14.02.2019 14:10
Respublika Uşaq Kitabxanasının təşkilatçılığı ilə “ASAN Xidmət” mərkəzində Beynəlxalq Kitab Bağışlama Gününə həsr edilmiş tədbir keçirilib
14.02.2019 14:09
Bakıda “Türkmənistan əl işi xalçaları, milli zərgərlik məmulatları və tekstil məhsulları” adlı sərgi açılacaq
14.02.2019 11:36
Mədəniyyət naziri Əbülfəs Qarayev Böyük Britaniyada səfərdədir
14.02.2019 10:28
“Rusiya və Azərbaycan arasında mədəni körpülər mədəniyyətlərarası dialoq üçün körpülər kimi” mövzusunda dəyirmi masa keçirilib
13.02.2019 17:33
Altay Əmir oğlu Hacıyev
13.02.2019 17:05
Şəkidə Xalq şairi Bəxtiyar Vahabzadənin xatirəsi anılıb
13.02.2019 16:52
Daşkənddə keçirilən beynəlxalq konfransda ölkəmiz də iştirak edib
13.02.2019 16:51
Beyləqanda əsaslı şəkildə yenidən qurulan Tarix-Diyarşünaslıq Muzeyinin açılışı olub
13.02.2019 10:24
Cəfər Cabbarlının yubileyi Ankarada qeyd olunub
12.02.2019 12:38
Dördüncü Buktreyler Festivalının iştirak şərtləri bəlli oldu
12.02.2019 12:18
Azərbaycan Dövlət Akademik Opera və Balet Teatrında ilin yeni baleti “Dahi hekayəçi” növbəti dəfə təqdim olunub.
12.02.2019 10:03
“MƏNİM ŞAMAXIM” adlı rəsm müsabiqəsi
11.02.2019 17:53
Yeni reallıq - yeni peşə səriştələri