Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2386

Kitabxana bəşəriyyətin mədəniyyət və elm xəzinəsidir

Cəfər Cabbarlı adına Respublika Gənclər Kitabxanasının 90 illiyinin qeyd edilməsi kitabsevərlər üçün əsl bayramdır. Gənclərdə mütaliəyə həvəsin formalaşması, onlarda kitaba maraq və hörmət yaratmağı qarşıya məqsəd qoyan kitabxana, yeni nəslin bilik və savadlarının artırılmasında böyük rol oynayır.

Bu sözləri dekabrın 5-də Respublika Gənclər Kitabxanasının 90 illiyinə həsr edilmiş tədbirdə mədəniyyət naziri Əbülfəs Qarayev deyib.

Azərbaycan Musiqili Teatrında reallaşan tədbirdə kitabxananın son illər öz fəaliyyəti ilə seçildiyini söyləyən nazir bildirib ki, burada bir sıra təlim kursları təşkil edilir, yeni layihələr reallaşdırlır. Kitabxana fəaliyyətində hər zaman innovativ yanaşmalarla rəqabət aparır. Kitabxananın bazası o qədər genişdir ki, burada həm Azərbaycanın, həm də digər ölkələrin hüquq bazası haqqında məlumat almaq mümkündür.

“Bir çox ictimai qurumlarla geniş əlaqə quran kitabxana gənclər üçün faydalı və lazımlı olan layihələrə imza atır. İnanıram ki, Respublika Gənclər Kitabxanası həmişəki kimi, gələcəkdə də humanitar baza rolunu oynamaqla yanaşı, geniş spektrdə fəaliyyət göstərəcək. Azərbaycanda kitabxana işinə dövlət tərəfindən hər zaman diqqət göstərilib və bu ənənə bu gün də davam edir. Ulu öndər Heydər Əliyev gənclərimizin savadlı olması, onlarının biliklərinin artırlmasına böyük önəm verirdi. Bu siyasət Prezident İlham Əliyev tərəfindən uğurla davam etdirilir. Bunun nəticəsidir ki, Respublika Gənclər Kitabxanasının dörd əməkdaşına dövlət başçısının müvafiq Sərəncamı ilə “Tərəqqi” medalı verilib. Bu gün ölkədə fəaliyyət göstərən kitabxana şəbəkələri təkmilləşir, inkişaf edir və imkanlarını genişləndirir. Bu yaxınlarda Azərbaycan Milli Kitabxanasının 90 , Respublika Uşaq Kitabxanasının 50 illiyini qeyd etdik. Eyni zamanda, ölkəmizdə kitabxanaçıların qurultayları, simpoziumları, “dəyərmi masa”ları keçirilir. Bir sözlə, ölkəmizdə bu sahədə çoxlu işlər görülür, bu mənada, Respublika Gənclər Kitabxanası da bu işə töhfəsini verməkdə davam edir, üzərinə düşən vəzifələri uğurla yerinə yetirir. Bir çox kitabxanalarımız da beynəlxalq əməkdaşlığını genişləndirir”, - deyə Əbülfəs Qarayev bildirib.

Sonra Respublika Gənclər Kitabxanasının bir sıra əməkdaşlarına Mədəniyyət Nazirliyinin Fəxri fərmanları təqdim olunub.

Azərbaycan Mədəniyyət İşçiləri Həmkarlar İttifaqı Respublika Komitəsinin sədri Cəmilə Səttarova dövlət başçısı tərəfindən kitabxana işinə göstərilən diqqətdən söz açıb. Deyib ki, ölkəmizdə kitabxanaçılıq sahəsi inkişaf edir, bu istiqamətdə yeni layihələr reallaşdırılır və yeni üfüqlər açılır: “Kitabxana bəşəriyyətin mədəniyyət və elm xəzinəsidir. Bu gün münasibətilə Respublika Gənclər Kitabxanası ilə yanaşı, digər kitabxanalarımızda da çalışan hər bir kitabxanaçını təbrik edirəm”.

Kitabxananın direktoru Oruc Quliyev rəhbəri olduğu qurumun keçdiyi tarixi yola nəzər salıb.

Bildirib ki, bu gün ölkəmizdə 90 yaşı olan az sayda kitabxanalardan biri olan C.Cabbarlı adına Respublika Gənclər Kitabxanası Azərbaycanın mədəni-maarif sahəsinin inkişafında əvəzsiz rol oynayır. Azərbaycan gəncliyinin hərtərəfli inkişafı, onun milli vətənpərvərlik tərbiyəsi, yüksək təhsil tələbləri, dünyaya açılması, yeniliyə, yeni texnologiyalara açıq olması, həyatında milli dəyərlərlə bəşəri dəyərləri uğurla sintez edə bilmək qabiliyyəti kitabxananın fəaliyyətinin əsas ideoloji platformasını təşkil edir.

Göstərilən diqqətə görə Prezident İlham Əliyevə rəhbəri olduğu qurum adından təşəkkür edən O. Quliyev bundan sonra da kollektivlə birgə yorulmadan çalışacaqlarını söyləyib.

Milli Məclisin deputatı Fazil Mustafa Respublika Gənclər Kitabxanasının gənclərin milli vətənpərvərlik ruhunda tərbiyəsində, onların mütaliə marağının ödənilməsində və asudə vaxtlarının səmərəli təşkilindəki fəaliyyətindən bəhs edib.

Tədbir konsert proqramı ilə davam edib.

XƏBƏRLƏR

17.07.2019 08:34
Lənkəran teatrı 128-ci mövsümə yekun vurub
16.07.2019 19:22
Əməkdar memar, akademik Rasim Əliyevin 85 illik yubileyi qeyd olundu
16.07.2019 17:20
“YUĞ” Teatrında U.Şekspirin “III Riçard” əsərinin məşqlərinə başlanılıb
16.07.2019 15:45
Mədəniyyət Nazirliyinin dəstəyi ilə yeni kitablar işıq üzü görüb
16.07.2019 15:32
“Muzey əşyalarının daimi mühafizə portalı”nın yenidən işlənilmiş proqram təminatının istifadə qaydalarına dair təqdimat – treninqin ikinci mərhələsi keçirildi
15.07.2019 17:25
Mədəniyyət naziri Əbülfəs Qarayev Pakistan Gilgit-Baltistan əyalətinin baş naziri ilə görüşüb
15.07.2019 16:26
Azərbaycanlı tələbələr ölkəmizi Bolqarıstanda keçirilən beynəlxalq festivalda təmsil edib
15.07.2019 15:28
Ağstafada ulu öndərin hakimiyyətə gəlməsinin 50 illiyi münasibətilə tədbir keçirilib
15.07.2019 15:17
İmadəddin Nəsiminin yaradıcılığına həsr olunmuş rəsm müsabiqəsi davam edir
15.07.2019 14:11
İsmayıllıda ümummilli liderin hakimiyyətə gəlməsinin 50-ci ildönümünə həsr olunmuş tədbirlər keçirilib
15.07.2019 12:39
Şəkili Əməkdar müəllim: UNESKO-nun qərarı bütövlükdə Azərbaycan mədəniyyətinin uğuru və qələbəsidir
15.07.2019 12:32
Milli Dram Teatrı mövsümü “Qarabağnamə” ilə bağlayıb
15.07.2019 08:44
Azərbaycanın Əməkdar artisti, dirijor Əyyub Quliyev ölkəmizi beynəlxalq festivalda təmsil edib
15.07.2019 08:43
“Ürəyində arzu tut” tamaşası Şəkidə nümayiş edilib
15.07.2019 08:41
Professor Fırat Purtaş: UNESKO-nun Şəki barədə qərarı Azərbaycana şərəf gətirən tarixi bir uğurdur
12.07.2019 16:19
Ümummilli lider Heydər Əliyevin hakimiyyətə gəlişinin 50-ci ildönümünə həsr olunmuş dəyirmi masa təşkil edilib
12.07.2019 15:48
Milli Kitabxanada “Azərbaycan məktəbi” jurnalının 95 illiyi münasibətilə tədbir keçirilib.
12.07.2019 15:15
Milli Dram Teatrında mövsümün sonuncu tamaşası “Qarabağnamə” olacaq
12.07.2019 15:11
Musiqili Teatr mövsümə “O olmasın, bu olsun”la yekun vuracaq
12.07.2019 15:09
Xətai Sənət Mərkəzi uşaqlar üçün rəsm müsabiqəsi elan edib
12.07.2019 15:06
Kukla Teatrı 87-ci mövsümə yekun vurub
12.07.2019 14:38
İmadəddin Nəsimiyə həsr olunmuş fərdi jurnalist yazıları müsabiqəsinin qalibləri mükafatlandırıldı